અમરેલીના જાણીતા ડોક્ટરનું કોરોનાથી થયું મોત, જાણો વિગત

અમરેલીના જાણીતા ડોક્ટર પંકજ જાદવને કોરોના થતાં તેમને રાજકોટ સારવાર માટે ખસેડવામાં આવ્યા હતા. અહીં તેમનું સારવાર દરમિયાન મોત થયું છે.

રાજકોટઃ ગુજરાતમાં કોરોનાના કેસો સતત વધી રહ્યા છે, ત્યારે ગુજરાતમાં મૃત્યુઆંક પણ સતત વધી રહ્યો છે. ત્યારે અમરેલીના ડોક્ટરનું કોરોનાથી મોત થયું છે. આ સાથે અમરેલી જિલ્લામાં કોરોનાથી કુલ 5 લોકોના મોત થયા છે. અમરેલીના જાણીતા ડોક્ટર પંકજ જાદવને કોરોના થતાં તેમને રાજકોટ સારવાર માટે ખસેડવામાં આવ્યા હતા. અહીં તેમનું સારવાર દરમિયાન મોત થયું છે. અમરેલી જિલ્લાની વાત કરીએ તો હાલ જિલ્લામાં 24 એક્ટિવ કેસો છે. જ્યારે 15 દર્દીઓએ કોરોનાને મ્હાત આપી છે. રાજ્યમાં કોરોના સંક્રમિત દર્દીઓની સંખ્યામાં સતત વધારો થઈ રહ્યો છે. રાજ્યમાં છેલ્લા 24 કલાકમાં કોરોનાના 563 નવા કેસ નોંધાયા છે, જ્યારે વધુ 21 દર્દીઓનાં મોત થયા છે અને 560 દર્દીઓ સારવાર બાદ સાજા થયા છે. રાજ્યમાં સંક્રમિત દર્દીઓની સંખ્યા 27880 પર પહોંચી છે. જ્યારે મૃત્યુઆંક 1685 પર પહોંચ્યો છે. અત્યાર સુધીમાં 19917 દર્દી સાજા થયા છે. ગઈ કાલે નોંધાયેલ કેસમાં અમદાવાદમાં 314, સુરતમાં 132, વડોદરામાં 44, જામનગર 10, ગાંધીનગર 7, જૂનાગઢ 7, નર્મદા 7, આણંદ 6, ભરૂચ 5, મહેસાણા 5, ભાવનગર 3, પાટણ 3, ખેડા 3, મહિસાગર 2, સાબરકાંઠા 2,બોટાદ 2, ગીર સોમનાથ 2, વલસાડ 2, અમરેલી 2, બનાસકાંઠા, રાજકોટ, પંચમહાલ, કચ્છ, સુરેન્દ્રનગર અને નવસારી એક -એક કેસ નોંધાયા છે.