FD Rates: 2-3 વર્ષની એફડી પર આ ટોપ બેંક ઓફર કરી રહી છે શાનદાર વ્યાજ દર, ચેક કરો લિસ્ટ

રોકાણના ઘણા વિકલ્પો ઉપલબ્ધ હોવા છતાં, લોકો હજુ પણ FD સ્કીમમાં નાણાં રોકવાનું પસંદ કરે છે. અમે તમને 2 થી 3 વર્ષના સમયગાળા માટે ટોચની બેંકોની FD યોજનાઓ પરના વ્યાજ દરો વિશે જણાવી રહ્યા છીએ.

ફાઈલ તસવીર

આરબીઆઈ મોનેટરી પોલિસી કમિટીની ત્રણ દિવસીય બેઠક પૂરી થયા બાદ રિઝર્વ બેન્કે રેપો રેટમાં કોઈ ફેરફાર નહીં કરવાની જાહેરાત કરી હતી. આવી સ્થિતિમાં ગ્રાહકોને FD સ્કીમ પર વધુ વ્યાજ દરનો લાભ મળતો રહેશે. અમે તમને દેશની ટોચની બેંકો તરફથી 2 થી 3 વર્ષની FD પર ઉપલબ્ધ વ્યાજ દરો વિશે જણાવી રહ્યા છીએ.

દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા સામાન્ય ગ્રાહકોને 2 થી 3 વર્ષના સમયગાળા માટે 7 ટકા વ્યાજ દર ઓફર કરી રહી છે. આ દર રૂપિયા 2 કરોડથી ઓછી ડિપોઝિટ પર ઉપલબ્ધ છે. 400 દિવસની અમૃત કલશ યોજના હેઠળ સામાન્ય ગ્રાહકોને 7.10 ટકા વ્યાજ દરનો લાભ મળી રહ્યો છે.