Alert: નોન સ્મોકર્સમાં વધી રહ્યો છે Lung Cancer નો ખતરો, જાણો આ જીવલેણ બીમારી માટે કયા કારણ છે જવાબદાર

Lung Cancer Factors: જો તમે બીડી, સિગરેટ નથી પીતા તો પણ તમે જીવલેણ ફેફસાના કેન્સરની ઝપેટમાં આવી શકો છે. નોન સ્મોકર્સમાં લંગ કેન્સરના કયા કારણ છે, આવો જાણીએ.

ફેફસાનું કેન્સર અમેરિકા અને એશિયાઈ દેશોમાં ત્રીજા સૌથી મોટા કેન્સર તરીકે ફેલાઈ રહ્યું છે.

અમેરિકન કેન્સર સોસાયટીએ એક રિપોર્ટમાં જણાવ્યું છે કે પુરુષોમાં પ્રોસ્ટેટ કેન્સર અને સ્ત્રીઓમાં સ્તન કેન્સર પછી ફેફસાના કેન્સરના દર્દીઓ સૌથી ઝડપથી વધી રહ્યા છે.

સામાન્ય રીતે એવું કહેવાય છે કે ફેફસાંનું કેન્સર ધૂમ્રપાનને કારણે થાય છે. પરંતુ તાજેતરમાં અમેરિકન કેન્સર સોસાયટીએ જણાવ્યું હતું કે જે લોકો ધૂમ્રપાન નથી કરતા તેઓ પણ ફેફસાના કેન્સરનો શિકાર બની રહ્યા છે. આવી સ્થિતિમાં સવાલ એ ઊભો થાય છે કે ધૂમ્રપાન સિવાય એવા કયા કારણો છે જેના કારણે લોકોમાં ફેફસાનું કેન્સર ઝડપથી ફેલાઈ રહ્યું છે.

અભ્યાસમાં કહેવામાં આવ્યું છે કે ભારત, અમેરિકા અને એશિયાના ઘણા દેશોમાં ફેફસાના કેન્સરના આવા દર્દીઓ આગળ આવી રહ્યા છે જેઓ ધૂમ્રપાન કરતા નથી. ધૂમ્રપાન ન કરનારા ફેફસાના કેન્સરના દર્દીઓની આ નવી થિયરી આશ્ચર્યજનક છે. પરંતુ છેલ્લા કેટલાક વર્ષોમાં ધૂમ્રપાન સિવાયના અન્ય કારણોનો અભ્યાસ કર્યા બાદ જાણવા મળ્યું છે કે બીડી સિગારેટ ન પીવા છતાં લોકો ફેફસાના કેન્સરનો શિકાર બની રહ્યા છે.

અમેરિકન કેન્સર સોસાયટીનું કહેવું છે કે ફેફસાના કેન્સરથી થતા કુલ મૃત્યુમાંથી લગભગ 80 ટકા મૃત્યુ ધૂમ્રપાન કરનારાઓ દ્વારા થાય છે. આ સિવાય 20 ટકા એવા છે જેઓ ધૂમ્રપાન કરતા નથી. આનો અર્થ એ છે કે ફેફસાંનું કેન્સર આનુવંશિક અને અન્ય એક્સપોઝર પરિબળોને કારણે પણ થાય છે.

આ કારણોમાં સેકન્ડ હેન્ડ સ્મોકિંગ (નિષ્ક્રિય ધૂમ્રપાન), વાયુ પ્રદૂષણ, ખાણો (પથ્થર અને કોલસાની ખાણો) અને કારખાનાઓમાં કામ કરવું, ડીઝલ, એસ્બેસ્ટોસ (ખડકો અને માટીમાં જોવા મળતું ખનિજ જે તંતુમય હોય છે અને શ્વાસ સાથે શરીરની અંદર જાય છે)નો સમાવેશ થાય છે. ઉપરાંક રેડોન ગેસના સંપર્કમાં સામેલ છે.

રેડોન ગેસની વાત કરીએ તો, આ ગેસના સંપર્કમાં આવતા ધૂમ્રપાન ન કરનારાઓ પણ ફેફસાના કેન્સરનો શિકાર બની શકે છે. નિષ્ણાતો કહે છે કે રેડોન ગેસનો કોઈ રંગ અને ગંધ નથી અને તે જોઈ પણ શકાતો નથી.

આ ગેસ સામાન્ય રીતે ખડકો, પથ્થરો, રેતી, માટી, સળગતા કોલસા અને અશ્મિભૂત ઇંધણમાંથી આવે છે અને તેને ફેફસાના કેન્સરનું કારણ માનવામાં આવે છે.