જેના ઘરમાં અગાઉથી AC છે શું તેઓ પણ 20થી ઓછું નહી કરી શકશે ટેમ્પરેચર, આ રહ્યો જવાબ

AC Temperature Rules: AC નું તાપમાન 20 થી નીચે નહીં જાય. પરંતુ શું આ નવો નિયમ એવા લોકો પર લાગુ પડશે જેમના ઘરમાં પહેલાથી જ AC લાગેલા છે? જવાબ જાણો.

પ્રતિકાત્મક તસવીર

AC Temperature Rules: AC નું તાપમાન 20 થી નીચે નહીં જાય. પરંતુ શું આ નવો નિયમ એવા લોકો પર લાગુ પડશે જેમના ઘરમાં પહેલાથી જ AC લાગેલા છે? જવાબ જાણો.

આજકાલ ભારતમાં ભારે ગરમી પડી રહી છે. તાપમાન દિવસેને દિવસે વધી રહ્યું છે. વધતી ગરમીને કારણે લોકો માટે ઘરમાં રહેવું મુશ્કેલ બન્યું છે. આ કાળઝાળ ગરમીથી બચવા માટે લોકોએ AC નો સહારો લેવો પડે છે.

લગભગ દરેક વ્યક્તિ પોતાના ઘરમાં AC નો ઉપયોગ કરી રહ્યા છે. AC વગર એક ક્ષણ પણ મુશ્કેલ છે. દેશના કેટલાક વિસ્તારોમાં ગરમી એટલી બધી છે કે લોકો 18 ડિગ્રી સેલ્સિયસ તાપમાને AC ચલાવી રહ્યા છે.

પરંતુ હવે ભારતમાં કોઈ પણ 20 ડિગ્રી સેલ્સિયસથી નીચે તાપમાને AC ચલાવી શકશે નહીં. ભારત સરકાર દ્વારા હવે કોઈપણ વ્યક્તિના ઉપયોગ માટે એક પ્રમાણભૂત તાપમાન મર્યાદા નક્કી કરવામાં આવી રહી છે. જે બધા AC ને લાગુ પડશે.

આવી સ્થિતિમાં ઘણા લોકોના મનમાં આ પ્રશ્ન આવી રહ્યો છે. શું આ નવો નિયમ એવા લોકો પર લાગુ થશે જેમના ઘરમાં પહેલાથી જ એસી લાગેલા છે? હાલમાં સરકારે આ અંગે સ્પષ્ટ માહિતી આપી નથી. દેશના ઉર્જા મંત્રી મનોહર લાલ ખટ્ટરે કહ્યું હતું કે એર કન્ડીશનીંગ માટે નવા ધોરણો નક્કી કરવામાં આવશે અને તેમના માટે નવા નિયમો લાગુ કરવામાં આવશે. જે હેઠળ બધા એર કન્ડીશનરનો ઉપયોગ ફક્ત ઓછામાં ઓછા 20 ડિગ્રી અને મહત્તમ 28 ડિગ્રી સેલ્સિયસ સુધી જ થઈ શકશે.

હાલમાં ભારતમાં આ નિયમો લાગુ કરવામાં આવ્યા નથી. આ નિયમો ક્યારે લાગુ કરવામાં આવશે તે અંગે કોઈ માહિતી આપવામાં આવી નથી. એટલે કે, જો તમને હાલમાં જરૂર લાગે તો તમે તમારા એસીનું તાપમાન 18 ડિગ્રી સેલ્સિયસ પર સેટ કરી શકો છો. જો એસીના ઉપયોગ માટે નવા ધોરણો લાગુ કરવામાં આવે છે. તો આનાથી પર્યાવરણને થતા નુકસાનમાં ઘટાડો થશે. સાથે સાથે લોકોના ઘરોના વીજળી બિલમાં પણ ઘટાડો થશે. તેથી વીજળીની પણ મોટી બચત થશે.