ગ્રીષ્મા હત્યા કેસમાં આજે સુનાવણી ટળી,  21 એપ્રિલે આવી શકે છે ચુકાદો

ગ્રીષ્મા વેકરિયાની એકતરફી પ્રેમમાં પાગલ ફેનિલ ગોયાણીએ ગળું કાપી ઘાતકી હત્યા કરી હતી

06

સુરતઃ સુરતના ચકચારી ગ્રીષ્મા હત્યા કેસમાં  બચાવ પક્ષના વકીલ હાજર ન રહેતા સુનાવણી ટળી હતી. જેથી 21 એપ્રિલે સેશસ કોર્ટે ચુકાદો આપી શકે છે. 12 ફેબ્રુઆરીએ પાસોદરામાં ગ્રીષ્મા વેકરિયાની જાહેરમાં ગળું કાપી કરપીણ હત્યા કરવાના આરોપી સામે કોર્ટમાં 6 એપ્રિલે દલીલો પૂર્ણ થઈ હતી. આરોપીને આકરામાં આકરી સજા થાય એવી માંગ કરવામાં આવી છે.

ગ્રીષ્મા વેકરિયાની એકતરફી પ્રેમમાં પાગલ ફેનિલ ગોયાણીએ ગળું કાપી ઘાતકી હત્યા કરી હતી.ત્યાર બાદ હાથની નસ કાપીને ઝેરી દવા પીવાનું નાટક કરી આપઘાતનો પ્રયાસ કર્યો હતો. હાલ ફેનિલ લાજપોર જેલમાં બંધ છે. ગ્રીષ્મા હત્યા કેસમાં કોર્ટમાં 190 સાક્ષીમાંથી 105 સાક્ષીની જુબાની લેવામાં આવી છે. જ્યારે 85 સાક્ષીને ડ્રોપ કરવામાં આવ્યા હતા. ત્યાર બાદ સરકાર પક્ષે ક્લોઝિંગ આપવામાં આવ્યું હતું. જેથી કોર્ટમાં આરોપી ફેનિલનું ફર્ધર સ્ટેટમેન્ટ લેવામાં આવ્યું હતું અને 6 એપ્રિલે દલીલો પૂર્ણ થઈ હતી.ત્યારે આજની સુનાવણી ટળતા 21 એપ્રિલે કેસનો સંભવતઃ ચુકાદો આવી શકે છે.

ગાંધીનગરના ઇટાદરા ગામમાં બે જૂથ વચ્ચે અથડામણ

ગાંધીનગરના માણસાના ઇટાદરા ગામે બે જૂથ વચ્ચે અથડામણ થતાં માહોલમાં તંગદિલી છવાઈ છે. મળતી જાણકારી અનુસાર, ઇટાદરા ગામે બે જૂથ વચ્ચે અથડામણ થઇ હતી. દરમિયાન અસામાજિક તત્વોએ બાઈકમાં આગચંપી કરી અનેક વાહનોમાં તોડફોડ કરી હતી.

આ ઘટનાની જાણ થતા જ પોલીસની ટીમ ઘટનાસ્થળે પહોંચી હતી અને સ્થિતિ પર કાબૂ મેળવ્યો હતો.  પોલીસે ગામમાં ચુસ્ત બંદોબસ્ત ગોઠવી પરિસ્થિતિ પર કાબૂ મેળવ્યો હતો. હાલ ગામમાં શાંતિપૂર્ણ માહોલ છે. જો કે પોલીસે ગઈકાલે જ 6 લોકોને રાઉંડ અપ કર્યા હતા અને સમગ્ર મામલે પૂછપરછ શરૂ કરી છે.