Earthquake In Japan: ભૂકંપને કારણે ફરી ધ્રૂજી ઉઠ્યું જાપાન,અનેક શહેરોમાં અનુભવાયા આંચકા,સુનામીની ચેતવણી અપાઈ

Earthquake In Japan: દક્ષિણ જાપાનમાં 6.9ની તીવ્રતાનો ભૂકંપ આવ્યો છે. જેને લઈને સુનામીની પણ આશંકા વ્યક્ત કરવામાં આવી રહી છે.

ભૂકંપ

Source : PTI

Earthquake In Japan: જાપાનમાં ફરી એકવાર ભૂકંપથી લોકોના શ્વાસ અધ્ધર થઈ ગયા છે. ગુરુવારે દક્ષિણ જાપાનમાં ફરી 7.1ની તીવ્રતાનો ભૂકંપ આવ્યો. અનેક શહેરોમાં તેના આંચકા અનુભવાયા છે. ભૂકંપ બાદ જાપાને સુનામીની ચેતવણી જાહેર કરી છે. સુનામી 07:50 GMT વાગ્યે દક્ષિણ જાપાનમાં ત્રાટકે તેવી ધારણા છે. જાપાનના હવામાન વિભાગે એલર્ટ જાહેર કર્યું છે

 

BREAKING Two powerful earthquakes hit off Japan: USGS pic.twitter.com/roMv5tLOTP

— AFP News Agency (@AFP) August 8, 2024

આ ભૂકંપના આંચકા જાપાનના મિયાઝાકી વિસ્તારમાં અનુભવાયા હતા. જાપાનના દરિયાકાંઠાના વિસ્તારો મિયાઝાકી, કોચી, ઈહીમે, કાગોશિમા અને આઈતામાં સુનામીની ચેતવણી જારી કરવામાં આવી છે.

ભૂકંપ શા માટે આવે છે?
પૃથ્વીની અંદર સાત ટેક્ટોનિક પ્લેટો છે. આ પ્લેટો સતત ફરતી રહે છે. જ્યારે આ પ્લેટો એકબીજા સાથે અથડાય છે. જ્યારે તેઓ એકબીજા પર ચઢી જાય છે અથવા તેમની પાસેથી દૂર જાય છે, ત્યારે જમીન ધ્રુજવા લાગે છે. આને ભૂકંપ કહેવાય છે. ભૂકંપ માપવા માટે રિક્ટર સ્કેલનો ઉપયોગ થાય છે. જેને રિક્ટર મેગ્નિટ્યુડ સ્કેલ કહેવામાં આવે છે. રિક્ટર મેગ્નિટ્યુડ સ્કેલ 1 થી 9 સુધીનો છે. ભૂકંપની તીવ્રતા તેના કેન્દ્ર એટલે કે એપી સેન્ટર પરથી માપવામાં આવે છે. એટલે કે તે કેન્દ્રમાંથી નીકળતી ઉર્જા આ સ્કેલ પર માપવામાં આવે છે. 1 એટલે ઓછી તીવ્રતાની ઊર્જા બહાર આવી રહી છે. 9 એટલે સૌથી વધુ. ખૂબ જ ભયાનક અને વિનાશક લહેર. તેઓ દૂર જતાં જતાં નબળી પડી જાય છે. જો રિક્ટર સ્કેલ પર તીવ્રતા 7 હોય, તો તેની આસપાસ 40 કિલોમીટરની ત્રિજ્યામાં જોરદાર આંચકો આવે છે.

ભૂકંપ આવે ત્યારે બચવા શું કરશો - 

• ભૂકંપ આવતા જો તમે ઘરમાં છો તો જમીન પર બેસી જાવ.
• મજબૂત ટેબલ કે કોઈ ફર્નીચરની નીચે શરણ લો.
• ટેબલ ન હોય તો હાથ વડે ચેહરા અને માથાને ઢાંકી લો.
• ઘરના કોઈ ખૂણામાં જતા રહો.
• કાંચ બારીઓ દરવાજા અને દિવાલથી દૂર રહો.
• પથારી પર છો તો સૂઈ રહો. ઓશિકા વડે માથુ ઢાંકી લો.
• આસપાસ ભારે ફર્નીચર હોય તો તેનાથી દૂર રહો.
• લિફ્ટનો ઉપયોગ કરતા બચો..
• પેંડુલમની જેમ હલીને દિવાલ સાથે લિફ્ટ અથડાઈ શકે છે
• લાઈટ જવાથી પણ લિફ્ટ રોકાય શકે છે.
• નબળી સીઢીઓનો ઉપયોગ ન કરો..
• સામાન્ય રીતે બિલ્ડિંગોમાં બનેલ સીઢીયો મજબૂત નથી હોતી.
• ઝટકો આવતા સુધી ઘરની અંદર જ રહો
• આંચકા આવતા બંધ થાય ત્યારે બહાર નીકળો.