War: હમાસ પર પરમાણું બૉમ્બ ફોડશે ઇઝરાયેલ ? સાંસદે કહ્યું- આ કયામતનો દિવસ, ગાઝાને કચડીને સપાટ કરી દો...
છેલ્લા ચાર દિવસથી ચાલી રહેલા હમાસ અને ઇઝરાયેલ યુદ્ધમાં હવે એક મોટું સ્ટેટમેન્ટ સામે આવ્યુ છે. ઇઝરાયેલી સાંસદે પરમાણું હુમલો કરવાની સલાહ આપી દીધી છે.
Tally Gotliv On Israel Hamas War: છેલ્લા ચાર દિવસથી ચાલી રહેલા હમાસ અને ઇઝરાયેલ યુદ્ધમાં હવે એક મોટું સ્ટેટમેન્ટ સામે આવ્યુ છે. ઇઝરાયેલી સાંસદે પરમાણું હુમલો કરવાની સલાહ આપી દીધી છે. આ પછી મામલો વધુ ગરમાયો છે. ખરેખરમાં, ઇઝરાયેલમાં સત્તાધારી પક્ષના એક સાંસદે ગાઝા પર પરમાણુ ફોડવાની સલાહ આપી છે. વડાપ્રધાન બેન્જામિન નેતન્યાહૂની લિકુડ પાર્ટીના ધારાસભ્ય તાલી ગોટલીબે તેમના અધિકારી તરફથી હિબ્રુમાં એક પૉસ્ટમાં જણાવ્યું હતું. જેરીકો મિસાઇલ! વ્યૂહાત્મક ચેતવણી. દળો તૈનાત કરતા પહેલા. કયામતનું શસ્ત્ર! આ મારો અભિપ્રાય છે. ભગવાન આપણી શક્તિ જાળવી રાખે.
પ્રલયનો દિવસ ચૂમવાનો સમય છે- ઇઝરાયેલી સાંસદ
અન્ય એક પૉસ્ટમાં મહિલા સાંસદે લખ્યું, "માત્ર મધ્ય પૂર્વને હચમચાવી દે તેવો વિસ્ફૉટ આ દેશની ગરિમા, તાકાત અને સુરક્ષાને પુનઃસ્થાપિત કરશે!" કયામતના દિવસને ચૂંબન કરવાનો સમય છે. કોઈપણ મર્યાદા વિના શક્તિશાળી મિસાઈલોને ફાયર કરવાનો આ સમય છે. કોઈ પડોશને સમતળ કરવાનો નથી, પરંતુ ગાઝાને કચડીને સપાટ કરવાનો છે. અન્યથા અમે કંઈ કર્યું નથી. પાસવર્ડથી નહીં, પણ ભેદી બૉમ્બથી. દયા વિના!''
ઇઝરાયેલે કર્યા 1500 હમાસ ચરમપંથીઓના મૃતદેહોને કબજે
ઉલ્લેખનીય છે કે, શનિવાર (7 ઓક્ટોબર) સવારે ઇઝરાયેલના દક્ષિણ ભાગમાં હમાસ દ્વારા કરવામાં આવેલા હુમલા પછી ઇઝરાયેલી સેનાએ ચાર્જ સંભાળ્યો અને ગાઝામાં તેના દુશ્મનના સ્થાનો પર ફાઇટર જેટથી બૉમ્બમારો શરૂ કર્યો. રિપોર્ટ્સમાં કહેવામાં આવી રહ્યું છે કે, ઈઝરાયેલે પેલેસ્ટાઈન સાથેના સંઘર્ષના 75 વર્ષના ઈતિહાસમાં હવે સૌથી ગંભીર હવાઈ હુમલો કર્યો છે. આ દરમિયાન ઈઝરાયેલ પર ગાઝામાં 20 લાખથી વધુ લોકોને સામૂહિક સજા આપવાનો આરોપ લગાવવામાં આવી રહ્યો છે.
