સાળંગપુરમાં કષ્ટભંજનદેવને ભીમ અગિયારસ પર કરાયો અદભૂત શણગાર, જુઓ તસવીરો

કષ્ટભંજન દેવ હનુમાનજી દાદાને દિવ્ય વાઘાનો શણગાર કર કરવામાં આવ્યો

સ્વામિનારાયણ મંદિર વડતાલધામ સંચાલિત વિશ્વવિખ્યાત સાળંગપુરધામમાં કષ્ટભંજનદેવ હનુમાનજી મંદિર ખાતે ભીમ અગિયારસ તથા શનિવારના પવિત્ર દિન નિમિતે તા. 11-06-2022ના રોજ સ્વામી હરિપ્રકાશદાસજી (અથાણાવાળા)ની પ્રેરણાથી તથા કોઠારી વિવેકસાગરદાસ સ્વામીના માર્ગદર્શનથી શ્રી કષ્ટભંજન દેવ હનુમાનજી દાદાને દિવ્ય વાઘાનો શણગાર કર કરવામાં આવ્યો હતો.

આજના દિવસે મોટી સંખ્યામાં ભક્તોએ દાદાના દર્શન કરીને ધન્યતા અનુભવી હતી.

સવારે 5.30 કલાકે મંગળા આરતી પૂજારી સ્વામી દ્વારા તથા દાદાના સિંહાસનને હજારીગલ,મોગરો વિવિધ ફૂલોથી ત્રિરંગાનો શણગાર કરી સવારે 7 કલાકે શણગાર આરતી કોઠારી વિવેકસાગરદાસ સ્વામી દ્વારા કરવામાં આવી હતી.

બોટાદ જિલ્લા પોલીસ વડા કરણરાજ વાઘેલા સાહેબ તેમજ પોલીસ દ્વારા દાદાને બપોરે 11.15 કલાકે છપ્પનભોગ અન્નકૂટ ધરાવવામાં આવ્યો હતો. જેનો હજારો ભક્તોએ દર્શનનો લાભ લીધો હતો.

વહેલી સવારથી જ સારંગપુરમાં ભક્તો ઉમટી પડ્યા હતા.

દાદાને અદભૂત શણગાર જોઈને ભક્તો ભાવ વિભોર થયા હતા.