Rajkot: ફાયર વિભાગના જવાનને સલામ! ધસમસતા પાણી વચ્ચે નાના બાળકનું રેસ્ક્યૂ કરી બચાવ્યો જીવ
રાજકોટ: જિલ્લાના જસદણ તાલુકામાં ધોધમાર વરસાદ પડ્યો હતો. જેના કારણે અનેક વિસ્તારોમાં પાણી ભરાયા હતા. એવામાં જસદણના ઈશ્વરીયા ગામમાં પૂર વચ્ચે ફસાયેલા 15 જેટલા લોકોને રેસ્ક્યુ કરવામાં આવ્યા હતા.
રાજકોટ: જિલ્લાના જસદણ તાલુકામાં ધોધમાર વરસાદ પડ્યો હતો. જેના કારણે અનેક વિસ્તારોમાં પાણી ભરાયા હતા. એવામાં જસદણના ઈશ્વરીયા ગામમાં પૂર વચ્ચે ફસાયેલા 15 જેટલા લોકોને રેસ્ક્યુ કરવામાં આવ્યા હતા. જેમાં એક નાનું બાળક પણ સામેલ હતા. જેને જસદણ નગર પાલિકાના ફાયર વિભાગના જવાન દ્વારા પાણીના ધસમસતા પ્રવાહ વચ્ચેથી બચાવી લાવવામાં આવ્યું હતું. હાલ આ નાના બાળકના રેસ્ક્યુનો વીડિયો સોશિયલ મીડિયામાં ખૂબ જ વાયરલ થઈ રહ્યો છે.
રાજકોટ જિલ્લાના જસદણ ગ્રામ્ય અને શહેરમાં ધોધમાર વરસાદ પડ્યો છે. વહેલી સવારથી જસદણ ,આટકોટ, વીરનગર,બળધોઈ જસાપર, હલેન્ડા નવાગામ, જીવાપર, ગરણી, પાંચવડા, ગામે ધોધમાર વરસાદ પડ્યો છે. બળધોઈ ગામે ભારે વરસાદના કારણે ઇકો કાર તણાઈ હતી. બળધોઈ ,વીરનગર ,જસાપર,પાંચવડા ગામે 3 કલાકમાં 7 ઇંચ વરસાદ વરસાદ પડ્યો હતો. જસદણના જીવાપર પાસેનો કણુંકી ડેમ ઓવરફ્લો થયો હતો. ડેમના સાત દરવાજા એક ફૂટ સુધી ખોલવામાં આવ્યા હતા.
રાજકોટ જિલ્લામાં મેઘરાજાની તોફાની બેટીંગ
રાજકોટ જિલ્લામાં મેઘરાજા મન મુકીને વરસ્યા છે. રાજકોટ જિલ્લામાં આજે વહેલી સવારથી જ ધોધમાર વરસાદ વરસ્યો છે. લોધિકામાં ત્રણ ઈંચ વરસાદ વરસ્યો છે. જ્યારે કોટડા સંઘાણીમાં ચાર ઈંચ વરસાદ ખાબક્યો હતો. જસદણ તાલુકામાં સવા ઈંચ વરસાદ વરસ્યો છે. ગોંડલમાં પણ વરસાદ પડ્યો છે. રાજકોટ-ભાવનગર હાઈવે પરના અનેક ગામો બેટમાં ફેરવાયા છે. અનરાધાર વરસાદના કારણે પાડાસણ અને ઉમરાળી ગામ પાણીમાં અડધા ડૂબી ગયા હતા. ગામની શેરીમાં પાંચથી છ ફૂટ સુધી પાણી ભરાતા લોકો જીવ બચાવવા પહેલા માળે જતા રહ્યા હતા. ખારચિયા ગામની બજારોમાં ત્રણથી પાંચ ફૂટ સુધી પાણી ભરાયા હતા. ઘરોમાં પાણી ઘૂસતા ગ્રામજનો મુશ્કેલીમાં મુકાયા હતા.
જસદણ પંથકમાં વરસાદના કારણે જસાપર ગામમાં ભાદર નદીના પાણી ઘૂસ્યા હતા. જસદણ શહેર અને ગ્રામ્ય વિસ્તારમાં ધોધમાર વરસાદ વરસ્યો છે. આટકોટ,વીરનગર,જસાપર,નવાગામ અને જીવાપર સહિતના વિસ્તારોમાં જળબંબાકારની સ્થિતિ સર્જાઈ છે. જીવાપર પાસેનો કણૂકી ડેમ ઓરફ્લો થયો છે. રસ્તા પર નદીની જેમ પાણી વહેતી થતા એક ઈકો કાર પાણીમાં તણાઈ ગઈ હતી. ત્રાંબાથી વડાલી તરફના રસ્તા પર નદીના પાણી વહેતા અંદાજે 3 કલાક સુધી રસ્તો બંધ રહ્યો હતો. રાજકોટ જિલ્લાના કોટડા સંઘાણી પંથકમાં મૂશળધાર વરસાદ વરસ્યો છે. વદીપરા, પાંચ તલાવડા,જૂની ખોખરી, નાના માંડવા સહિતના ગામોમાં ગાજવીજ સાથે વરસાદ વરસ્યો હતો. વરસાદને લઈને કોટડા સાંગાણીથી રાજકોટ તરફનો રસ્તો બંધ કરવામાં આવ્યો હતો.
લોધિકાના ગ્રામ્ય વિસ્તારોમાં મેઘમહેર થઈ હતી. ખીરસરા, વાગુદડ, છપરા સહિતના ગામોમાં વરસાદને લઈને ફોફળ નદી બે કાંઠે વહેતી થઈ હતી. રાજકોટ તાલુકાના હરીપર રોડ પર આવેલા સ્વામીનારાયણ મંદિરના પરિસરમાં પાણી ઘૂસ્યા હતા. મંદિરના ગ્રાઉન્ડમાં પાણીનો ધસમસતો પ્રવાહ વહેતો થયો હતો.
Join Our Official Telegram Channel: https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
