રાજકોટ ઇન્દિરા સર્કલ પાસે ભયંકર અકસ્માત, સિગ્નલ ખૂલતાં ઓવરસ્પીડ બસે 6 લોકોને કચડ્યાં, 3નાં મૃત્યુ
Rajkot Accident: રાજકોટ ઇન્દિરા સર્કલ પાસે ભયંકર સિટી બસ અકસ્માત, બસે 6 રાહદારીઓને અડફેટે લેતા 3 લોકોના કમકમાટીભર્યાં મોત થયા છે.
Rajkot Accident:રાજકોટના ઇન્દિરા સર્કલ નજીક સીટી બસ બુધવારે કાળ બની આવી અને 5 થી 6 લોકોને અડફેટે લીધા હતા, ત્રણ લોકોના ઘટનાસ્થળે જ મોત થયા છે. રફતારના કેરના કારણે ત્રણ લોકોએ જીવ ગુમાવતા લોકો રોષે ભરાયા હતા અને બસમાં તોડફોડ કરીને બારીઓના કાચ તોડી નાખ્યાં હતા. અકસ્માતના પગલે ટ્રાફિક જામ થઇ ગયો હતો અને આ સ્થળે મોટી સંખ્યામાં લોકો એકઠા થયા હતા અને રોષ પ્રગટ કર્યો હતો.
રાજકોટ પૂરપાટ ઝડપે આવતી બસે 6 લોકોને અડફેટે લેતા 3નાં ઘટનાસ્થળે જ મૃત્યુ થયા છે. આ ઘટના રાજકોટના ઇન્દિરા સર્કલ પાસે બની હતી. અકસ્માતમાં 3નાં મોત થયા, મૃતકોના પરિવજનો અને અન્ય રાહદારી રોષે ભરાયા હતા અને સીટી બસના કાચ તોડી નાખ્યા હતા. રોષે ભરાયેલા લોકોને શાંત પાડવા માટે પોલીસે દરમિયાનગીરી કરી તો લોકો અને પોલીસ વચ્ચે પણ ઘર્ષણ સર્જાયું હતું અને લોકો પોલીસ પર પણ રોષે ભરાયા હતા. ઘટનાના પગલે ઇન્દિરા સર્કલ પર ટ્રાફિક જામ થઇ ગયો હતો અને અહીં મોટી સંખ્યામાં લોકો એકઠા થયા હતા. આક્રોશિત લોકોને વિખેરવા માટે પોલીસે લાઠીચાર્જ પણ કર્યો હતો અને સીટી બસ ચાલકની પોલીસે ધરપકડ કરી લીધી છે.મૃતકના પરિવારોએ મૃતદેહ સ્વીકારવાનો ઈન્કાર કર્યો છે. સમગ્ર ઘટનાના સીસીટીવી પણ સામે આવ્યાં છે. જેમાં ડ્રાઇવરની સ્પષ્ટ બેદરકારી જોવા મળે છે. ડ્રાઇવરે પીઘેલી હાલતમાં હોય તેવી પણ આશંકા સેવાઇ રહી છે. સિગ્નલ ખુલતા જ ઓવર સ્પીડમાં બેદરકારીથી બસ ચલાવતા 6 લોકો બસની નીચે કચડાયા હતા, સગ્નનલ ખુલતા જ સગ્નલ પર ઉભેલા લોકોને કચડતાં બસ આગળ નીકળી ગઇ હતી. જમાંથી 3 લોકોને નાની મોટી ઇજા થઇ છે જ્યારે 3 લોકોના ઘટનાસ્થળે જ મૃત્યુ થયા છે .
ઉલ્લેખનિય છે કે,રાજકોટમાં અગાઉ પણ સિટી બસે અનેક લોકોને અડફેટે લીધા છે.ગયા વર્ષે ડિસેમ્બર મહિનામાં રેલ નગર વિસ્તારમાં સિટી બસના ડ્રાઈવર 60 વર્ષીય પરસોત્તમ બારીયાને હૃદય રોગનો હુમલો આવતા મૃત્યુ નિપજ્યું હતું... જેના કારણે એક રિક્ષા સહિત બેથી ત્રણ વાહનો સાથે બસ ટકરાઈ હતી.અકસ્માતમાં 44 વર્ષીય મહિલાનું મોત નીપજ્યું હતું..ડિસેમ્બર મહિનામાં કણકોટ રોડ પર સિટી બસે અડફેટે લેતા બાળકનું મોત થયું હતું..સિટી બસનો ડ્રાઈવર ઓવરસ્પીડમાં ચલાવતો હોવાથી અકસ્માત સર્જાયો હતો.28 ફેબ્રુઆરીએ પણ સિટી બસે મહિલાને અડફેટે લીધી હતી.
ટોપ સ્ટોરી
ટ્રેન્ડિંગ સમાચાર
