Rajkot : તાજેતરમાં વરણી પામેલા ભાજપ યુવા પ્રમુખ અને મહામંત્રીએ કેમ આપી દીધું રાજીનામું? કારણ જાણીને ચોંકી જશો

વયમર્યાદાના કારણે રાજીનામા લેવામાં આવ્યા છે. 35 વર્ષની વય મર્યાદા હોવાનો ભાજપનો આદેશ છે. નોંધનીય છે કે, તાજેતરમાં જ યુવા ભાજપ પ્રમુખની વરણી થઇ હતી.

પ્રતિકાત્મક તસવીર.

રાજકોટઃ યુવા ભાજપના નેતા પૃથ્વીરાજસિંહ વાળા અને મહામંત્રી હિરેન રાવલે રાજીનામું આપી દીધું છે. વયમર્યાદાના કારણે રાજીનામા લેવામાં આવ્યા છે. 35 વર્ષની વય મર્યાદા હોવાનો ભાજપનો આદેશ છે. નોંધનીય છે કે, તાજેતરમાં જ યુવા ભાજપ પ્રમુખની વરણી થઇ હતી.

અમદાવાદ કોંગ્રેસના પ્રમુખ અને AMCમાં વિપક્ષના નેતા તરીકે કોના નામની છે ચર્ચા? જાણો વિગત

અમદાવાદઃ ગુજરાતમાં આગામી 2022ની વિધાનસભાની ચૂંટણીઓને લઈને તૈયારીઓ શરૂ થઈ ગઈ છે. બીજી તરફ કોંગ્રેસમાં પણ હવે હોદ્દેદારોની નિમણૂક કરવા માટે કવાયત શરૂ થઈ ગઈ છે. ત્યારે અમદાવાદ કોંગ્રેસ શહેર પ્રમુખ અને એએમસીમાં વિપક્ષના નેતાને લઈને મોટા સમચાાર સામે આવ્યા છે.  

અમદાવાદ શહેર કોંગ્રેસના પ્રમુખ દિનેશ શર્મા બની શકે છે. AMCના પૂર્વ વિપક્ષીનેતા દિનેશ શર્મા નવા અમદાવાદ કોંગ્રેસના પ્રમુખ બની શકે છે. જ્યારે AMC વિપક્ષના નેતા તરીકે સેહઝાદ ખાન અને નીરવ બક્ષી બની શકે છે. બંનેને 2.5 વર્ષ માટે વિપક્ષી નેતા બનાવી શકે છે.હાલ અમદાવાદ શહેરના કોંગ્રેસના કાર્યકારી પ્રમુખ ચેતન રાવલ છે.

કોંગ્રેસમાં આ દિગ્ગજ નેતાની થશે ઘરવાપસી, નરેન્દ્ર મોદી સાથે પણ રહ્યા છે ગાઢ સંબંધ

શંકરસિંહ વાઘેલા એટલે કે રાજનીતિના બાપુ ફરી એકવાર કૉંગ્રેસમાં જોડાય તેવા સ્પષ્ટ સંકેત મળી રહ્યા છે. સૂત્રોનું માનીએ તો બુધવારે શંકરસિંહ વાઘેલા સાથે ગુજરાત કૉંગ્રેસના દિગ્ગજ એવા ભરતસિંહ સોલંકીની મુલાકાત પણ થઈ ચુકી છે. માધવસિંહભાઈને શ્રદ્ધાંજલિ આપવા શંકરસિંહ અગાઉ ભરતસિંહને મળ્યા હતા. જો કે ત્યાર બાદ ત્રણવાર બાપુની ભરતસિંહ સાથે મુલાકાત થઈ ચુકી છે. કેમ કે રાજીવ સાતવના નિધન બાદ ગુજરાત કૉંગ્રેસના પ્રભારીની નિયુક્તિ બાકી છે ત્યારે એકવાર પ્રભારીની નિયુક્તિ થઈ જાય ત્યાર બાદ બાપુની કૉંગ્રેસ વાપસી અંગે નિર્ણય લેવાશે. બાપુને કૉંગ્રેસમાં લાવવા અંગે પ્રદેશ કૉંગ્રેસનું એક મોટુ જુથ સક્રિય છે. કેમ કે હાલ પ્રિયંકા ગાંધી દિલ્હીમાં નથી ત્યારે તેમના પરત આવ્યા બાદ કૉંગ્રેસ હાઈકમાંડ આ મુદ્દે નિર્ણય લેશે.

મુળતઃ આરએસએસ અને ભાજપ ગોત્રના શંકરસિંહ વાઘેલાએ અગાઉ બળવો કરીને ભાજપ છોડ્યુ હતુ. બાપુએ ત્યારબાદ રાજપા બનાવી હતી. જો કે રાજ્ય વિધાનસભાની રાજપાની માત્ર ચાર બેઠક આવતા બાપુ ત્યારબાદ 1999માં કૉંગ્રેસમાં જોડાયા હતા. બાપુએ શક્તિદળ બનાવ્યુ હતુ. જે વિવાદનું કારણ બનતા તેનું વિસર્જન કર્યુ હતુ. બાપુ કૉંગ્રેસની ટિકિટ પર લોકસભાબેઠક પર ચૂંટણી જીત્યા હતા. અને કેંદ્રમાં યુપીએ વનની સરકારમાં કપડા મંત્રી રહ્યા હતા.

શંકરસિંહ વાઘેલા ગુજરાત વિધાનસભામાં 2012થી 2017 સુધી નેતા વિપક્ષ પણ રહી ચૂક્યા છે. જો કે રાજ્ય સભાની ચૂંટણી સમયે ભાજપે ઉતારેલા બળવંતસિંહનું સમર્થન આપીને બાપુએ કૉંગ્રેસને ટાટા બાય બાય કર્યુ હતુ.  કેમ કે 2022ની ચૂંટણી પહેલા ગુજરાત પ્રદેશ કૉંગ્રેસને એક વડિલની જરૂર છે ત્યારે ફરી એકવાર બાપુ કૉંગ્રેસમાં જોડાય તેવા સંજોગો બન્યા છે.