Weather Update: દિલ્હી-એનસીઆરમાં ફરી પડશે વરસાદ ? આ રાજ્યોમાં હીટવેવનો કહેર

Weather Today: હવામાન વિભાગ પાસેથી મળેલી માહિતી મુજબ દેશના અનેક વિસ્તારોમાં તાપમાન 45 ડિગ્રી સેલ્સિયસ સુધી પહોંચી ગયું છે. મંગળવારે દેશના મોટાભાગના વિસ્તારોમાં વરસાદની સંભાવના છે.

ફાઈલ તસવીર

Source : PTI

Weather Today Updates:  છેલ્લા કેટલાક અઠવાડિયાથી દેશભરમાં સતત આકરી ગરમી પડી રહી છે. રાષ્ટ્રીય રાજધાની સહિત દેશના ઘણા રાજ્યોમાં સવારથી રાત સુધી લોકો ગરમ પવનોનો સામનો કરી રહ્યા છે. જેના કારણે લોકોની મુશ્કેલી પણ વધી રહી છે. હવામાન વિભાગ પાસેથી મળેલી માહિતી મુજબ દેશના અનેક વિસ્તારોમાં તાપમાન 45 ડિગ્રી સેલ્સિયસ સુધી પહોંચી ગયું છે. વિભાગના જણાવ્યા અનુસાર મંગળવારે દેશના મોટાભાગના વિસ્તારોમાં વરસાદની સંભાવના છે.

આ રાજ્યોમાં વરસાદની શક્યતા

હવામાન વિભાગના જણાવ્યા અનુસાર, મંગળવારે (16 મે), દિલ્હી અને આસપાસના વિસ્તારોમાં ઘણી જગ્યાએ 40-50 કિમી પ્રતિ કલાકની ઝડપે પવન ફૂંકાશે. આ પછી પણ વરસાદ થવાની સંભાવના છે.આ સિવાય મંગળવાર, 16 મેના રોજ દિલ્હીમાં મહત્તમ તાપમાન 31 ડિગ્રી સેલ્સિયસ અને લઘુત્તમ તાપમાન 26 ડિગ્રી સેલ્સિયસ રહેવાની ધારણા છે. હવામાન વિભાગના જણાવ્યા અનુસાર રાજસ્થાનમાં મહત્તમ તાપમાન 46 ડિગ્રીની આસપાસ પહોંચી ગયું છે. આ ઉપરાંત રાજ્યના ભરતપુર, બિકાનેર દૌસા જેસલમેર, નાગૌર, ચુરુ, સીકર, શ્રીગંગાનગર, હનુમાનગઢ જિલ્લાઓ અને આસપાસના વિસ્તારોમાં 16 મેના રોજ વાવાઝોડા અને હળવા વરસાદની સંભાવના છે.

આ રાજ્યોમાં વરસાદ પડવાની શક્યતા

ઉત્તરાખંડ રાજ્યમાં ઉત્તરકાશી, રુદ્રપ્રયાગ, ચમોલી, બાગેશ્વર અને પિથોરાગઢના ઊંચા વિસ્તારોમાં કેટલાક સ્થળોએ ખૂબ જ હળવા ગાજવીજ અને વીજળીના ચમકારા સાથે વરસાદની સંભાવના છે. આ ઉપરાંત રાજ્યમાં હવામાન શુષ્ક રહેશે. ઉત્તર પ્રદેશમાં પણ વરસાદની સંભાવના છે. રાજ્યના નંદગાંવ, બરસાના, રૈયા, મથુરા, પિલાની, ભીવાડી, તિજારા, ખૈરથલ, કોટપુતલી અને આસપાસના વિસ્તારોમાં હળવો વરસાદ પડી શકે છે.

