Vadodara : આ યુવકે ગરમ તવા પર અંગુઠો મુકી ચામડી કાપી નાંખી ને બીજા યુવકને આપી દીધી, કારણ જાણી ચોંકી જશો

વેસ્ટર્ન રેલવેમાં ખલાસીની નોકરી માટે હોલીવુડ જેવો માસ્ટર પ્લાન ઘડ્યો હતો. રેલવે રિક્રુટમેન્ટ લેવલ 1ની ગેંગમેન અને ખલાસીની  પરીક્ષા આપવા બિહારથી આવેલો ડમી વિદ્યાર્થી ઝડપાયો છે.

તસવીરઃ રેલવેની પરીક્ષામાં ડમ્મી પરીક્ષાર્થી ઝડપાયો.

વડોદરાઃ વેસ્ટર્ન રેલવેમાં ખલાસીની નોકરી માટે હોલીવુડ જેવો માસ્ટર પ્લાન ઘડ્યો હતો. રેલવે રિક્રુટમેન્ટ લેવલ 1ની ગેંગમેન અને ખલાસીની  પરીક્ષા આપવા બિહારથી આવેલો ડમી વિદ્યાર્થી ઝડપાયો છે. લક્ષ્મીપુરા ખાતેના ટી.સી.એસ સેન્ટર ખાતે પરીક્ષા યોજાઈ હતી. પરિક્ષાર્થીના અંગુઠાની ચામડી પોતાના અંગૂઠાએ  ચોંટાડી પરીક્ષા આપવા આવ્યો હતો.

બાયોમેટ્રિક થંબ ઇમ્પ્રેશનના ટેસ્ટમાં ઝડપાયો હતો. થંબ ઇમ્પ્રેશન નિષ્ફળ જતા સેનેટાઈઝરથી ચેક કરતા ચોંટાળેલી ચામડી મળી આવી. અનિલકુમાર શંભુ પ્રસાદની જગ્યાએ રાજગુરુ ગુપ્તા પરીક્ષા આપવા આવ્યો હતો. બંને ની લક્ષ્મીપુરા પોલીસેધરપકડ કરી. તપાસમાં ગરમ તવા પર અંગૂઠો મુક્યો અને ફોલ્લા વાળી ચામડી કાપીને ચોંટાડી હતી.

Vadodara : પોલીસને જોઇ ભાગેલા કાર ચાલકની તપાસ કરતાં શું થયો મોટો ધડાકો? જાણો કોણ છે આ કોંગ્રેસ નેતા?

વડોદરાઃ દારૂના નશામાં ચકનાચૂર થયેલ હાલતમાં વડોદરા જિલ્લા યુથ કોંગ્રેસ પ્રમુખ ભૌમિક પટેલને કરજણ પોલીસે ઝડપ્યો છે. કરજણ નેશનલ હાઇવે નંબર 48 , ભરથાના ટોલ પ્લાઝા પાસે કરજણ પોલીસ વાહન ચેકીંગ કરી રહી હતી. ટોલ પ્લાઝા પાસે વાહન ચેકીંગ દરમિયાન ભરૂચ તરફથી વડોદરા તરફ GJ 6 IC 0832 નંબરની સફેદ કાર અચાનક પરત સુરત તરફ યુ ટર્ન મારી  હંકારી દેતા પોલીસને શક જતા પોલીસે પીછો કર્યો હતો.

પોલીસે હાઇવે પર આવેલી હોટલો પાર્કિંગમાં તપાસ હાથ ધરતા હાઇવે પર લાકોદરા પાટિયા પાસે સતિમાતા હોટલના પાર્કિંગ માંથી દારૂના નશામાં ચકનાચૂર થયેલ હાલતમાં વડોદરા જિલ્લા યુથ કોંગ્રેસ પ્રમુખ ભૌમિક પટેલ મળી આવ્યો હતો. જેને કરજણ પોલીસે ઝડપ્યો હતો. વડોદરા જિલ્લા યુથ કોંગ્રેસ પ્રમુખ ભૌમિક પટેલની ફેસબુક પર કરજણ પોલીસ વિરુદ્ધ અભદ્ર ટીંપણી, પોલીસ, SP, MLA વિરુદ્ધ ખુલ્લેઆમ દારૂ વેચાણના કર્યા આક્ષેપો. કરજણ પોલીસે પ્રોહીબિશન કલમ - ૬૬(૧)બી.મુજબ ગુનો નોંધી કાયદેસરની કાર્યવાહી હાથ ધરી છે. 

Gujarat Election : ધારાસભ્ય પદેથી રાજીનામું આપનાર નેતાને ગેહલોત મળવાનો ન આપ્યો સમય
અમદાવાદઃ પક્ષ પલટો કરનાર સોમા ગાંડા ઘર વાપસીની તૈયારીમાં હોવાના સંકેત મળી રહ્યા છે. સરકીટ હાઉસમાં અશોક ગેહલોતે મળવા પહોંચ્યા હતા. જોકે, અશોક ગેહલોતે સોમાભાઈને મળવાનો સમય ના આપ્યો. સોમા પટેલે સહપ્રભારી રામ ક્રિષ્ના સાથે બેઠક કરી હતી. વિધાનસભા ચૂંટણી લડવાનું આપ્યું નિવેદન. સોમા ગાંડા ધારાસભ્ય અને સાંસદ રહી ચુક્યા છે. સોમા ગાંડાએ 2020માં કોંગ્રેસમાંથી રાજીનામુ આપ્યું હતું. 

નોંધનીય છે કે, સોમા ગાંડા સુરેન્દ્રનગર લોકસભા બેઠકના પૂર્વ સાંસદ છે અને તેઓ છેલ્લે લીંબડી વિધાનસભાના ધારાસભ્ય પદેથી રાજીનામું આપ્યું હતું. અહીં રાજીનામું આપતાં પેટાચૂંટણી થઈ હતી. જેમાં કિરીટસિંહ રાણાનો વિજય થયો હતો.