ઓનલાઈન ડિલિવરી બોક્સ પરનું આ નાનું નિશાન તમને છેતરપિંડીથી બચાવશે! મોંઘી વસ્તુઓ મળશે સુરક્ષિત, જાણો આખી પદ્ધતિ

હવે iPhone ને બદલે સાબુ કે ઈંટ નહીં મળે! ઓનલાઈન શોપિંગ કંપની અપનાવી રહી છે ખાસ સુરક્ષા ટેપ: પાર્સલ ખોલતા પહેલાં આટલું અવશ્ય કરો.

આજના વ્યસ્ત જીવનમાં ઓનલાઈન શોપિંગ આપણી દૈનિક જરૂરિયાત બની ગઈ છે. પરંતુ, તેની સાથે છેતરપિંડી અને પાર્સલ સાથે છેડછાડના કિસ્સાઓ પણ વધ્યા છે. મોંઘા મોબાઈલ કે ઇલેક્ટ્રોનિક્સ વસ્તુઓ મંગાવ્યા હોય અને બદલામાં સાબુ કે ઈંટ જેવી વસ્તુઓ નીકળે તેવો ડર હવે દૂર થશે.

એક અગ્રણી ઓનલાઈન શોપિંગ વેબસાઈટ તેના ઉત્પાદનોની સુરક્ષા માટે એક નવી અને ખાસ ટેકનોલોજીનો ઉપયોગ કરી રહી છે, જે તમને છેતરપિંડીથી બચાવી શકે છે.

આ નાનું નિશાન છે તમારી સુરક્ષા કવચ: આ ઓનલાઈન શોપિંગ વેબસાઈટ તેના ઉચ્ચ મૂલ્યના ઉત્પાદનોને પેક કરવા માટે એક ખાસ પ્રકારની સુરક્ષા ટેપનો ઉપયોગ કરી રહી છે. આ ટેપ પર નાના ગુલાબી અને લાલ ટપકાં (ડોટ્સ) હોય છે.

કેવી રીતે કામ કરે છે આ સુરક્ષા ટેપ? રંગ બદલતા ટપકાં: જો કોઈ પાર્સલ ખોલવાનો પ્રયાસ કરે છે, તો આ ટપકાં તરત જ રંગ બદલી નાખે છે. ગરમીથી પણ પકડાઈ જશે: જો કોઈ હીટ ગન અથવા ગરમીના અન્ય કોઈપણ માધ્યમનો ઉપયોગ કરીને પાર્સલ ખોલવાનો પ્રયાસ કરે છે, તો પણ રંગ બદલતા ટપકાં સ્પષ્ટપણે દેખાય છે અને તે સ્પષ્ટ થઈ જાય છે કે કોઈએ પાર્સલ સાથે છેડછાડ કરી છે.

આ ટેકનોલોજી એટલી સુરક્ષિત છે કે કોઈ ગમે તેટલી ચાલાકીથી પાર્સલ ખોલવાનો પ્રયાસ કરે, તે તેમાં સફળ થશે નહીં અને આ રંગ બદલતા ટપકાં છેડછાડનો પુરાવો બની શકે છે.

છેતરપિંડીથી બચવા માટે શું કરવું? જો તમને તમારા ઓનલાઈન ડિલિવરી બોક્સ પર આવા ગુલાબી કે લાલ ટપકાં દેખાય, તો પાર્સલ ખોલતા પહેલાં નીચેના પગલાં ભરવા અનિવાર્ય છે:

૧. વીડિયો બનાવો: પાર્સલ ખોલતા પહેલાં તેનો વિડિઓ અવશ્ય બનાવો. ૨. છેડછાડ જણાય તો ઇનકાર કરો: જો તમને ટેપ પરના ટપકાંનો રંગ બદલાયેલો દેખાય અથવા કોઈ પણ પ્રકારની છેડછાડ જણાય, તો પાર્સલ લેવાનો ઇનકાર કરો. ૩. ગ્રાહક સેવાનો સંપર્ક: તરત જ સંબંધિત ઓનલાઈન શોપિંગ કંપનીની ગ્રાહક સંભાળ સેવાનો સંપર્ક કરો અને ફરિયાદ નોંધાવો.

હવે પછી જ્યારે પણ કોઈ કિંમતી ઓર્ડર આવે, ત્યારે સૌથી પહેલાં આ સુરક્ષા ટેપ પરના ટપકાં તપાસવાનું ભૂલશો નહીં. આ નાનું નિશાન તમને મોટી છેતરપિંડીથી બચાવી શકે છે!