હીટવેવ માટે એલર્ટ જારી

ભારતીય હવામાન વિભાગ (IMD) એ સોમવારે, 15 મેના રોજ જણાવ્યું હતું કે, આગામી 24 કલાક દરમિયાન ઓડિશાના જિલ્લાઓમાં ઘણા સ્થળોએ મહત્તમ તાપમાનમાં 2 થી 3 ડિગ્રી સેલ્સિયસ ધીમે ધીમે વધારો થવાની સંભાવના છે. વિભાગે સુંદરગઢ, ઝારસુગુડા, સંબલપુર, સોનપુર અને બોલાંગીર જિલ્લામાં કેટલાક સ્થળોએ હીટવેવ માટે એલર્ટ જાહેર કર્યું છે. મહારાષ્ટ્રમાં પણ હવામાન વિભાગે ગરમીને લઈને એલર્ટ જાહેર કર્યું છે. રાજ્યના મોટાભાગના વિસ્તારોમાં તાપમાન 42 ડિગ્રીએ પહોંચી ગયું છે.

યલો એલર્ટ

હવામાન વિભાગ દ્વારા ખરાબ હવામાનની સ્થિતિ વિશે જણાવવા માટે યલો એલર્ટ જારી કરવામાં આવે છે. આ એક પ્રકારની એલાર્મ બેલ છે. જે સંકેત આપે છે કે વર્તમાન પરિસ્થિતિમાં કોઈ ખતરો નથી, પરંતુ ખતરનાક હવામાન ગમે ત્યારે તમારી સામે આવી શકે છે, તેના માટે તૈયાર રહો. 40 થી 42 ડિગ્રી તાપમાન રહેવાની શક્યતા હોય ત્યારે યલો એલર્ટ આપવામાં આવે છે.

ઓરેન્જ એલર્ટ

ઓરેન્જ એલર્ટ યલો એલર્ટ કરતા એક ડગલું આગળ છે. મતલબ કે ખતરો આવી રહ્યો છે. હવે તમારે બેદરકાર ન રહેવું જોઈએ. આ પછી ગમે ત્યારે ખતરનાક હવામાન તમારી સામે આવી શકે છે. આવી સ્થિતિમાં, તે પરિસ્થિતિનો સામનો કરવા માટે તમારી જાતને તૈયાર કરો. જ્યારે ઓરેન્જ એલર્ટ જારી કરવામાં આવે છે, ત્યારે સંબંધિત અધિકારીઓને તૈયાર રહેવા માટે કહેવામાં આવે છે અને લોકોને આવતા-જતા સાવચેતી રાખવા માટે કહેવામાં આવે છે. 43 થી 46 ડિગ્રી સુધી તાપમાન રહેવાની શક્યતા હોય ત્યારે ઓરેન્જ એલર્ટ અપાય છે.

રેડ એલર્ટ

જ્યારે હવામાન ખૂબ જ ખરાબ છે અને તેના કારણે નુકસાન થવાની સંભાવના છે, ત્યારે હવામાન વિભાગ દ્વારા રેડ એલર્ટ જારી કરવામાં આવે છે. આ ખતરનાક હવામાનની નિશાની છે. લોકોને એલર્ટ કરવા માટે રેડ એલર્ટ જારી કરવામાં આવે છે કે હવે તમારે તમારી સુરક્ષાને ધ્યાનમાં રાખીને તમામ નિયમોનું પાલન કરવું જોઈએ. શિયાળામાં રેડ એલર્ટનો અર્થ ખતરનાક ઠંડીની સ્થિતિ છે, જ્યારે વરસાદની મોસમમાં રેડ એલર્ટનો અર્થ પૂર, તોફાન અથવા નુકસાનકારક વરસાદ થાય છે. રેડ એલર્ટ બાદ લોકોએ બેદરકારી ન રાખવી જોઈએ. આવી સ્થિતિમાં તે ઋતુના પ્રકોપથી બચવાની વ્યવસ્થા કરવી જોઈએ. 47થી ડિગ્રી વધુ તાપમાનની શક્યતા હોય ત્યારે રેડ એલર્ટ અપાય છે.

આ પણ વાંચોઃ