જમ્મુ કાશ્મીરમા વધુ એક નિર્દોષ ગોળીએથી વિંધાયો, અમિત શાહની અધ્યક્ષતામાં બીજી બેઠક, ગૃહ મંત્રાલય લઇ શકે છે મોટો નિર્ણય

Target Killing: આતંકવાદીઓએ છેલ્લા 22 દિવસમાં 8 ટાર્ગેટ કિલિંગને અંજામ આપીને ઘાટીમાં ભયનો માહોલ સર્જ્યો છે. માનવામાં આવે છે કે ટાર્ગેટ કિલિંગને લઈને ગૃહ મંત્રાલય તરફથી મોટો નિર્ણય આવી શકે છે.

કાશ્મીરની સુરક્ષા મુદ્દે આજે બેઠક

Target Killing: આતંકવાદીઓએ છેલ્લા 22 દિવસમાં 8 ટાર્ગેટ કિલિંગને અંજામ આપીને ઘાટીમાં ભયનો માહોલ સર્જ્યો છે. માનવામાં આવે છે કે ટાર્ગેટ કિલિંગને લઈને ગૃહ મંત્રાલય તરફથી મોટો નિર્ણય આવી શકે છે.

કાશ્મીરમાં કાશ્મીરી પંડિતો અને બિન-સ્થાનિક લોકો પર થયેલા હુમલાને લઈને આજે મોટો નિર્ણય લેવામાં આવી શકે છે. ટાર્ગેટ કિલિંગને કારણે બગડતી પરિસ્થિતિને સંભાળવા માટે હવે ગૃહમંત્રી અમિત શાહે પોતે આગેવાની લીધી છે. અમિત શાહે આતંકવાદી હુમલા અને ઘાટીની સુરક્ષાને લઈને મોટી બેઠક બોલાવી છે. જમ્મુ અને કાશ્મીરના લેફ્ટનન્ટ ગવર્નર મનોજ સિંહા, ગૃહ મંત્રાલયના વરિષ્ઠ અધિકારીઓ અને કેન્દ્ર શાસિત પ્રદેશના અધિકારીઓ આજે દિલ્હીમાં યોજાનારી બેઠકમાં ભાગ લેશે. જમ્મુ-કાશ્મીરની સ્થિતિને લઈને છેલ્લા 15 દિવસમાં આ બીજી બેઠક છે.

ટાર્ગેટ કિલિંગ પર આવી શકે છે મોટો નિર્ણય

બેઠકમાં જૂનના અંતમાં શરૂ થનારી અમરનાથ યાત્રા માટે ખીણમાં સામાન્ય લોકોની હત્યાથી લઈને સુરક્ષા વ્યવસ્થા પર ચર્ચા થશે. છેલ્લી બેઠક દરમિયાન, ગૃહ પ્રધાન અમિત શાહે આતંકવાદ વિરોધી કામગીરી પર વિશેષ ભાર મૂક્યો હતો. આતંકવાદીઓએ છેલ્લા 22 દિવસમાં 8 ટાર્ગેટ કિલિંગને અંજામ આપીને ઘાટીમાં ભયનો માહોલ સર્જ્યો છે. માનવામાં આવે છે કે ટાર્ગેટ કિલિંગને લઈને ગૃહ મંત્રાલય તરફથી મોટો નિર્ણય આવી શકે છે.

અગાઉ, ગુરુવારે કાશ્મીર ખીણમાં આતંકવાદીઓ દ્વારા એક હિન્દુ બેંક કાર્યકરની હત્યાના કલાકો પછી, કેન્દ્રીય ગૃહ પ્રધાન અમિત શાહે એક બેઠક બોલાવી હતી, જેમાં રાષ્ટ્રીય સુરક્ષા સલાહકાર (NSA) અજીત ડોભાલ સહિતના ટોચના અધિકારીઓએ હાજરી આપી હતી. એવું માનવામાં આવે છે કે આ દરમિયાન કેન્દ્રશાસિત પ્રદેશમાં સુરક્ષાની સ્થિતિ પર ચર્ચા કરવામાં આવી હતી જ્યાં મે મહિનાથી ટાર્ગેટ કિલિંગની ઘટનાઓ સામે આવી રહી છે.

અમિત શાહે ડોભાલ અને NSA ચીફ સાથે મુલાકાત કરી

જમ્મુ અને કાશ્મીરમાં સુરક્ષાની સ્થિતિ પર શુક્રવારે શાહ દ્વારા બોલાવવામાં આવેલી ઉચ્ચ સ્તરીય બેઠકના એક દિવસ પહેલા આ ચર્ચા થઈ હતી. સમાચાર એજન્સી પીટીઆઈ અનુસાર, ડોભાલ અને ગુપ્તચર એજન્સી RAW (રિસર્ચ એન્ડ એનાલિસિસ વિંગ)ના વડા સામંત ગોયલે અમિત શાહ સાથે તેમની નોર્થ બ્લોક ઓફિસમાં બપોરે લગભગ એક કલાક સુધી વાતચીત કરી હતી.

1 મેથી કાશ્મીર ખીણમાં ટાર્ગેટ કિલિંગના આઠ કેસ નોંધાયા છે. જમ્મુ ક્ષેત્રના સાંબા જિલ્લાના એક શિક્ષકની મંગળવારે કાશ્મીરના કુલગામમાં આતંકવાદીઓ દ્વારા હત્યા કરવામાં આવી હતી. તે જ સમયે, 18 મેના રોજ, આતંકવાદીઓ ઉત્તર કાશ્મીરના બારામુલ્લામાં એક દારૂની દુકાનમાં ઘૂસી ગયા હતા અને ગ્રેનેડ ફેંક્યો હતો, જેમાં જમ્મુના રહેવાસીનું મૃત્યુ થયું હતું અને અન્ય ત્રણ ઘાયલ થયા હતા.

ખીણમાં, પોલીસ કર્મચારી સૈફુલ્લાહ કાદરીને 24 મેના રોજ શ્રીનગરમાં તેમના નિવાસસ્થાનની સામે આતંકવાદીઓ દ્વારા ગોળી મારીને હત્યા કરવામાં આવી હતી, જ્યારે ટીવી અભિનેતા અમરીન ભટની બે દિવસ પછી બડગામમાં આતંકવાદીઓ દ્વારા હત્યા કરવામાં આવી હતી. કાશ્મીરી પંડિતો સતત પ્રદર્શન કરી રહ્યા છે અને રાહુલ ભટની હત્યા બાદ ભાગી જવાની ધમકી આપી રહ્યા છે. મધ્ય કાશ્મીરના બડગામ જિલ્લાના ચદૂરામાં તેમની ઓફિસમાં ઘૂસીને 12 મેના રોજ રાહુલ ભટની આતંકીઓએ હત્યા કરી હતી.

જમ્મુ અને કાશ્મીરમાં સુરક્ષાની સ્થિતિ પર અમિત શાહની આજની ઉચ્ચ-સ્તરીય બેઠક પખવાડિયા કરતાં પણ ઓછા સમયમાં બીજી આવી બેઠક છે જે ઘાટીમાં આતંકવાદીઓ દ્વારા લક્ષ્યાંકિત હત્યાઓ વચ્ચે થઈ રહી છે. ગૃહમંત્રીની અધ્યક્ષતામાં યોજાનારી બેઠકમાં ડોભાલ પણ હાજરી આપે તેવી અપેક્ષા છે.