પરમાણુ યુદ્ધની તૈયારી? ઈઝરાયલ-ઈરાન સંઘર્ષ વચ્ચે અમેરિકાએ ખાસ પ્લેન કર્યું એક્ટિવ, પરમાણુ હુમલો થાય તો પણ....
અણુ યુદ્ધ માટે રચાયેલું US એરફોર્સનું E-4B વોશિંગ્ટન નજીક લેન્ડ થયું; મધ્ય પૂર્વમાં યુદ્ધના ભણકારા વચ્ચે વૈશ્વિક કટોકટીનો સંકેત, ઈરાન-ઈઝરાયલ સંઘર્ષ ઉગ્ર બન્યો.
E-4B Nightwatch: ઈઝરાયલ અને ઈરાન વચ્ચેનો તણાવ સતત વધી રહ્યો છે, અને આ ગંભીર પરિસ્થિતિ વચ્ચે અમેરિકાનું 'ડૂમ્સડે પ્લેન' તરીકે ઓળખાતું E-4B નાઈટવોચ ફરીથી સક્રિય થયું છે. યુએસ રાષ્ટ્રપતિનું આ વિમાન, જે પરમાણુ વિસ્ફોટોનો સામનો કરવા અને વૈશ્વિક કટોકટી દરમિયાન મોબાઇલ કમાન્ડ સેન્ટર તરીકે સેવા આપવા માટે રચાયેલ છે, તે બુધવારે (18 જૂન 2025) ના રોજ લુઈસિયાનાથી વર્જિનિયા થઈને ઉડાન ભરી અને વોશિંગ્ટન ડીસી નજીક જોઈન્ટ બેઝ એન્ડ્રુઝ પર ઉતરાણ કર્યું હતું. તેની આ અસામાન્ય પ્રવૃત્તિએ સમગ્ર વિશ્વમાં ચર્ચાઓ જગાવી છે, કારણ કે E-4B છેલ્લે 9/11 ના આતંકવાદી હુમલા દરમિયાન આટલી હાઈપ્રોફાઈલ રીતે સક્રિય થયું હતું.
'ડૂમ્સડે પ્લેન' E-4B: પરમાણુ યુદ્ધ સામેનો કિલ્લો
E-4B નાઈટવોચ, જેને 'નેશનલ એરબોર્ન ઑપરેશન્સ સેન્ટર' તરીકે પણ ઓળખવામાં આવે છે, તે અમેરિકાના સૈન્ય માટે એક અભેદ્ય કમાન્ડ સેન્ટર છે. તેમાં અનેક અદ્યતન સુવિધાઓ છે:
પરમાણુ અને ઇલેક્ટ્રોમેગ્નેટિક હુમલાથી સુરક્ષા: આ વિમાન પરમાણુ વિસ્ફોટો અને ઇલેક્ટ્રોમેગ્નેટિક પલ્સ (EMP) હુમલાને રોકવા માટે વિશેષ ટેકનોલોજીથી સજ્જ છે.
હવામાં ઇંધણ ભરવાની ક્ષમતા: તે હવામાં જ ઇંધણ ભરી શકે છે, જેનાથી તે 24*7 કલાક સુધી ઉડાન ભરી શકે છે અને લાંબા સમય સુધી કાર્યરત રહી શકે છે.
ગુપ્ત લશ્કરી સંચાર પ્રણાલી: તેમાં એક અત્યંત સુરક્ષિત અને ગુપ્ત લશ્કરી સંચાર પ્રણાલી ફીડ કરવામાં આવી છે, જે વૈશ્વિક કટોકટીમાં પણ નિર્બાધ સંચાર સુનિશ્ચિત કરે છે.
સામાન્ય રીતે, E-4B તેનો રૂટ બતાવ્યા વિના ઉડે છે, પરંતુ આ વખતે તેની પ્રવૃત્તિ સ્પષ્ટપણે જોવા મળી હતી. તેનું રાત્રે ઉતરવું અને ખાસ કરીને ઈરાન-ઈઝરાયલ યુદ્ધ વચ્ચે ચર્ચામાં આવવું એ અમેરિકાની ઉચ્ચતમ સ્તરની લશ્કરી તકેદારી દર્શાવે છે.
One of America's 'Doomsday Planes' an E-4B Nightwatch which was designed to protect the Secretary of Defense and other national security officials and keep the government operating in times of nuclear war- was spotted by flight trackers leaving Bossier City, Louisiana, and taking… pic.twitter.com/Pr1aUnmzdx
— Robbie Mouton (@mcgmouton57) June 18, 2025
9/11 પછીની સૌથી ગંભીર તૈયારી?
9/11 ના આતંકવાદી હુમલા દરમિયાન E-4B છેલ્લે આટલી હાઈપ્રોફાઈલ રીતે સક્રિય થયું હતું. તે સમયે તેણે વ્હાઇટ હાઉસ, પેન્ટાગોન અને NORAD (નોર્થ અમેરિકન એરોસ્પેસ ડિફેન્સ કમાન્ડ) વચ્ચે સુરક્ષિત સંચાર સેતુ તરીકે કામ કર્યું હતું. હવે તેને ફરીથી સક્રિય જોઈને સ્પષ્ટ સંકેત મળે છે કે અમેરિકા વર્તમાન વૈશ્વિક કટોકટી (ઈરાન-ઈઝરાયલ યુદ્ધ) ને ખૂબ જ ગંભીરતાથી લઈ રહ્યું છે.
ઈરાન અને ઈઝરાયલ વચ્ચે વધતા સંઘર્ષે મધ્ય પૂર્વમાં અત્યંત તણાવપૂર્ણ પરિસ્થિતિ ઊભી કરી છે. ઇઝરાયલે સૌપ્રથમ ઇરાનના પરમાણુ ઠેકાણા અને લશ્કરી સ્થળો પર હુમલો કરીને ગભરાટ ફેલાવ્યો હતો, જેના વળતા પ્રહાર રૂપે ઇરાને પણ મિસાઇલ હુમલા કર્યા હતા. આ કારણે, વિશ્વના ઘણા દેશો ચિંતિત છે અને ખતરનાક યુદ્ધ તરફ આગળ વધી રહેલા સંઘર્ષને વહેલી તકે રોકવાની અપીલ કરી રહ્યા છે. E-4B ની સક્રિયતા દર્શાવે છે કે વૈશ્વિક શક્તિઓ આ સંઘર્ષના સંભવિત વિસ્તરણ અંગે ગંભીરતાથી વિચારી રહી છે.
ટોપ સ્ટોરી
ટ્રેન્ડિંગ સમાચાર