ન્યૂઝ એજન્સી એએફપીના જણાવ્યા અનુસાર, ઈઝરાયલે ગાઝા નજીકની લડાઈમાં 1,500 હમાસ ઉગ્રવાદીઓના મૃતદેહ મેળવવાનો દાવો કર્યો છે. સમાચાર એજન્સી પીટીઆઈ અનુસાર, હમાસ અને ઈઝરાયેલ વચ્ચેના યુદ્ધમાં બંને પક્ષોના ઓછામાં ઓછા 1600 લોકોએ જીવ ગુમાવ્યા છે અને ચાર હજારથી વધુ લોકો ઘાયલ થયા છે.
ગાઝા પટ્ટીથી 300 કિલોમીટર દૂર લેબનોનમાં ઘડવામાં આવ્યું હતું ઇઝરાયલ પર હુમલાનું કાવતરુ
ઇઝરાયેલ અને હમાસ વચ્ચેના યુદ્ધે ફરી એકવાર સમગ્ર વિશ્વને તણાવપૂર્ણ સ્થિતિમાં મુકી દીધું છે. આ યુદ્ધમાં મૃત્યુઆંક 1000ને પાર કરી ગયો છે, જેમાં ઇઝરાયેલના સૈનિકોની સંખ્યા 115 હોવાનું કહેવાય છે. પરંતુ શું ઈઝરાયેલ પર હુમલો કરવાની આ વ્યૂહરચના લેબનોનમાં તૈયાર થઈ હતી?
ઇઝરાયેલનો દાવો છે કે હમાસ હુમલાનું આ કાવતરું લેબનોનના બેરૂતમાં ઘડવામાં આવ્યું હતું. એટલું જ નહીં, ઇઝરાયેલ પર હુમલા માટેના હથિયારો અને તમામ સાધનસામગ્રી લેબનોનથી સપ્લાય કરવામાં આવી હતી. બાદમાં હમાસના હુમલાખોરોએ ઈઝરાયેલ પર રોકેટ છોડ્યા હતા. આતંકવાદી સંગઠન હિઝબુલ્લાહ તરફથી ઈઝરાયેલ પર રોકેટ છોડવામાં આવી રહ્યા છે. ઈઝરાયેલ પણ જવાબી કાર્યવાહીમાં હિઝબુલ્લાહના ઠેકાણાઓ પર હુમલા કરી રહ્યું છે. ગાઝા પટ્ટી અને પશ્ચિમ કાંઠે સ્થિતિ ખૂબ જ તંગ છે. આતંકવાદી સંગઠન હિઝબુલ્લાહ તરફથી ઈઝરાયેલ પર રોકેટ છોડવામાં આવી રહ્યા છે. ઈઝરાયેલ પણ જવાબી કાર્યવાહીમાં હિઝબુલ્લાહના ઠેકાણાઓ પર હુમલા કરી રહ્યું છે. ગાઝા પટ્ટી અને પશ્ચિમ કાંઠે સ્થિતિ ખૂબ જ તંગ છે.
હિઝબુલ્લાહ ખુલ્લેઆમ હમાસના સમર્થનમાં આગળ આવ્યું છે અને ઇઝરાયેલ પર હુમલા કરી રહ્યું છે. લેબનોનમાં હિઝબુલ્લાહને ઈરાન સરકારનું સંપૂર્ણ સમર્થન છે. 50,000 હિઝબુલ્લાહ હુમલાખોરો એક્ટિવ હોવાનું માનવામાં આવે છે અને તેઓ તેઓ ઇઝરાયેલ સામે મોરચો ખોલી રહ્યા છે.
ઈઝરાયલના વડાપ્રધાન નેતન્યાહુએ સ્પષ્ટ કહ્યું હતુ કે અમે યુદ્ધના મેદાનમાં ઉતર્યા છીએ. આ કોઈ ઓપરેશન નથી. હમાસે ઈઝરાયેલ અને તેના નાગરિકો પર ઘાતક હુમલો કર્યો છે. મેં પહેલા ઘૂસણખોરી કરનારા આતંકવાદીઓનો સફાયો કરવાનો આદેશ આપ્યો છે. આ સિવાય મોટા પાયે હથિયારો એકત્ર કરવા માટે કહેવામાં આવ્યું છે. દુશ્મનને એવી કિંમત ચૂકવવી પડશે કે તેણે ક્યારેય વિચાર્યું પણ નહીં હોય.
ટ્રેન્ડિંગ સમાચાર
ટોપ સ્ટોરી
