Rain: જૂનાગઢના મેંદરડામાં ફાટ્યું આભ, 10 ઈંચ વરસાદ ખાબક્યો, સ્કૂલોમાં રજા જાહેર

જૂનાગઢના મેંદરડામાં આભ ફાટ્યું હતું. મેંદરડા તાલુકામાં 10 ઈંચ વરસાદ ખાબક્યો હતો. મેંદરડા તાલુકાની તમામ સ્કૂલોમાં રજા જાહેર કરાઈ હતી. 10 ઈંચ વરસાદથી મેંદરડામાં જળબંબાકારની સ્થિતિ પેદા થઈ ગઇ હતી.

જૂનાગઢના મેંદરડામાં આભ ફાટ્યું હતું

જૂનાગઢના મેંદરડામાં આભ ફાટ્યું હતું. મેંદરડા તાલુકામાં 10 ઈંચ વરસાદ ખાબક્યો હતો. મેંદરડા તાલુકાની તમામ સ્કૂલોમાં રજા જાહેર કરાઈ હતી. 10 ઈંચ વરસાદથી મેંદરડામાં જળબંબાકારની સ્થિતિ પેદા થઈ ગઇ હતી. મૂશળધાર વરસાદથી મેંદરડામાં નદી-નાળા છલકાયા હતા.

મેંદરડા તાલુકાના ગ્રામ્ય વિસ્તારો પાણી પાણી થઈ ગયા હતા. જૂનાગઢ બગડું ગામેથી પસાર થતી બંધુકિયા નદીમાં ઘોડાપૂર આવ્યું હતું. મેંદરડાના ચિરોડા, ચોરેશ્વરમાં મૂશળધાર વરસાદ વરસ્યો હતો.

કેશોદમાં 2 કલાકમાં ખાબક્યો ત્રણ ઈંચ વરસાદ તો વંથલીમાં 2 કલાકમાં 2.87 ઈંચ વરસાદ ખાબક્યો હતો. દાત્રાણા-બગડું જતો રસ્તો બંધ કરાયો હતો. 35થી 40 લોકોને સાવચેતીના ભાગરૂપે સલામત સ્થળે ખસેડાયા હતા. મીઠાપુર, દાત્રાણા ગામે પણ પાણી ભરાયા હતા.

ભારે વરસાદના કારણે જૂનાગઢ-મેંદરડા રોડ બંધ કરાયો હતો. વરસાદને પગલે ઓઝત નદીનું રૌદ્ર સ્વરૂપ જોવા મળી રહ્યું છે. ભાટીયા નજીક કોઝવે પર પાણી ફરી વળ્યા હતા. કોઝવે પર પાણી ફરી વળતા જૂનાગઢ-મેંદરડા રોડ બંધ કરાયો હતો. જેના કારણે ભાટીયા, નવાગામ, બોડકા સહિતના ગામોને અસર થઈ હતી.

ગીર સોમનાથના વેરાવળમાં ધોધમાર વરસાદ વરસ્યો હતો. ભારે વરસાદના કારણે સોમનાથ-વેરાવળ નેશનલ હાઈવે પર પાણી ફરી વળ્યા હતા. હાઈવે પર પાણી ફરી વળતા વાહન ચાલકોને હાલાકીનો સામનો કરવો પડી રહ્યો છે.