Kashmir Terror Attack: પહલગામ બાદ ઉરીમાં સેના એક્શનમાં, ઘૂસણખોરીનો પ્રયાસ કરી રહેલા બે આતંકી ઠાર

બે આતંકવાદીઓએ ઘૂસણખોરીનો પ્રયાસ કર્યો હતો. પરંતુ સેનાના જવાનોએ યોગ્ય જવાબ આપ્યો હતો

પ્રતિકાત્મક તસવીર

Source : PTI

Pahalgam Terror Attack: જમ્મુ અને કાશ્મીરના પહલગામ પછી ઉરી આતંકવાદીઓના નિશાના પર હતું. પરંતુ સેનાએ આતંકવાદીઓના પ્રયાસોને નિષ્ફળ બનાવ્યા હતા. બુધવારે ઘૂસણખોરીનો પ્રયાસ કરી રહેલા બે આતંકવાદીઓને સેનાના જવાનોએ ઠાર માર્યા હતા. આ આતંકવાદીઓ પાસેથી બે AK47 રાઈફલ અને IED મળી આવ્યા છે. મંગળવારે પહલગામમાં થયેલા આતંકવાદી હુમલામાં 26 લોકો માર્યા ગયા હતા. હવે NIAની ટીમ જમ્મુ અને કાશ્મીર પહોંચી ગઈ છે. સેનાએ પણ સર્ચ ઓપરેશન તેજ કરી દીધું છે.

J-K: Search Operations underway following Pahalgam Terror attack

Read @ANI Story | https://t.co/BlBub1IfCO#SearchOperations #PahalgamTerrorattack #JammuandKashmir pic.twitter.com/U7e98wFqec

— ANI Digital (@ani_digital) April 23, 2025

બુધવારે સવારે ઉરીથી મોટા સમાચાર આવ્યા હતા. બે આતંકવાદીઓએ ઘૂસણખોરીનો પ્રયાસ કર્યો હતો. પરંતુ સેનાના જવાનોએ યોગ્ય જવાબ આપ્યો અને આતંકવાદીઓને ઠાર માર્યા હતા. તેમની પાસેથી આધુનિક હથિયારો પણ મળી આવ્યા છે. આમાં AK47 ની સાથે એક પિસ્તોલ પણ સામેલ છે. પહલગામ આતંકવાદી હુમલા બાદ સેના અને સુરક્ષા એજન્સીઓ એક્ટિવ થઈ ગઈ છે અને હુમલામાં સામેલ આતંકવાદીઓને પણ શોધી રહી છે.

STORY | Infiltration bid foiled along LoC in J-K's Baramulla; operation underway: Army

READ: https://t.co/k4GfRaXbZ0 pic.twitter.com/vywIZOSRU5

— Press Trust of India (@PTI_News) April 23, 2025

NIA ટીમ પહલગામ પહોંચી

પહલગામ આતંકવાદી હુમલા બાદ NIAની ટીમ શ્રીનગર પહોંચી ગઈ છે. ટીમ ટૂંક સમયમાં પહલગામ પણ રવાના થઈ શકે છે. હુમલામાં સામેલ આતંકવાદીઓને શોધવા માટે સેનાએ સર્ચ ઓપરેશન શરૂ કર્યું છે. આ માટે હેલિકોપ્ટર તેમજ ડ્રોનની પણ મદદ લેવામાં આવી રહી છે.

લોકો પાકિસ્તાન વિરુદ્ધ વિરોધ પ્રદર્શન કરી રહ્યા છે

જમ્મુમાં મહિલાઓ અને ભૂતપૂર્વ સૈનિકોએ પાકિસ્તાન વિરુદ્ધ જોરદાર વિરોધ પ્રદર્શન કરીને કડક કાર્યવાહીની માંગ કરી છે. પાકિસ્તાની આતંકવાદીઓ દ્વારા કરવામાં આવેલા પહલગામ હત્યાકાંડના વિરોધમાં બુધવારે સવારથી જ જમ્મુમાં લોકો રસ્તાઓ પર ઉતરી આવ્યા છે. મોટી સંખ્યામાં લોકો પાકિસ્તાન વિરુદ્ધ વિરોધ પ્રદર્શન કરી રહ્યા છે અને પોતાનો ગુસ્સો વ્યક્ત કરી રહ્યા છે. લોકો પાકિસ્તાન વિરુદ્ધ નારા પણ લગાવી રહ્યા છે. રસ્તા પર ઉતરેલા લોકો વડાપ્રધાન નરેન્દ્ર મોદી પાસેથી બદલો લેવાની માંગ કરી રહ્યા છે.