Ahmedabad: સરદાર પટેલ સ્ટેડિયમમાં ડ્રાઈવ થ્રૂ વેક્સીન માટે લાગી બે કિમી લાંબી લાઈન, જુઓ તસવીરો

શહેરના સરદાર પટેલ સ્ટેડિયમ ખાતે વેકસીન લેવા ભારે ધસારો.

અમદાવાદના સરદાર પટેલ સ્ટેડિયમ ખાતે વેકસીન લેવા ભારે ધસારો જોવા મળ્યો છે. રવિવારની રજાના કારણે ડ્રાઈવ થ્રૂ વેકસીનેશન શરૂ થતાં પહેલાં બે કિલોમીટર લાંબી લાઈન લાગી છે

પ્રથમ દિવસે સરદાર પટેલ સ્ટેડિયમ ખાતે 1100 થી વધુ લોકોએ વેકસીન લીધી હતી. આજે નાગરિકો સવારમાં 6 વાગ્યાથી વેકસીન લેવા માટે લાઇનમાં ઉભા રહ્યા છે.

વેક્સિનેશન કાર્યક્રમ અંતર્ગત અત્યાર સુધીમાં કુલ 1,02,87,224 લોકોને વેક્સિનનો પ્રથમ ડોઝ આપવામાં આવ્યો છે અને 31,15,821 લોકોને કોરોનાની રસીનો બીજો ડોઝ આપવામાં આવ્યો છે. આમ કુલ- 1,34,03,045 લોકોને રસીકરણના ડોઝ આપવામાં આવ્યા છે.

શનિવારે 18થી 44 વર્ષ સુધીના 19,276 વ્યક્તિઓને પ્રથમ ડોઝનું રસીકરણ કરવામાં આવ્યું હતું.

રાજ્યમાં કોરોનાના કુલ કેસનો આંક ૬,૬૯,૯૨૮ જ્યારે કુલ મરણાંક ૮,૨૭૩ છે.