ભારતે IMFમાં પાકિસ્તાનની લોન પર કેમ ના આપ્યો મત? જાણો ઇનસાઇડ સ્ટોરી
IMF એક્ઝિક્યુટિવ બોર્ડમાં સભ્ય દેશો અથવા દેશોના જૂથોનું પ્રતિનિધિત્વ કરતા 25 ડિરેક્ટરોનો સમાવેશ થાય છે.
ભારતે શુક્રવારે યોજાયેલી IMF એક્ઝિક્યુટિવ બોર્ડની બેઠકમાં પાકિસ્તાનને વધુ નાણાકીય સહાયનો સખત વિરોધ કર્યો અને ઇસ્લામાબાદના ભૂતકાળના રેકોર્ડ પર ગંભીર ચિંતા વ્યક્ત કરી હતી. તેમણે એમ પણ કહ્યું કે બેલઆઉટને કારણે રોકડની અછતનો સામનો કરી રહેલો દેશ સરહદ પારના આતંકવાદને પ્રાયોજિત કરવામાં સક્ષમ છે. ભારત બેઠકમાં ફ્લેક્સિબિલિટી એન્ડ સ્ટેબિલિટી ફેસિલિટી (RSF) લોન પ્રોગ્રામ હેઠળ પાકિસ્તાનને 1.3 બિલિયનની નવી લોન આપવાના પ્રસ્તાવ પર મતદાન કરવાથી દૂર રહ્યું હતું.
IMF એક્ઝિક્યુટિવ બોર્ડમાં સભ્ય દેશો અથવા દેશોના જૂથોનું પ્રતિનિધિત્વ કરતા 25 ડિરેક્ટરોનો સમાવેશ થાય છે. તે લોન મંજૂરી સહિત દૈનિક કામગીરીની બાબતો સંભાળે છે. સંયુક્ત રાષ્ટ્રથી વિપરીત જ્યાં દરેક દેશને એક મત હોય છે. IMF ની મતદાન શક્તિ દરેક સભ્યના આર્થિક કદને પ્રતિબિંબિત કરે છે. ઉદાહરણ તરીકે યુનાઇટેડ સ્ટેટ્સ જેવા દેશોમાં મતદાનનો હિસ્સો વધુ છે. આમ વસ્તુઓને સરળ બનાવવા માટે IMF સામાન્ય રીતે સર્વસંમતિથી નિર્ણયો લે છે.
આ સિસ્ટમ ઔપચારિક નથી. જ્યાં મતદાન જરૂરી હોય ત્યાં સિસ્ટમ ઔપચારિક "નો" મતની મંજૂરી આપતી નથી. ડિરેક્ટરો અથવા તો તરફેણમાં મતદાન કરી શકે છે અથવા ગેરહાજર રહી શકે છે. લોન કે દરખાસ્ત વિરુદ્ધ મતદાન કરવાની કોઈ જોગવાઈ નથી.
પાકિસ્તાનને લોન મંજૂર કરવા માટે તાજેતરમાં IMF મતદાનમાં ભારત ગેરહાજર રહ્યું આ વિરોધના અભાવે નહીં, પરંતુ IMF નિયમો હેઠળ ઔપચારિક "નો" મતદાનની મંજૂરી ન હોવાને કારણે ભારત ગેરહાજર રહ્યું હતું.ભારતે મતદાનથી દૂર રહીને IMF મતદાન પ્રણાલીની મર્યાદામાં પોતાનો મજબૂત અસંમતિ વ્યક્ત કરી અને આ તકનો ઉપયોગ ઔપચારિક રીતે પોતાના વાંધા નોંધાવવા માટે કર્યો હતો.
ભારતે વર્તમાન IMF સહાયની અસરકારકતા પર પ્રશ્ન ઉઠાવતા કહ્યું કે પાકિસ્તાનને છેલ્લા 35 વર્ષોમાંથી 28 વર્ષોથી સહાય મળી છે જેમાંથી છેલ્લા પાંચ વર્ષમાં ફક્ત ચાર કાર્યક્રમો જ કોઈ અર્થપૂર્ણ અથવા કાયમી સુધારામાં પરિણમ્યા છે. ભારતે આર્થિક બાબતોમાં પાકિસ્તાની સૈન્યના સતત વર્ચસ્વ પર ભાર મૂક્યો જે પારદર્શિતા, નાગરિક દેખરેખ અને સ્થાયી સુધારાને નબળી પાડે છે. ભારતે એવા દેશને ભંડોળ પૂરું પાડવાનો સખત વિરોધ કર્યો જે સરહદ પારના આતંકવાદને પ્રાયોજિત કરવાનું ચાલુ રાખે છે. તેણે ચેતવણી આપી હતી કે આવા સમર્થનથી વૈશ્વિક સંસ્થાઓની પ્રતિષ્ઠા જોખમાય છે અને આંતરરાષ્ટ્રીય ધોરણોનું ઉલ્લંઘન થાય છે.
Before You Go
Gujarat Rain Forecast: ગરબા ખેલૈયાઓને નિરાશ કરતા સમાચાર, વરસાદને લઈ હવામાન વિભાગની મોટી આગાહી
ટોપ સ્ટોરી
ટ્રેન્ડિંગ સમાચાર
