PM Modi Bhutan Visit: ભૂટાન પહોંચ્યા વડાપ્રધાન મોદી, સ્થાનિકોએ કર્યું ભવ્ય સ્વાગત

વડાપ્રધાન મોદીનું પારો ઈન્ટરનેશનલ એરપોર્ટ પર ઉષ્માભર્યું સ્વાગત કરવામાં આવ્યું હતું

ફોટોઃ ટ્વિટર

વડાપ્રધાન નરેન્દ્ર મોદી શુક્રવારે ભૂટાનની મુલાકાતે પહોંચ્યા હતા. વડાપ્રધાન મોદીનું પારો ઈન્ટરનેશનલ એરપોર્ટ પર ઉષ્માભર્યું સ્વાગત કરવામાં આવ્યું હતું. પીએમ મોદી 22 થી 23 માર્ચ સુધી પાડોશી દેશમાં રહેશે. મુલાકાત દરમિયાન વડાપ્રધાન મોદી ભૂટાનના રાજા જિગ્મે ખેસર નામગ્યાલ વાંગચુક અને ભૂટાનના પૂર્વ રાજા જિગ્મે સિંગે વાંગચુકને મળશે. ભૂટાનના વડાપ્રધાન શેરિંગ ટોબગે સાથે પણ વાતચીત કરશે.

#WATCH | Thimphu, Bhutan: Prime Minister Narendra Modi welcomed at a private hotel with a traditional Bhutanese dance performance. pic.twitter.com/adpUcI1VtJ

— ANI (@ANI) March 22, 2024

વડાપ્રધાન મોદીએ એક્સ પર એક પોસ્ટમાં જણાવ્યું હતું કે, "ભૂટાન જઇ રહ્યો છું, જ્યાં હું ભારત-ભૂટાનની ભાગીદારીને વધુ મજબૂત કરવાના હેતુથી વિવિધ કાર્યક્રમોમાં ભાગ લઈશ." તેમણે કહ્યું કે તેઓ ભૂટાનના રાજા અને વડાપ્રધાન સહિત અન્ય નેતાઓ સાથે વાતચીત કરવા આતુર છે. અગાઉ વડાપ્રધાન કાર્યાલય (PMO) એ એક નિવેદનમાં કહ્યું હતું કે આ મુલાકાત ભારત અને ભૂટાન વચ્ચે નિયમિત ઉચ્ચ સ્તરીય આદાનપ્રદાનની પરંપરા અને નેબર ફર્સ્ટ નીતિ પર ભાર આપવાના સરકારના પ્રયાસોને અનુરૂપ છે.

#WATCH | PM Modi shares adorable moment with children on his arrival in Bhutan's Thimphu pic.twitter.com/lm6IFtXwK3

— ANI (@ANI) March 22, 2024

વડાપ્રધાન નરેન્દ્ર મોદીના પારો ઈન્ટરનેશનલ એરપોર્ટ પર આગમન બાદ તેમને ગાર્ડ ઓફ ઓનર આપવામાં આવ્યું હતું. ભૂટાનના વડાપ્રધાને પણ વડાપ્રધાન મોદીને ગળે લગાવીને સ્વાગત કર્યું હતું. પીએમ મોદી તેમના ભૂટાન પ્રવાસ પર રાજધાની થિમ્પુ પહોંચ્યા હતા. PM મોદીના ભૂટાન આગમન પર ભૂટાનના વડાપ્રધાન શેરિંગ ટોબગેએ સોશિયલ મીડિયા પર એક પોસ્ટ શેર કરી, જેમાં તેમણે લખ્યું, 'ભૂટાનમાં આપનું સ્વાગત છે, મારા મોટા ભાઈ.'

#WATCH | Paro, Bhutan: Prime Minister Narendra Modi arrives at Paro International Airport. The PM was welcomed by Bhutan PM Tshering Tobgay pic.twitter.com/ypu3qpg4lF

— ANI (@ANI) March 22, 2024

થિમ્પુમાં પીએમ મોદીનું ઉષ્માભર્યું સ્વાગત કરવામાં આવ્યું. ભૂટાનના લોકોએ પીએમ મોદીનું સ્વાગત કર્યું હતું. એક બાળકે કહ્યું કે પીએમ મોદી આપણા દેશમાં આવ્યા છે, અમે તેનાથી ખૂબ જ ખુશ છીએ.

પીએમઓએ કહ્યું હતું કે ભારત અને ભૂટાનની પરસ્પર વિશ્વાસ, સમજણ અને સદ્ભાવના પર આધારિત અનોખી અને કાયમી ભાગીદારી છે. પીએમઓએ જણાવ્યું હતું કે, "અમારો સામાન્ય આધ્યાત્મિક વારસો અને લોકો વચ્ચેના ઉષ્માભર્યા સંબંધો અમારા અસાધારણ સંબંધોમાં નિકટતા અને ગતિશીલતા ઉમેરે છે. આ મુલાકાત બંને પક્ષોને પરસ્પર હિતની દ્વિપક્ષીય અને પ્રાદેશિક બાબતો પર મંતવ્યોનું આદાનપ્રદાન કરવાની અને બંને દેશોના લોકોના લાભ માટે તેમની પરસ્પર અનુકરણીય ભાગીદારીને વિસ્તારવા અને મજબૂત કરવાના માર્ગો અને માધ્યમો પર ચર્ચા કરવાની તક પૂરી પાડશે.