Weather Updates Live: રાજ્યમાં ઠંડીથી આંશિક રાહત મળશે, વેસ્ટર્ન ડિસ્ટર્બન્સના કારણે ભેજવાળું વાતાવરણ રહેશે
Weather Update: આગામી એક સપ્તાહમાં વરસાદની અપેક્ષા નથી. એકંદરે, હવામાન ખુશનુમા રહેશે.
LIVE
Background
Weather Updates Live: દિલ્હી-NCR સહિત ઉત્તર ભારતમાં દિવસના તાપમાનમાં વધારો થયો છે. જો કે, ઉત્તર ભારતના પહાડી જિલ્લાઓમાં હિમવર્ષાના કારણે સવારે અને સાંજે ઠંડી રહે છે. હવામાન વિભાગના જણાવ્યા અનુસાર આગામી એક સપ્તાહમાં મેદાની વિસ્તારોમાં વરસાદ થવાની આશા નથી.
ભારતીય હવામાન વિભાગના જણાવ્યા અનુસાર, એક પશ્ચિમી વિક્ષેપ હાલમાં હિમાલયન ક્ષેત્રને અસર કરી રહ્યું છે, જેના કારણે હિમાલયના ક્ષેત્રમાં, ખાસ કરીને જમ્મુ-કાશ્મીર અને હિમાચલમાં આગામી બે દિવસમાં હળવો વરસાદ અને હિમવર્ષા થઈ શકે છે.
તાપમાન વધશે
વેસ્ટર્ન ડિસ્ટર્બન્સની અસર અન્ય સ્થળોએ પણ જોવા મળશે. આને કારણે, આગામી 2 દિવસ દરમિયાન ઉત્તર પશ્ચિમ ભારતના મોટાભાગના વિસ્તારોમાં લઘુત્તમ તાપમાનમાં 2-3 ડિગ્રી સેલ્સિયસનો વધારો થવાની સંભાવના છે અને ત્યારબાદ કોઈ નોંધપાત્ર ફેરફાર થશે નહીં. આગામી 24 કલાક દરમિયાન પૂર્વ ભારતમાં લઘુત્તમ તાપમાનમાં 2-3 ડિગ્રી સેલ્સિયસનો ઘટાડો થવાની સંભાવના છે. આ સ્થિતિ બે ચાર દિવસ સુધી રહેશે. સપ્તાહના મોટાભાગના દિવસોમાં દેશના બાકીના ભાગોમાં લઘુત્તમ તાપમાનમાં કોઈ ખાસ ફેરફાર થવાની શક્યતા નથી.
લઘુત્તમ તાપમાન વધશે
હવામાન વિભાગની આગાહી પ્રમાણે લઘુત્તમ તાપમાનમાં 2 થી 3 ડિગ્રીનો વધારો થશે. અમદાવાદમાં 14 ડિગ્રી, ગાંધીનગરમાં 13 ડિગ્રી અને નલિયામાં 6.7ડિગ્રી તાપમાન નોંધાયું.
રાજ્યમાં ઠંડીથી આંશિક રાહત મળશે
હવામાન વિભાગની આગાહી પ્રમાણા રાજયમા ઠંડીથી આંશિક રાહત મળશે. વેસ્ટર્ન ડિસ્ટર્બન્સ ના કારણે ભેજવાળું વાતાવરણ રહેશે. પવનની દિશા ઉત્તર પૂર્વ થી પૂર્વી હોવાથી ઠંડીમાં આંશિક રાહત મળશે.
બે વેધર સિસ્ટમ સક્રિય
દેશમાં ફરી એકવાર બે વેધર સિસ્ટમ સક્રિય થઈ છે. એક વેસ્ટર્ન ડિસ્ટર્બન્સ હિમાલયના પ્રદેશને અસર કરશે, જ્યારે બીજું બંગાળની ખાડીમાંથી એક ડિપ્રેશન શ્રીલંકા તરફ આગળ વધી રહ્યું છે. જેના કારણે દક્ષિણમાં તમિલનાડુ અને કેરળમાં 24 કલાકમાં ભારે વરસાદની સંભાવના છે.
કયા રાજ્યોમાં કોલ્ડવેવની રહેશે સ્થિતિ
IMDએ કહ્યું કે આગામી દિવસોમાં તાપમાન વધવાથી લોકોને ઠંડીથી પણ રાહત મળશે. આગામી 2 દિવસ દરમિયાન મધ્યપ્રદેશ અને ઓડિશાના વિવિધ ભાગોમાં કોલ્ડવેવની સ્થિતિ રહેવાની સંભાવના છે.
વરસાદની શક્યતા નહીંવત
આગામી એક સપ્તાહમાં વરસાદની શક્યતા નહીંવત છે. એકંદરે, હવામાન ખુશનુમા રહેશે અને લગભગ 20-30 કિમી પ્રતિ કલાકની ઝડપે પવન ફૂંકાય તેવી શક્યતા છે.
ટ્રેન્ડિંગ સમાચાર
ટોપ સ્ટોરી
