દક્ષિણ કોરિયાના રાષ્ટ્રપતિની ધરપકડ, માર્શલ લૉ લાગુ કરવાના આરોપમાં કાર્યવાહી

તેમની ધરપકડ દક્ષિણ કોરિયાના ઇતિહાસમાં એક અભૂતપૂર્વ ઘટના છે. આનાથી દેશના રાજકારણ પર ઊંડી અસર થવાની શક્યતા છે.

તેમની ધરપકડ દક્ષિણ કોરિયાના ઇતિહાસમાં એક અભૂતપૂર્વ ઘટના છે

Source : ANI

દક્ષિણ કોરિયાના રાષ્ટ્રપતિ યૂ સૂક યેઓલના મહાભિયોગ બાદ બુધવારે (15 જાન્યુઆરી) અધિકારીઓ દ્વારા તેમની ધરપકડ કરી લેવામાં આવી છે. આ દેશના ઇતિહાસમાં પ્રથમવાર છે જ્યારે કોઇ વર્તમાન રાષ્ટ્રપતિની ધરપકડ કરવામાં આવી હતી. તેમની ધરપકડ દક્ષિણ કોરિયાના ઇતિહાસમાં એક અભૂતપૂર્વ ઘટના છે. આનાથી દેશના રાજકારણ પર ઊંડી અસર થવાની શક્યતા છે.

South Korean President Yoon arrested over failed martial law bid.

Hundreds of anti-graft investigators and police raided his residence to end a weeks-long standoff.

Yoon is the first sitting president in the nation's history to be arrested

https://t.co/LqdNpIoaq0 pic.twitter.com/KspmgfKAjP

— AFP News Agency (@AFP) January 15, 2025

ઈન્ડિયન એક્સપ્રેસના રિપોર્ટ બાદ રાષ્ટ્રપતિ યૂન સુક યેઓલ પર વિવિધ આરોપો મુકવામાં આવ્યા હતા જેમાં ભ્રષ્ટાચાર, સત્તાનો દુરુપયોગ અને અન્ય અનિયમિતતાઓનો સમાવેશ થાય છે. સંસદમાં મહાભિયોગ પ્રસ્તાવ પસાર થયા પછી કાયદા અમલીકરણ અધિકારીઓએ રાષ્ટ્રપતિને કસ્ટડીમાં લેવાનો નિર્ણય કર્યો હતો. આ પગલાથી દેશમાં રાજકીય ઉથલપાથલ મચી ગઈ છે.

માર્શલ લૉ લાગુ કરવાનો પ્રયાસ

મહાભિયોગનો સામનો કરી રહેલા રાષ્ટ્રપતિ યૂન સુક-યેઓલ પર તેમની સત્તાનો દુરુપયોગ કરવાનો અને માર્શલ લો લાદવાનો પ્રયાસ કરવાનો આરોપ છે, જેની સ્થાનિક અને આંતરરાષ્ટ્રીય સ્તરે તીવ્ર ટીકાનો સામનો કરવો પડ્યો હતો. મહાભિયોગ બાદથી દેશમાં અસ્થિરતાનું વાતાવરણ હતું, જે હવે તેમની ધરપકડથી વધુ ગંભીર બન્યું છે.

બુધવારે સવારે, 1,000થી વધુ ભ્રષ્ટાચાર વિરોધી તપાસકર્તાઓ અને પોલીસ અધિકારીઓ યુ સુક યેઓલના ઘરે પહોંચ્યા હતા. દરમિયાન તપાસ અધિકારીઓને અંદર પ્રવેશતા અટકાવવા માટે તેમના ઘરની આસપાસ બેરિકેડ્સ બનાવવામાં આવ્યા હતા. જોકે, પોલીસે ધરપકડ કરી હતી.

આંતરરાષ્ટ્રીય પ્રતિભાવ અને રાજકીય સ્થિરતા

યૂ સુક યેઓલની ધરપકડે આંતરરાષ્ટ્રીય સમુદાયનું ધ્યાન ખેંચ્યું છે. ઘણા દેશોએ આ ઘટનાને દક્ષિણ કોરિયાના લોકશાહીને મજબૂત બનાવવા તરીકે જોઈ છે. જોકે, રાષ્ટ્રપતિની ધરપકડથી દેશની રાજકીય સ્થિરતા પર પ્રશ્નો ઉભા થયા છે. આવનારા સમયમાં તેની અસરો પર નજર રાખવી મહત્વપૂર્ણ રહેશે.

ઐતિહાસિક મહત્વ

દક્ષિણ કોરિયાના ઇતિહાસમાં આ પહેલી વાર છે જ્યારે કોઈ વર્તમાન રાષ્ટ્રપતિની ધરપકડ કરવામાં આવી હોય. આ ઘટના દેશની ન્યાયિક વ્યવસ્થાની શક્તિ જ નહીં, પણ એ પણ દર્શાવે છે કે કાયદા સમક્ષ દરેક વ્યક્તિ સમાન છે, પછી ભલે તે કોઈપણ પદ પર હોય.