Wrestlers Protest: 'મારા હાથે એક હત્યા થઇ હતી', વૃજભૂષણ સિંહે એબીપીના મંચ પર કબુલી ગોળી મારવાની વાત
વૃજભૂષણ શરણ સિંહે કબૂલાત કરી હતી કે, "મેં મારા જીવનમાં એકની હત્યા કરી છે પરંતુ તે ક્રૉસ ફાયરિંગ હતું. જે વ્યક્તિએ મારા મિત્ર રવિન્દ્રને ગોળી મારી હતી.
Brij Bhushan Singh News: ભારતીય કુશ્તી મહાસંભ (WFI)ના પ્રમુખ અને બીજેપી સાંસદ વૃજભૂષણ શરણ સિંહ વિરુદ્ધ દેશના જાણીતા કુસ્તીબાજોનું પ્રદર્શન યથાવત છે. વૃજભૂષણ શરણ સિંહ પર 7 મહિલા રેસલરે જાતીય સતામણીનો આરોપ લગાવ્યો છે. એબીપી ન્યૂઝે વૃજભૂષણ શરણ સિંહ સાથે એક્સક્લૂઝિવ વાતચીત કરી હતી. તેમને આ વાતચીત દરમિયાન જણાવ્યું કે અત્યાર સુધી તેના હાથે માત્ર એક જ હત્યા થઈ છે.
વૃજભૂષણ શરણ સિંહે કબૂલાત કરી હતી કે, "મેં મારા જીવનમાં એકની હત્યા કરી છે પરંતુ તે ક્રૉસ ફાયરિંગ હતું. જે વ્યક્તિએ મારા મિત્ર રવિન્દ્રને ગોળી મારી હતી. મેં તેને રાઈફલથી પીઠના ભાગે ગોળી મારી હતી, અને તેને જીવ ગુમાવ્યો હતો." આ સિવાય સ્ટેજ પર એક બાળકને થપ્પડ મારવાના મામલે તેને કહ્યું કે તે તેની એકેડમીનો બાળક છે અને ખોટી વાત કરી રહ્યો છે, તેથી તેને થપ્પડ મારી.
-
'આંદોલન રાજકીય કાવતરું છે'
મોટો આરોપ લગાવતા ભાજપના સાંસદ બ્રિજભૂષણ શરણ સિંહે કહ્યું કે ખેલાડીઓની આ હિલચાલ પાછળ 'એક અખાડો-એક પરિવાર' છે. આ આંદોલન પાછળ એક ઉદ્યોગપતિ અને એક બાબા છે. તેમનો આરોપ છે કે આ સમગ્ર આંદોલન કોંગ્રેસના નેતા ભૂપિન્દર સિંહ હુડ્ડાના ઈશારે થઈ રહ્યું છે. તેણે તેને રાજકીય ષડયંત્ર ગણાવ્યું અને કહ્યું કે તે કોઈપણ પ્રકારની તપાસ માટે તૈયાર છે.
Wrestlers vs WFI: બ્રિજભૂષણ શરણ સિંહ પર કાર્યવાહીની અસર! અયોધ્યામાં રેસલિંગ એસોસિએશનની બેઠક 4 અઠવાડિયા માટે સ્થગિત
Sexual Harassment Allegation On Brij Bhushan Singh: ભારતીય રેસલિંગ ફેડરેશનના પ્રમુખ બ્રિજ ભૂષણ શરણ સિંહ પર ગંભીર આરોપો લાગી રહ્યા છે. કુસ્તીબાજોની હડતાળને ધ્યાનમાં રાખીને રમત મંત્રાલયે રેસલિંગ ફેડરેશનના તમામ કામ પર પ્રતિબંધ લગાવી દીધો છે. આ સાથે યુનિયનના એડિશનલ સેક્રેટરીને પણ સસ્પેન્ડ કરવામાં આવ્યા છે. તે જ સમયે, રમત મંત્રાલયે ટૂર્નામેન્ટો રદ કરી છે અને અયોધ્યામાં યોજાનારી WFIની બેઠક પણ રદ કરી છે.
રેસલિંગ ફેડરેશનની તમામ પ્રવૃત્તિઓ પર પ્રતિબંધ
આ બેઠક રદ્દ થવા અંગેની માહિતી બ્રિજ ભુષણ સિંહે પોતાના સોશિયલ સાઈટ પરથી આપી હતી.જોકે, હવે આવું નહીં થાય. રમત મંત્રાલયે શનિવારે રેસલિંગ ફેડરેશનની તમામ પ્રવૃત્તિઓ પર પ્રતિબંધ મૂક્યો હતો. મીટિંગ કેન્સલ થવા પાછળ આ કારણ માનવામાં આવે છે. કેટલાક કુસ્તીબાજોએ આરોપ લગાવ્યો હતો કે ફેડરેશનના આસિસ્ટન્ટ સેક્રેટરી તોમર એથ્લેટ્સ પાસેથી લાંચ લેતા હતા અને નાણાકીય ભ્રષ્ટાચારમાં સામેલ હતા. શુક્રવારે મોડી રાત્રે મેરેથોન બેઠક બાદ રમતગમત મંત્રી અનુરાગ ઠાકુરે જણાવ્યું હતું કે, વિનેશ ફોગાટ, બજરંગ પુનિયા, સાક્ષી સહિતના દેશના કેટલાક ટોચના કુસ્તીબાજો દ્વારા સિંહ અને WFI પર લગાવવામાં આવેલા આરોપોની તપાસ કરવા માટે સરકારે એક મોનિટરિંગ કમિટી બનાવવાનો નિર્ણય કર્યો છે.
શું હતો સમગ્ર મામલો?
જંતર-મંતર ખાતે પત્રકાર પરિષદમાં કુસ્તીબાજોએ રેસલિંગ ફેડરેશનના પ્રમુખ અને કેટલાક કોચ પર મહિલા કુસ્તીબાજોની જાતીય સતામણીનો આરોપ લગાવ્યો હતો. એટલું જ નહીં કુસ્તીબાજોએ અભદ્રતા, ગેરવર્તણૂક અને પ્રાદેશિકતાનો પણ આરોપ લગાવ્યો હતો.
'હું CBIનો સામનો કરવા તૈયાર છું'
બ્રિજ ભૂષણે કહ્યું, "હું એફઆઈઆરનો સામનો કરવા તૈયાર છું, હું સીબીઆઈનો સામનો કરવા તૈયાર છું. હું ભારતમાં સર્વોચ્ચ કાનૂની સત્તાનો સામનો કરવા માટે પણ તૈયાર છું. મેં એક્ઝિક્યુટિવ કમિટીની બેઠકમાં હાજરી આપી છે. "અને તેઓ જે પણ નિર્ણય લેશે હું કરીશ. હું તેમનાથી મોટો નથી અને દેશથી પણ મોટો નથી.
ટ્રેન્ડિંગ સમાચાર
ટોપ સ્ટોરી
