![ABP Premium](https://cdn.abplive.com/imagebank/Premium-ad-Icon.png)
Rajkot Rain: રાજકોટમાં સતત ચોથા દિવસે વરસાદી માહોલ, વાવણી લાયક વરસાદથી ખેડૂતોમાં ખુશીનો માહોલ
હવામાન વિભાગે આજે રાજકોટમાં વરસાદની આગાહી કરી હતી. રાજકોટ નજીકના ન્યારા સહિતના ગામોમાં વરસાદ છે.
![Rajkot Rain: રાજકોટમાં સતત ચોથા દિવસે વરસાદી માહોલ, વાવણી લાયક વરસાદથી ખેડૂતોમાં ખુશીનો માહોલ Rajkot Rain Rainy weather in Rajkot for the fourth day in a row the farmers are happy with the rain suitable for sowing Rajkot Rain: રાજકોટમાં સતત ચોથા દિવસે વરસાદી માહોલ, વાવણી લાયક વરસાદથી ખેડૂતોમાં ખુશીનો માહોલ](https://feeds.abplive.com/onecms/images/uploaded-images/2024/06/17/517fa67cc8a65fa713d8e711d5cfbf1f171862552184276_original.jpg?impolicy=abp_cdn&imwidth=1200&height=675)
Latest Rajkot News: રાજકોટ જિલ્લામાં સતત ચોથા દિવસે (rain in Rajkot district 4th continue day) વરસાદી વાતાવરણ છે. રાજકોટ જિલ્લાના ગ્રામ્ય વિસ્તારોમાં (Rajkot rural) વરસાદી વાતાવરણ છે. રાજકોટ નજીકના ન્યારા સહિતના ગામોમાં વરસાદ છે. વાવણી લાયક વરસાદ વરસતા ખેડૂતોમાં ખુશીનો (happy farmers) માહોલ છે.
હવામાન વિભાગે આજે અમરેલી જિલ્લામાં વરસાદની આગાહી કરી હતી. અમરેલી જિલ્લામાં આજે પણ વાતાવરણમાં પલટો આવ્યો છે. અમરેલી જિલ્લાના સાવરકુંડલા, લાઠી, લીલીયા બાદ બાબરા તાલુકામાં પણ વરસાદ વરસ્યો છે. અમરેલી જિલ્લામાં વરસાદી માહોલ જામ્યો છે. લોકોને પણ ગરમીથી રાહત મળી છે. અમરેલી જિલ્લા સાવરકુંડલા, લાઠી, લીલીયા બાદ બાબરા પંથકમાં પણ વરસાદી માહોલ જામ્યો છે. બાબરા શહેર અને ગ્રામ્ય વિસ્તારોમાં ધોધમાર વરસાદ વરસ્યો છે. ગાજવીજ સાથે બાબરા શહેર અને ગ્રામ્ય વિસ્તારોમાં વરસાદ ખાબકતા લોકો ખુશખુશાલ થયા છે. બાબરાના ચરખા, ચમારડી, નીલવડા, વાવડી સહિતના ગામડાઓમાં ધોધમાર વરસાદ વરસ્યો છે. અસહ્ય ગરમી અને બફારા બાદ વાતાવરણ પલટાયું હતું. ખેડૂતોમાં ખુશીનો માહોલ છે. વરસાદ પડતાં લોકોને ગરમીથી રાહત મળી છે.
રાજ્યના 25 તાલુકામાં મેઘમહેર
રાજ્યમાં છેલ્લા 24 કલાકમાં 25 તાલુકામાં વરસાદ ખાબક્યો હતો. જેમાં સૌથી વધારે દ્વારકા જીલ્લામાં પડ્યો હતો. દ્વારકા જિલ્લાનાં ખંભાળિયા પંથકમાં ભારે વરસાદને કારણે જળબંબાકારની સ્થિતિ સર્જાઈ હતી. માત્ર 6 કલાકમાં ખંભાળિયામાં 10 ઇંચ વરસાદ ખાબક્યો હતો, જે આ વર્ષનો સૌથી વધુ વરસાદ છે. આ સાથે જ ખંભાળિયામાં પ્રથમ વરસાદમાં જ મોસમનો 32.5 ટકા વરસાદ પડી ગયો છે. પોરબંદરમાં પણ 3 ઇંચ વરસાદ ખાબક્યો હતો, જેના કારણે અનેક સ્થળોએ પાણી ભરાયા હતા. ભાણવડમાં 2.5 ઇંચ, રાણાવાવમાં 1.5 ઇંચ, જ્યારે લીલિયા અને બાબરામાં 0.5 ઇંચ વરસાદ નોંધાયો હતો. જૂનાગઢ, માણાવદર, માંગરોળ, કેશોદ, જામજોધપુર, કોટડાસાંગાણી, વિંછીયા, મોરબી, પડધરી અને કુતિયાણામાં પણ હળવાથી ભારે વરસાદના ઝાપટા પડ્યા હતા.
ગુજરાતમાં હાલ અનેક વિસ્તારોમાં વરસાદ
દક્ષિણ પશ્ચિમ ચોમાસું (Monsoon) 11 જૂને ગુજરાતના દક્ષિણ ગુજરાતના નવસારી પહોંચ્યું હતું. જોકે, રાજ્યના અન્ય ભાગોમાં આગળ વધવામાં તેને વિલંબ થયો છે કારણ કે કેટલીક પ્રતિકૂળ પરિસ્થિતિઓએ તેની ગતિ ધીમી કરી દીધી છે. IMDના અમદાવાદ હવામાન કેન્દ્રના વૈજ્ઞાનિક રામાશ્રય યાદવના જણાવ્યા મુજબ, ચોમાસાના આગમન માટે અનુકૂળ પરિસ્થિતિઓ ન હોવાથી તે રાજ્યમાં આગળ વધી શક્યું નથી. ગુજરાતમાં હાલ અનેક વિસ્તારોમાં વરસાદ થઇ રહ્યો છે. ત્યારે હવામાન વિભાગે આગામી સાત દિવસ પણ ગુજરાતમાં વરસાદ થશે તે અંગેની આગાહી કરી છે. હવામાન વિભાગે બુધવારે અને ગુરૂવારે સામાન્ય વરસાદની સાથે ભારે વરસાદની પણ આગાહી કરી છે. હાલ જે વરસાદ થઇ રહ્યો છે તે સાઇક્લોનિક સર્ક્યુલેશનને કારણે થઇ રહ્યો છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)