કેનેડામાંથી ભારતીયોને બળજબરીપૂર્વક દેશમાંથી કાઢી રહી છે સરકાર? Canada ના પીએમ માર્ક કાર્નીએ આપ્યું આ કારણ
Mark Carney immigration action: કેનેડિયન ઇમિગ્રેશન સિસ્ટમમાં તાજેતરમાં વિદેશી નાગરિકોને બળજબરીપૂર્વક દેશનિકાલ કરવાની પ્રક્રિયાએ વેગ પકડ્યો છે, જેમાં ભારતીય નાગરિકોની સંખ્યા ચિંતાજનક સ્તરે વધી છે.
Canada Indian deportation: કેનેડામાંથી ભારતીય નાગરિકોના બળજબરીપૂર્વક દેશનિકાલના આંકડાઓમાં છેલ્લા કેટલાક વર્ષોમાં જંગી વધારો જોવા મળ્યો છે. કેનેડિયન બોર્ડર સર્વિસીસ એજન્સી (CBSA) ના ડેટા મુજબ, દેશનિકાલની સંખ્યામાં ભારત બીજા ક્રમે છે, જે આ વર્ષે 28 જુલાઈ સુધીમાં 1,891 પર પહોંચી ગઈ છે, જ્યારે 2019માં આ આંકડો માત્ર 625 હતો. કેનેડિયન વડા પ્રધાન માર્ક કાર્નીએ આ અંગે મોટો ખુલાસો કર્યો છે કે તેમની સરકાર વિદેશી ગુનેગારોને તેમના દેશોમાં દેશનિકાલ કરવા પર ધ્યાન કેન્દ્રિત કરશે અને આ પ્રક્રિયાને ઝડપી બનાવવા માટે 'ટ્રેકિંગ સુધારવા' અને 'વધુ સારા સંસાધનો' પૂરા પાડવાની યોજના છે. તાજેતરમાં 450 ટપાલના ટુકડાઓની ચોરીના આરોપમાં 8 ભારતીયોની ધરપકડ કરવામાં આવી છે, જે બાદ તેમની સામે પણ ન્યાયિક પ્રક્રિયા દ્વારા દેશનિકાલની કાર્યવાહી થઈ શકે છે.
દેશનિકાલના આંકડાઓમાં મોટો ઉછાળો: ભારત મેક્સિકો પછી બીજા ક્રમે
કેનેડિયન ઇમિગ્રેશન સિસ્ટમમાં તાજેતરમાં વિદેશી નાગરિકોને બળજબરીપૂર્વક દેશનિકાલ કરવાની પ્રક્રિયાએ વેગ પકડ્યો છે, જેમાં ભારતીય નાગરિકોની સંખ્યા ચિંતાજનક સ્તરે વધી છે. કેનેડિયન બોર્ડર સર્વિસીસ એજન્સી (CBSA) ના ડેટા મુજબ, ભારતીયોને કેનેડામાંથી બળજબરીપૂર્વક દેશનિકાલ કરવાની યાદીમાં ભારત બીજા ક્રમે છે.
આંકડાઓ પર નજર કરીએ તો, 2019માં માત્ર 625 ભારતીય નાગરિકોને દેશનિકાલ કરવામાં આવ્યા હતા, જેની સામે આ વર્ષે 28 જુલાઈ સુધીમાં આ આંકડો વધીને 1,891 થયો છે. ગયા વર્ષે એટલે કે 2024માં પણ 1,997 ભારતીયોને કેનેડિયન અધિકારીઓ દ્વારા દેશનિકાલ કરવામાં આવ્યા હતા. આ યાદીમાં મેક્સિકો પ્રથમ ક્રમે છે; 28 જુલાઈ, 2025 સુધીમાં 2,678 મેક્સિકનોને કેનેડામાંથી બળજબરીપૂર્વક દેશનિકાલ કરવામાં આવ્યા હતા. ગયા વર્ષે 3,683 મેક્સિકન અને 981 કોલમ્બિયનોને પણ દેશનિકાલ કરાયા હતા, જે દર્શાવે છે કે વિદેશી નાગરિકોના દેશનિકાલની પ્રક્રિયામાં વ્યાપક વધારો થયો છે.
પીએમ માર્ક કાર્નીનો ખુલાસો: પ્રક્રિયા ઝડપી બનાવવા પર ભાર
ભારતીય નાગરિકોના આ વધતા દેશનિકાલ અંગે કેનેડાના વડા પ્રધાન માર્ક કાર્નીને જ્યારે પૂછવામાં આવ્યું કે શું તેમની સરકાર વિદેશી ગુનેગારોને તેમના દેશોમાં દેશનિકાલ કરવા પર ધ્યાન કેન્દ્રિત કરશે, ત્યારે તેમણે હકારાત્મક પ્રતિભાવ આપ્યો હતો. પીએમ કાર્નીએ સ્પષ્ટતા કરી કે સરકાર આ પ્રક્રિયાને વધુ ઝડપી અને અસરકારક બનાવવા માટે પ્રયત્નશીલ છે.
વડા પ્રધાન માર્ક કાર્નીએ જણાવ્યું હતું કે, આ પ્રક્રિયાને ઝડપી બનાવવા માટે ટ્રેકિંગ સુધારવા અને વધુ સારા સંસાધનો પૂરા પાડવાની યોજનાઓ છે. તેમણે ઉમેર્યું કે આ પહેલ કેનેડિયન ઇમિગ્રેશન સિસ્ટમમાં કરવામાં આવી રહેલા વ્યાપક સુધારાનો જ એક ભાગ છે.
તાજેતરમાં, કેનેડામાં વધતી જતી ઇમિગ્રેશન વિરોધી ભાવના વચ્ચે, 450 ટપાલના ટુકડાઓની ચોરીના આરોપમાં 8 ભારતીયોની ધરપકડ કરવામાં આવી હતી, જેમાં સુમનપ્રીત સિંહ, ગુરદીપ ચટ્ટા, જશ્નદીપ જટ્ટાના, હરમન સિંહ, જશ્નપ્રીત સિંહ, મનરૂપ સિંહ, રાજબીર સિંહ અને ઉપિન્દરજીત સિંહ નો સમાવેશ થાય છે. આ સંદર્ભમાં, પીલ રિજનલ પોલીસે 10 ઓક્ટોબર, 2025 ના રોજ એક પ્રેસ રિલીઝ જારી કરીને જણાવ્યું હતું કે તેઓ કેનેડા બોર્ડર સર્વિસીસ એજન્સી સાથે સક્રિયપણે સંકળાયેલા છે. આ સહયોગ દ્વારા નક્કી કરવામાં આવશે કે શું આરોપી વિદેશી નાગરિકોને ન્યાયિક પ્રક્રિયાના ભાગ રૂપે કેનેડામાંથી બહાર કાઢવાના મામલાને આગળ ધપાવી શકાય છે કે કેમ, જે દર્શાવે છે કે ગુનાહિત પ્રવૃત્તિઓમાં સંડોવાયેલા ભારતીયો પર સરકાર કડક કાર્યવાહી કરવાના મૂડમાં છે.
ટોપ સ્ટોરી
ટ્રેન્ડિંગ સમાચાર
