ઉપરાષ્ટ્રપતિની ચૂંટણી અંગે મમતા બેનરજીની પાર્ટી TMCનો મોટો નિર્ણય, જાણો શું છે સમાચાર

Vice President Election 2022: TMC સાંસદ અભિષેક બેનર્જીએ કહ્યું કે TMC એનડીએના ઉપરાષ્ટ્રપતિ પદના ઉમેદવાર જગદીપ ધનખડને સમર્થન નહીં આપે. પાર્ટી ઉપરાષ્ટ્રપતિની ચૂંટણીથી દૂર રહેશે.

TMC will abstain from the upcoming Vice Presidential polls

Vice President Election 2022: ઉપરાષ્ટ્રપતિની ચૂંટણી અંગે મમતા બેનરજીની પાર્ટી TMCએ મોટો નિર્ણય લીધો છે.  પશ્ચિમ બંગાળના મુખ્યમંત્રી મમતા બેનર્જીની પાર્ટી  TMC ઉપરાષ્ટ્રપતિની ચૂંટણીમાં મતદાન પ્રક્રિયાથી દૂર રહેશે.  TMC ના મહાસચિવ અભિષેક બેનર્જીએ બેઠક બાદ કહ્યું કે મોટાભાગના સાંસદોએ મમતા બેનર્જીને આ અંગે વિનંતી કરી હતી. તેમણે કહ્યું કે વિપક્ષી દળોએ છેલ્લી ઘડીએ માર્ગારેટ અલ્વાના નામની ચર્ચા કર્યા વગર ઘોષણા કરી.

85 ટકા સાંસદોનો નિર્ણય 
અભિષેક બેનર્જીએ કહ્યું કે, માર્ગારેટ આલ્વા અને મમતા બેનર્જી વચ્ચે સારા સંબંધો છે, પરંતુ દેશના ઉપરાષ્ટ્રપતિની ચૂંટણી વ્યક્તિગત સમીકરણોના આધારે થવાની નથી. અમારા 85 ટકા સાંસદોએ નિર્ણય લીધો કે આપણે મતદાનથી દૂર રહેવું જોઈએ.

TMC will not support NDA's Vice-Presidential candidate Jagdeep Dhankhar. The party will abstain from the upcoming Vice Presidential polls as it was decided in the meeting: TMC MP Abhishek Banerjee

(File pic) pic.twitter.com/gf12NiuhME

— ANI (@ANI) July 21, 2022

જગદીપ ધનખડને સમર્થન આપીશું નહીં
અભિષેક બેનર્જીએ કહ્યું, "મોટા ભાગના સાંસદોએ નક્કી કર્યું કે ઉપરાષ્ટ્રપતિ માટે વિપક્ષી ઉમેદવારની જે રીતે પસંદગી કરવામાં આવી છે તે લોકશાહી અને યોગ્ય નથી." પ્રેરિત અને પક્ષપાતી છે. અમે કોઈપણ રીતે NDA ઉમેદવાર જગદીપ ધનખડને સમર્થન આપીશું નહીં.

વિપક્ષી છાવણી માટે એક મોટો આંચકો
2019 માં પશ્ચિમ બંગાળમાં સત્તા સંભાળ્યા બાદથી ધનખD બંગાળ સરકાર સાથેના તેમના સંઘર્ષને કારણે ઘણીવાર સમાચારમાં રહે છે. તે જ સમયે, સીએમ મમતા બેનર્જીના અલ્વાને સમર્થન ન આપવાના નિર્ણયને વિપક્ષી છાવણી માટે એક મોટો આંચકો માનવામાં આવી રહ્યો છે.

બેઠકમાં હાજર ન રહ્યાં TMC નેતાઓ 
આલ્વાએ મંગળવારે ઉમેદવારી નોંધાવી હતી. આ દરમિયાન TMCના પ્રતિનિધિઓ પણ હાજર ન હતા. 17 જુલાઈએ ચહેરાની પસંદગી માટે વિપક્ષી પાર્ટીઓની બેઠક યોજાઈ હતી. આ બેઠકમાં TMCના નેતાઓ પણ હાજર રહ્યા ન હતા. ત્યારે NCP પ્રમુખ શરદ પવારે કહ્યું હતું કે અમે મમતા બેનર્જીનો સંપર્ક કરવાનો પ્રયાસ કરીશું. ઉપરાષ્ટ્રપતિની ચૂંટણી માટે 6 ઓગસ્ટે મતદાન થશે.