Navratri Vrat Parana 2025: નવરાત્રિ વ્રત પારાયણના જાણો નિયમ, એક ભૂલથી 9 દિવસનું વ્રત જશે નિષ્ફળ

Navratri Vrat Parana 2025: નવરાત્રીના પારણા કરતી વખતે આ નિયમનું પાલન કરવાનું ભૂલશો નહિ

પ્રતીકાત્મક તસવીર

Navratri Vrat Parana 2025: નવરાત્રીના 9 દિવસના ઉપવાસ નવમી તિથિના રોજ સમાપ્ત થાય છે. જો તમે પૂર્ણ ભક્તિ સાથે ઉપવાસ કર્યા પછી પૂર્ણ પરિણામ મેળવવા માંગતા હોવ તો ઉપવાસ કરતી વખતે કેટલાક ખાસ નિયમોનું ધ્યાન રાખો.

ચૈત્ર નવરાત્રિનું વ્રત 6 એપ્રિલ 2025ના રોજ મહાનવમી તિથિના સમાપન પછી તોડવામાં આવશે. આ દિવસે નવમી તિથિ સાંજે 7.22 કલાકે સમાપ્ત થશે.

માન્યતા અનુસાર, કેટલાક લોકો નવરાત્રિનું વ્રત રાત્રે નહીં પરંતુ ઉદયતિથિ પર રાખે છે. આવી સ્થિતિમાં, તે લોકો 7 એપ્રિલ 2025ના રોજ દશમી તિથિના રોજ સવારે 6.04 વાગ્યે ઉપવાસ તોડી શકે છે.

નવરાત્રિના વ્રત તોડતા પહેલા કન્યા પૂજન અને હવન અવશ્ય કરવું જોઈએ. આ માત્ર શુભ જ નથી પરંતુ વ્રતનું સંપૂર્ણ પુણ્ય પ્રાપ્ત કરવા માટે પણ જરૂરી માનવામાં આવે છે.

નવમીના દિવસે દેવી માતાને હલવો, પુરી, ચણા ચઢાવો અને તે જ ભોજન કન્યાઓને પણ ખવડાવો. ધ્યાનમાં રાખો કે ભોજનમાં લસણ અને ડુંગળી ન હોવી જોઈએ, નહીં તો ઉપવાસનું પરિણામ નહીં મળે.

નવમીના દિવસે કન્યા ભોજ બાદ જ વ્રત તોડવું જોઈએ, આ માટે સવારે વહેલા ઉઠો, સ્નાન કરો અને સ્વચ્છ વસ્ત્રો પહેરીને રસોડામાં જાઓ. રસોડાને સારી રીતે સાફ કરો. રસોઇ કરો, થાળ માતાને ધરાવો અને કન્યાની પૂજન કરીને ભોજ પીરશો

બપોર સુધી કન્યાને ભોજન પીરસ્યા પછી હવન કરો અને રાત્રે નવમી તિથિની સમાપ્તિ પછી ભોજન કરો. આ દિવસે ભૂલથી પણ કોઈને વાસી ખોરાક કે અનાજ ન આપો, તમારા દ્વારે આવનાર પશુ-પંખી કે જરૂરિયાતમંદ લોકોને પણ તાજો તૈયાર ખોરાક ખવડાવો. એવું કહેવાય છે કે દેવી માતા તમારા ઘરે કોઈપણ સ્વરૂપમાં આવી શકે છે. કોઈના પ્રત્યે દ્વેષ રાખશો નહીં.