UP MLC Election 2022: વિધાન પરીષદની 36 બેઠકો પર બે તબક્કામાં થશે મતદાન

એક તરફ ઉત્તર પ્રદેશ(Uttar Pradesh) માં વિધાનસભાની ચૂંટણીનો ધમધમાટ ચાલી રહ્યો છે, તો બીજી તરફ સ્થાનિક નિકાય વિધાન પરિષદ(MLC)ની બેઠકો ચૂંટણી માટે જાહેરનામું બહાર પાડવામાં આવ્યું છે.

UP MLC Election: એક તરફ ઉત્તર પ્રદેશ(Uttar Pradesh) માં વિધાનસભાની ચૂંટણીનો ધમધમાટ ચાલી રહ્યો છે, તો બીજી તરફ સ્થાનિક નિકાય વિધાન પરિષદ(MLC)ની બેઠકો ચૂંટણી માટે જાહેરનામું બહાર પાડવામાં આવ્યું છે. ચૂંટણી પંચે શુક્રવારે જણાવ્યું હતું કે ઉત્તર પ્રદેશમાં 35 સ્થાનિક સંસ્થાઓની 36 વિધાન પરિષદની બેઠકો માટે દ્વિવાર્ષિક ચૂંટણી 3 અને 7 માર્ચે બે તબક્કામાં યોજાશે. આ તમામ સભ્યોની મુદત 7 માર્ચે પૂરી થઈ રહી છે.

ચૂંટણી પંચે એક નિવેદનમાં કહ્યું કે મથુરા-એટાહ-મૈનપુરી સ્થાનિક સંસ્થા મતવિસ્તારમાં બે બેઠકો છે. ચૂંટણી પંચે કહ્યું કે આ મતવિસ્તારોમાં અલગથી ચૂંટણી યોજાશે. ચૂંટણી પંચના જણાવ્યા અનુસાર પ્રથમ તબક્કામાં 29 બેઠકો અને બીજા તબક્કામાં છ બેઠકો માટે મતદાન થશે.

મથુરા-એટા-મૈનપુરી સ્થાનિક સંસ્થા મતવિસ્તાર માટે પ્રથમ તબક્કામાં મતદાન થશે, જેમાં બે સભ્યો છે. 3 માર્ચે યોજાનાર પ્રથમ તબક્કાના મતદાન માટે 4 ફેબ્રુઆરીએ જાહેરનામું બહાર પાડવામાં આવશે, જ્યારે 7 માર્ચે યોજાનાર બીજા તબક્કાના મતદાન માટે 10 ફેબ્રુઆરીએ જાહેરનામું બહાર પાડવામાં આવશે. મતગણતરી 12 માર્ચે થશે.

જણાવી દઈએ કે યુપીમાં યોજાનારી વિધાન પરિષદની સ્થાનિક સંસ્થાની 36 બેઠકોમાં શહેરીજનો માટે જિલ્લા પંચાયતના સભ્યો, ગ્રામ્ય પ્રમુખ, ક્ષેત્ર પંચાયતના સભ્યો, નગરપાલિકાના સભ્યો અને નગર પંચાયતના સભ્યોના ચૂંટાયેલા પ્રતિનિધિઓ પણ મતદાન કરે છે. આ ઉપરાંત કેન્ટ બોર્ડના ચૂંટાયેલા સભ્યો અને સ્થાનિક ધારાસભ્ય ઉપરાંત સ્થાનિક સાંસદો પણ મતદાન કરે છે.

યુપી ચૂંટણીના પરિણામો 10 માર્ચે આવશે

જણાવી દઈએ કે ઉત્તર પ્રદેશની 403 વિધાનસભા સીટો માટે સાત તબક્કામાં મતદાન 10 ફેબ્રુઆરીથી શરૂ થશે. યુપીમાં સાત તબક્કામાં 10, 14, 20, 23, 27 અને 3 અને 7 માર્ચે મતદાન થશે. જ્યારે 10 માર્ચે મતગણતરી હાથ ધરાશે.

BJPએ 91 ઉમેદવારોની નવી યાદી જાહેર કરી

ઉત્તર પ્રદેશમાં વિધાનસભા ચૂંટણીને લઇને ભાજપે 91 ઉમેદવારોની યાદી જાહેર કરી છે. આ લિસ્ટમાં ચોથા અને પાંચમા તબક્કાના ઉમેદવારોના નામ છે. ભાજપે પથરદેવાથી કૃષિ મંત્રી સૂર્ય પ્રતાપ સાહી, દેવરિયાથી મુખ્યમંત્રી યોગીના મીડિયા સલાહકાર શલભ મણિ ત્રિપાઠી, ઇટવાથી સતીશ ચંદ્ર દ્વિવેદી, બનસીથી જય પ્રતાપ સિંહ, ગોંડાથી પ્રતીક ભૂષણ સિંહને ટિકિટ આપવામાં આવી છે.