મુંબઇ આતંકી હુમલાના માસ્ટર માઇન્ડ તહવ્વુર રાણાને ભારતને સોંપશે અમેરિકા, ટ્રમ્પની જાહેરાત

રાષ્ટ્રપતિ ડોનાલ્ડ ટ્રમ્પે 2008ના મુંબઈ આતંકવાદી હુમલાના આરોપી તહવ્વુર રાણાના પ્રત્યાર્પણ અંગે મોટી જાહેરાત કરી છે

વડાપ્રધાન મોદી અને રાષ્ટ્રપતિ ડોનાલ્ડ ટ્રમ્પ

Source : twitter

Tahawwur Rana Extradition: વડાપ્રધાન નરેન્દ્ર મોદી બે દિવસની અમેરિકાની મુલાકાતે છે. આ દરમિયાન, તેઓ 14 ફેબ્રુઆરી (ભારતીય સમય મુજબ શુક્રવાર સવારે) ના રોજ અમેરિકાના રાષ્ટ્રપતિ ડોનાલ્ડ ટ્રમ્પને મળ્યા હતા. આ બેઠક બાદ રાષ્ટ્રપતિ ડોનાલ્ડ ટ્રમ્પે 2008ના મુંબઈ આતંકવાદી હુમલાના આરોપી તહવ્વુર રાણાના પ્રત્યાર્પણ અંગે મોટી જાહેરાત કરી છે.

Trump approves 26/11 Mumbai terror attack accused Tahawwur Rana's extradition to India

Read @ANI Story |https://t.co/yplZ8oRU45#DonaldTrump #TahawwurRana #extradition #USA pic.twitter.com/2StcdAFgVk

— ANI Digital (@ani_digital) February 13, 2025

તેમણે કહ્યું હતું કે, મને એ જાહેરાત કરતા આનંદ થાય છે કે મારા વહીવટીતંત્રે 2008ના મુંબઈ આતંકવાદી હુમલાના કાવતરાખોરોમાંથી એક તહવ્વુર રાણાના ભારતમાં ન્યાયનો સામનો કરવા માટે પ્રત્યાર્પણને મંજૂરી આપી છે. તે ન્યાયનો સામનો કરવા માટે ભારત પાછો જઈ રહ્યો છે.

કોર્ટે પણ મંજૂરી આપી હતી

અમેરિકાની સુપ્રીમ કોર્ટે અગાઉ 25 જાન્યુઆરી, 2024ના રોજ મુંબઈ હુમલાના કાવતરાખોર તહવ્વુર રાણાના ભારતમાં પ્રત્યાર્પણને મંજૂરી આપી હતી. આ કેસમાં તેમની સજા સામેની તેમની સમીક્ષા અરજી કોર્ટે ફગાવી દીધી હતી. ઉલ્લેખનીય છે કે તહવ્વુર રાણાની 2009માં FBI દ્વારા ધરપકડ કરવામાં આવી હતી. પાકિસ્તાની મૂળના કેનેડિયન નાગરિક રાણા 2008ના મુંબઈ આતંકવાદી હુમલા કેસમાં વોન્ટેડ છે.

મુંબઈ હુમલાની ચાર્જશીટ મુજબ, રાણા મુખ્ય આરોપી, હુમલાના માસ્ટરમાઇન્ડ ડેવિડ કોલમેન હેડલીને મદદ કરી રહ્યો હતો. તે ISI અને લશ્કર-એ-તૌયબાનો સભ્ય છે. તહવ્વુર રાણા હાલમાં લોસ એન્જલસ જેલમાં બંધ છે.

પીએમ મોદી અમેરિકાના રાષ્ટ્રીય સુરક્ષા સલાહકારને મળ્યા

પ્રધાનમંત્રી મોદી અને યુએસ રાષ્ટ્રીય સુરક્ષા સલાહકાર (NSA) માઈકલ વોલ્ટ્ઝને પણ મળ્યા હતા.  આ મુલાકાત પછી પીએમ મોદીએ સોશિયલ મીડિયા પર લખ્યું હતું, "એનએસએ માઈકલ વોલ્ટ્ઝ સાથે સાર્થક મુલાકાત થઈ. તેઓ હંમેશા ભારતના સારા મિત્ર રહ્યા છે." તેમણે કહ્યું હતું કે "સંરક્ષણ, ટેકનોલોજી અને સુરક્ષા ભારત-અમેરિકા સંબંધોના મહત્વપૂર્ણ પાસાં છે અને અમે આ મુદ્દાઓ પર અદભૂત ચર્ચા કરી હતી. AI, સેમિકન્ડક્ટર, અવકાશ અને અન્ય ક્ષેત્રોમાં સહયોગની મજબૂત શક્યતા છે."