Operation Sindoor: પાકિસ્તાન વિરુદ્ધ ઓપરેશન સિંદૂર બાદ અમિત શાહે 9 રાજ્યોના CM સાથે બોલાવી બેઠક, જાણો શું છે પ્લાન?
Operation Sindoor:ઓપરેશન સિંદૂર પછી કેન્દ્રીય ગૃહમંત્રી અમિત શાહે નવ રાજ્યોના મુખ્યમંત્રીઓ સાથે બેઠક યોજી હતી. ભારતીય સેનાએ પીઓકે અને પાકિસ્તાનમાં 9 આતંકવાદી ઠેકાણાઓનો નાશ કર્યો છે.
Operation Sindoor: ઓપરેશન સિંદૂર બાદ વડાપ્રધાન નરેન્દ્ર મોદી રાષ્ટ્રપતિ દ્રૌપદી મુર્મુને મળ્યા હતા. તેમણે રાષ્ટ્રપતિને આ કામગીરી વિશે માહિતી આપી. બીજી તરફ, કેન્દ્રીય ગૃહમંત્રી અમિત શાહે નવ રાજ્યોના મુખ્યમંત્રીઓ, ડીજીપી અને મુખ્ય સચિવો સાથે બેઠક યોજી હતી. આ બેઠક દરમિયાન, અમિત શાહે યુદ્ધ જેવી પરિસ્થિતિ વચ્ચે સુરક્ષા વ્યવસ્થાનો તાગ મેળવ્યો. કેન્દ્ર સરકારે ગુરુવારે સર્વપક્ષીય બેઠક પણ બોલાવી છે.
#WATCH | Delhi | Union Home Minister Amit Shah holds a meeting with Chief Ministers, DGPs and Chief Secretaries of border states
— ANI (@ANI) May 7, 2025
CMs of J&K, Punjab, Rajasthan, Gujarat, Uttarakhand, Uttar Pradesh, Bihar, Sikkim, West Bengal and LG of Ladakh and LG of Jammu and Kashmir… pic.twitter.com/FXnGzTOGCV
ભારતીય સેનાએ મંગળવાર અને બુધવારે રાત્રે પાકિસ્તાનમાં નવ આતંકવાદી ઠેકાણાઓ પર હુમલો કર્યો. આ હુમલામાં આતંકવાદીઓના ઠેકાણાઓનો નાશ કરવામાં આવ્યો છે. હવે કેન્દ્રીય ગૃહમંત્રી અમિત શાહે નવ રાજ્યોના મુખ્યમંત્રીઓ સાથે બેઠક યોજી હતી. તેમાં જમ્મુ અને કાશ્મીર, પંજાબ, રાજસ્થાન, ગુજરાત, ઉત્તરાખંડ, ઉત્તર પ્રદેશ, બિહાર, સિક્કિમ, પશ્ચિમ બંગાળના મુખ્યમંત્રીઓ અને લદ્દાખ અને જમ્મુ અને કાશ્મીરના ઉપરાજ્યપાલો શામેલ હતા.
ઓપરેશન સિંદૂર દરમિયાન 9 આતંકવાદી ઠેકાણાઓનો નાશ કરવામાં આવ્યો
ભારતે પાકિસ્તાનની ઈંટનો જવાબ પથ્થરથી આપ્યો છે. સેનાએ પાકિસ્તાનના 9 આતંકવાદી ઠેકાણાઓનો નાશ કર્યો છે. આ ઓપરેશનમાં મોસ્ટ વોન્ટેડ આતંકવાદી મસૂદ અઝહરને મોટું નુકસાન થયું છે. તેમના પરિવારના 14 સભ્યો માર્યા ગયા છે. ઓપરેશન સિંદૂર દરમિયાન, સેનાએ ફક્ત આતંકવાદીઓના ઠેકાણાઓને જ નિશાન બનાવ્યા હતા; પાકિસ્તાની સેનાને કોઈપણ રીતે નિશાન બનાવવામાં આવી ન હતી.
પ્રધાનમંત્રી મોદીએ રાષ્ટ્રપતિ દ્રૌપદી મુર્મુને રિપોર્ટ સોંપ્યો
પીએમ મોદી બુધવારે રાષ્ટ્રપતિ ભવનમાં રાષ્ટ્રપતિ દ્રૌપદી મુર્મુને મળ્યા અને તેમને ઓપરેશન સિંદૂર અંગેનો અહેવાલ આપ્યો. પીએમએ સવારે સીસીએસ બેઠક યોજી હતી. તેમણે કેબિનેટ બેઠકમાં પણ હાજરી આપી હતી. આમાં ગૃહમંત્રી અમિત શાહ અને સંરક્ષણ મંત્રી રાજનાથ સિંહ પણ હાજર હતા.
ભારત દ્વારા 'ઓપરેશન સિંદૂર' અંગે યોજાયેલી સત્તાવાર પ્રેસ કોન્ફરન્સમાં ભારતના વિદેશ સચિવ વિક્રમ મિસરી અને બે મહિલા લશ્કરી અધિકારીઓ હાજર રહ્યા હતા. પ્રથમ કર્નલ સોફિયા કુરેશી અને બીજા વિંગ કમાન્ડર વ્યોમિકા સિંહ, બંને મહિલા અધિકારીઓએ ભારતીય સેનાની બહાદુરી વિશ્વ સમક્ષ રજૂ કરી અને ભારતીય સેનાએ આતંકવાદને કેવી રીતે ખતમ કરી રહી છે તેની માહિતી આપી હતી.
ટોપ સ્ટોરી
ટ્રેન્ડિંગ સમાચાર
