પાકિસ્તાનમાં પરમાણુ રેડિયેશન? ગંભીર દાવાઓ વચ્ચે બોરોન ભરેલું ઇજિપ્તનું વિમાન અને US નું ખાસ વિમાન પાકિસ્તાન પહોંચ્યું!
કિનરારા હિલ્સ-નૂર ખાન એરસ્પેસ નજીક પરમાણુ સ્થાપનોને નુકસાનના અહેવાલો વચ્ચે ઘટનાક્રમ; ઇજિપ્તના વિમાને રેડિયેશન નિયંત્રિત કરવા બોરોન છાંટ્યું હોવાનો દાવો.
Pakistan nuclear radiation alert: ભારત અને પાકિસ્તાન વચ્ચેના તાજેતરના તણાવ અને ભારતીય કાર્યવાહી બાદ પાકિસ્તાનમાં પરમાણુ કિરણોત્સર્ગ ફેલાઈ રહ્યો હોવાના કેટલાક અહેવાલો અને દાવાઓ વચ્ચે એક વિચિત્ર ઘટનાક્રમ સામે આવ્યો છે. બોરોન નામના રસાયણથી ભરેલું ઇજિપ્તનું એક કાર્ગો વિમાન કથિત રીતે પાકિસ્તાનની હવામાં ઉડાન ભરી ગયું હોવાના અને અમેરિકાનું એક વિશિષ્ટ વિમાન પણ ત્યાં પહોંચ્યાના દાવાઓએ વિશ્વભરની એજન્સીઓનું ધ્યાન ખેંચ્યું છે.
'ઓપરેશન સિંદૂર' અને ત્યારબાદના ઘટનાક્રમ દરમિયાન ભારતીય વાયુસેનાએ પાકિસ્તાનના કેટલાક એરબેઝ પર હુમલા કર્યા હોવાનું મનાય છે, જેમાં નૂર ખાન એરબેઝનો પણ સમાવેશ થાય છે, જેને પાકિસ્તાનના પરમાણુ શસ્ત્રોનો મોટો ભંડાર માનવામાં આવે છે. આ હુમલાઓ અને ત્યારબાદ અફઘાન સરહદ નજીક પાકિસ્તાનના ચાગાઈ ટેકરીઓમાં કથિત ભૂકંપના આંચકા અનુભવાયા બાદ (જેને ભારતીય બ્રહ્મોસ મિસાઇલના હુમલા સાથે જોડવામાં આવ્યો હતો), પાકિસ્તાનમાં પરમાણુ કિરણોત્સર્ગ ફેલાઈ રહ્યો હોવાના અહેવાલો વહેતા થયા હતા. જોકે, ભારત કે પાકિસ્તાન, બંનેમાંથી કોઈએ આવા સમાચારની સત્તાવાર પુષ્ટિ કરી નથી. આ અહેવાલો કિનરારા હિલ્સ અને નૂર ખાન એરસ્પેસ નજીક પાકિસ્તાનના પરમાણુ સ્થાપનોને પણ નુકસાન થયું હોવાના દાવાઓને મજબૂત બનાવતા હતા.
આવા અહેવાલો વચ્ચે, ઇજિપ્તનું એક કાર્ગો વિમાન પાકિસ્તાનની સરહદમાં પ્રવેશ્યું હોવાના સમાચાર સામે આવ્યા, જેણે વિશ્વભરની એજન્સીઓને સતર્ક કરી દીધી. એવો દાવો કરવામાં આવ્યો છે કે આ વિમાન બોરોન નામના રાસાયણિક તત્વથી ભરેલું હતું. બોરોનનો ઉપયોગ પરમાણુ પ્લાન્ટની સલામતી અને સમારકામમાં થાય છે, અને તે કિરણોત્સર્ગને દબાવવા માટે પણ ઉપયોગી છે. સમાચારમાં તો ત્યાં સુધી દાવો કરવામાં આવ્યો હતો કે ઇજિપ્તના વિમાને રેડિયેશનને નિયંત્રિત કરવા માટે પાકિસ્તાનમાં ઘણી જગ્યાએ બોરોન નામનું રસાયણ છાંટ્યું હતું.
અમેરિકન રેડિયેશન શોધક વિમાન પણ પાકિસ્તાન પહોંચ્યું
ઇજિપ્તના વિમાનના દાવાઓ વચ્ચે, એક વધુ મહત્વપૂર્ણ ઘટનાક્રમ સામે આવ્યો. પાકિસ્તાનમાં પરમાણુ કિરણોત્સર્ગના અહેવાલો વચ્ચે, એક અમેરિકન વિમાન પણ અહીં પ્રવેશ્યું. આ વિમાન યુએસ ડિપાર્ટમેન્ટ ઓફ એનર્જીનું ન્યુક્લિયર ઇમરજન્સી સપોર્ટ એરક્રાફ્ટ B૩૫૦ AMS (એરિયલ મેપ સર્વે) હતું. આ વિમાનનું મુખ્ય કાર્ય હવામાં રેડિયેશન શોધવાનું અને તેનું મેપિંગ કરવાનું છે.
એક તરફ બોરોન ભરેલું વિમાન (જેનો ઉપયોગ રેડિયેશન નિયંત્રણમાં થાય છે) અને બીજી તરફ રેડિયેશન શોધવા માટે ખાસ તૈયાર કરાયેલું અમેરિકન વિમાન પાકિસ્તાન પહોંચવાના સમાચારે, પાકિસ્તાનમાં પરમાણુ કિરણોત્સર્ગનો ખતરો ખરેખર છે તેવા દાવાઓને વધુ મજબૂતી આપી છે. જોકે આ ઘટનાઓ અને દાવાઓની સત્તાવાર અને સ્વતંત્ર પુષ્ટિ હજુ સુધી થઈ નથી, પરંતુ આ ઘટનાક્રમે આંતરરાષ્ટ્રીય સ્તરે ચિંતા અને કુતૂહલ જગાવ્યું છે.
Before You Go
Tapi news: વ્યારા સુગરના ખેડૂતોને દિવાળી ભેટ! 850થી વધુ ખેડૂતોને મળશે 8 કરોડ રૂપિયા
ટોપ સ્ટોરી
ટ્રેન્ડિંગ સમાચાર
