Canada: ભારતે ભગવદ ગીતા પાર્કમાં તોડફોડની કરી આકરી નિંદા, હેટ ક્રાઈમ ગણાવી કરી આ માંગ

Indian Condemns Hate Crime: આ પાર્ક પહેલા ટ્રોયર્સ પાર્ક તરીકે ઓળખાતું હતું. તેનું નામ બદલીને શ્રી ભગવદ ગીતા પાર્ક રાખવામાં આવ્યું અને 28 સપ્ટેમ્બરે તેનું અનાવરણ કરવામાં આવ્યું.

શ્રી ભાગવદ ગીતા પાર્ક

 Canada Shri Bhagvad Gita Park:  કેનેડામાં તાજેતરના સમયમાં ભારતીયો વિરુદ્ધ હેટ ક્રાઈમ સાથે જોડાયેલી ઘણી ઘટનાઓ સામે આવી છે. તાજેતરની ઘટનામાં કેનેડાના બ્રામ્પટન શહેરના એક પાર્કમાં તોડફોડની ઘટના પ્રકાશમાં આવી છે. આ પાર્ક 'ભગવદ ગીતા પાર્ક' તરીકે ઓળખાય છે. ભારતે આ ઘટનાની સખત નિંદા કરી છે અને તેને હેટ ક્રાઈમ ગણાવ્યો છે. કેનેડામાં ભારતીય હાઈ કમિશને પોલીસને આ મામલાની તપાસ કરવા અને ગુનેગારોને જલ્દી પકડવાની અપીલ કરી છે. આ બાબતે પોલીસ તરફથી કહેવામાં આવ્યું છે કે શ્રી ભગવદ ગીતા પાર્કમાં કાયમી સાઈનબોર્ડ હજુ તૈયાર નથી. પાર્કમાં કોઇપણ પ્રકારની તોડફોડની કોઇ નિશાની મળી નથી.

પાર્કમાં થયેલી તોડફોડની ભારતે સખત નિંદા કરી 

ઓટાવામાં ભારતીય હાઈ કમિશને એક ટ્વિટમાં જણાવ્યું કે, "અમે બ્રામ્પટનના શ્રી ભગવદ ગીતા પાર્કમાં દ્વેષપૂર્ણ અપરાધની નિંદા કરીએ છીએ. અમે કેનેડિયન સત્તાવાળાઓ અને પોલીસને ગુનેગારો સામે તપાસ કરવા અને તાત્કાલિક પગલાં લેવા વિનંતી કરીએ છીએ." આ પાર્ક પહેલા ટ્રોયર્સ પાર્ક તરીકે ઓળખાતું હતું. તેનું નામ બદલીને શ્રી ભગવદ ગીતા પાર્ક રાખવામાં આવ્યું અને 28 સપ્ટેમ્બરે તેનું અનાવરણ કરવામાં આવ્યું.

We condemn the hate crime at the Shri Bhagvad Gita Park in Brampton and urge Canadian authorities & police to investigate and take prompt action against the perpetrators: High Commission of India in Ottawa, Canada pic.twitter.com/Xrdk7EipFw

— ANI (@ANI) October 2, 2022

બ્રામ્પટનના મેયરે પુષ્ટિ કરી

બ્રેમ્પટનના મેયર પેટ્રિક બ્રાઉને પાર્કમાં તોડફોડની ઘટનાની પુષ્ટિ કરી હતી. આ ઘટનાની નિંદા કરતા બ્રાઉને કહ્યું કે અમે તેના માટે ઝીરો ટોલરન્સ છીએ. અમને જાણવા મળ્યું છે કે તાજેતરમાં અનાવરણ કરાયેલ શ્રી ભગવદ ગીતા પાર્કના પ્રતીકની તોડફોડ કરવામાં આવી હતી. અમે પીલ પ્રાદેશિક પોલીસને વધુ તપાસ માટે કહ્યું છે. અમારો ઉદ્યાન વિભાગ શક્ય તેટલી વહેલી તકે સાઈન બોર્ડને ઠીક કરવા માટે કામ કરી રહ્યું છે.

વિદેશ મંત્રાલયે હેટ ક્રાઈમનો મુદ્દો ઉઠાવ્યો હતો

ભારતીય વિદેશ મંત્રાલયે કહ્યું કે તેણે નફરતના અપરાધો, સાંપ્રદાયિક હિંસા અને ભારત વિરોધી પ્રવૃત્તિઓની ઘટનાઓને કેનેડા સાથે ઉઠાવી છે અને તપાસ સાથે પગલાં લેવાની માંગ કરી છે. મંત્રાલય તરફથી એક નિવેદનમાં કહેવામાં આવ્યું છે કે કેનેડામાં હજુ સુધી આ ગુનાઓને ન્યાય આપવામાં આવ્યા નથી. તમને જણાવી દઈએ કે કેનેડામાં ભારતીય મૂળના લગભગ 1.6 મિલિયન લોકો રહે છે. આ વર્ષે દેશમાં હિંદુ મંદિરો પર હુમલાની ઓછામાં ઓછી બે ઘટનાઓ બની છે.