શું 2075 સુધીમાં આ દેશોમાં નહીં હોય એક પણ મુસ્લિમ? જાણો સંભવિત કારણો
વિશ્વનો બીજો સૌથી મોટો ધર્મ હોવા છતાં, સ્થળાંતર, ધાર્મિક પરિવર્તન અને રાજકીય પરિબળોથી કેટલાક દેશોમાં મુસ્લિમ વસ્તી ઘટવાની સંભાવના.
No Muslims by 2075: વિશ્વમાં ઇસ્લામ બીજો સૌથી મોટો ધર્મ છે અને તેની વસ્તી ઝડપથી વધી રહી છે. હાલમાં વિશ્વભરમાં લગભગ 1.9 અબજ મુસ્લિમો વસવાટ કરે છે અને 50થી વધુ દેશો એવા છે જ્યાં મુસ્લિમોની બહુમતી છે. જો કે, એક આશ્ચર્યજનક પ્રશ્ન એ ઊભો થઈ રહ્યો છે કે શું આગામી 50 વર્ષોમાં કેટલાક દેશો એવા હશે જ્યાં એક પણ મુસ્લિમ નહીં હોય અથવા તેમની સંખ્યા નહિવત થઈ જશે? ચાલો જાણીએ આની પાછળના સંભવિત કારણો શું હોઈ શકે છે.
મુસ્લિમોની વસ્તી ભલે વિશ્વના ઘણા દેશોમાં ફેલાયેલી હોય, પરંતુ તેમનો મોટો હિસ્સો ઉત્તર અને મધ્ય આફ્રિકા, મધ્ય પૂર્વ, દક્ષિણ અને દક્ષિણ-પૂર્વ એશિયામાં કેન્દ્રિત છે. આ એવા વિસ્તારો છે જ્યાં 90%થી વધુ મુસ્લિમ વસ્તી જોવા મળે છે. પરંતુ શું એવું ક્યારેય શક્ય બનશે કે અમુક દેશોમાં મુસ્લિમોની સંખ્યા સાવ ઓછી થઈ જાય?
આ સવાલનો જવાબ ઘણા પરિબળો પર આધાર રાખે છે, જેમાં સ્થળાંતર, ધાર્મિક ફેરફારો, વસ્તી વિષયક પરિવર્તન, સામાજિક અને રાજકીય પરિસ્થિતિઓ મુખ્ય છે. આ તમામ પરિબળોના આધારે કોઈ ચોક્કસ ભવિષ્યવાણી કરવી મુશ્કેલ છે, પરંતુ કેટલીક સંભાવનાઓ જરૂરથી વ્યક્ત કરી શકાય છે.
પ્યુ રિસર્ચ સેન્ટરના 2015ના એક અહેવાલ મુજબ, મુસ્લિમ વસ્તી વિશ્વમાં સૌથી ઝડપથી વધતી વસ્તીમાં સામેલ છે. વર્ષ 2015માં આ વસ્તી 1.8 અબજ હતી અને જો આ જ ગતિ જળવાઈ રહે તો 2050 સુધીમાં તે લગભગ 2.76 અબજ સુધી પહોંચી શકે છે. આ વધારા પાછળ ધાર્મિક પરિવર્તન, ઊંચો જન્મ દર અને યુવા વસ્તી જેવા કારણો જવાબદાર છે. આ સંજોગોમાં આગામી 50 વર્ષમાં કોઈ મોટા દેશમાંથી મુસ્લિમ વસ્તી સંપૂર્ણપણે અદૃશ્ય થઈ જશે તેવી આગાહી કરવી મુશ્કેલ છે, પરંતુ કેટલાક ચોક્કસ સંજોગોમાં તેમની સંખ્યા નહિવત્ જરૂર થઈ શકે છે.
નાના દેશોમાં વસ્તી પરિવર્તન આ માટે એક મહત્વપૂર્ણ કારણ બની શકે છે. માઇક્રોનેશિયા, નૌરુ અને તુવાલુ જેવા દેશોમાં મુસ્લિમ વસ્તી 1% કરતા પણ ઓછી છે. જો આ દેશોમાં મુસ્લિમોનું સ્થળાંતર ન થાય અથવા અન્ય ધર્મના લોકો ઇસ્લામ ન અપનાવે તો અહીંની મુસ્લિમ વસ્તી સંપૂર્ણપણે ખતમ થઈ શકે છે.
આ ઉપરાંત, ચેક રિપબ્લિક અને એસ્ટોનિયા જેવા દેશોમાં પણ મુસ્લિમોની સંખ્યા 0.2% કરતા ઓછી છે. અહીં બિનસાંપ્રદાયિકતાનું પ્રમાણ ખૂબ ઊંચું છે. જો આ દેશોમાં લોકો ઇસ્લામ ધર્મ અપનાવતા નથી અથવા મુસ્લિમો અન્ય ધર્મમાં લગ્ન કરે છે અથવા બહારના દેશોના મુસ્લિમો અહીં સ્થાયી થતા નથી તો અહીં પણ માઇક્રોનેશિયા જેવા નાના દેશો જેવી સ્થિતિ સર્જાઈ શકે છે.
કેટલીકવાર રાજકીય અને સામાજિક દબાણ પણ મુસ્લિમ વસ્તીના ઘટાડાનું કારણ બની શકે છે. મ્યાનમારનું ઉદાહરણ આપણી સામે છે, જ્યાં રોહિંગ્યા મુસ્લિમો લઘુમતીમાં છે અને તેઓ સતત અત્યાચારનો સામનો કરી રહ્યા છે. જો આ પરિસ્થિતિ યથાવત રહે તો ભવિષ્યમાં મ્યાનમારમાં મુસ્લિમોની સંખ્યા નહિવત્ થઈ શકે છે. સીરિયા અને યમન જેવા યુદ્ધગ્રસ્ત દેશોમાં લાખો મુસ્લિમોએ હિજરત કરી છે, જેના કારણે આ દેશોમાં મુસ્લિમ વસ્તી ઘણી ઓછી થઈ ગઈ છે.
ટોપ સ્ટોરી
ટ્રેન્ડિંગ સમાચાર
