4 વરસાદી સિસ્ટમ એક સાથે ગુજરાતમાં મચાવશે તબાહી: અંબાલાલ પટેલ-પરેશ ગોસ્વામી અને હવામાન વિભાગે કરી મોટી આગાહી

Gujarat Weather Update: લાંબા વિરામ બાદ ગુજરાતમાં ચોમાસુ ફરીથી સક્રિય થયું છે અને આગામી દિવસોમાં રાજ્યના અનેક વિસ્તારોમાં મેઘ મહેર જોવા મળશે. હવામાન વિભાગે વિસ્તૃત આગાહી બહાર પાડી છે.

Gujarat Rain Alert: ગુજરાતમાં ચોમાસું ફરીથી સક્રિય થઈ ગયું છે અને એક સાથે 4 વરસાદી સિસ્ટમ સક્રિય થતા હવામાન વિભાગે રાજ્યમાં સાર્વત્રિક વરસાદની આગાહી કરી છે. આગામી 7 દિવસ સુધી રાજ્યના અનેક વિસ્તારોમાં વીજળીના કડાકા સાથે વરસાદ વરસશે. ખાસ કરીને 19 અને 20 ઓગસ્ટના રોજ દક્ષિણ ગુજરાત અને સૌરાષ્ટ્રના કેટલાક જિલ્લાઓમાં ભારેથી અતિભારે વરસાદની શક્યતા છે, જેના કારણે જળભરાવ અને પૂર જેવી સ્થિતિ સર્જાઈ શકે છે.

ભારતીય હવામાન વિભાગ (IMD) અનુસાર, ગુજરાતમાં વરસાદ માટે કુલ 4 સિસ્ટમ સક્રિય થઈ છે, જેમાં બંગાળની ખાડીમાં બનેલું લો પ્રેશર અને મોનસૂન ટ્રફનો સમાવેશ થાય છે. આના પરિણામે, 19 ઓગસ્ટે જૂનાગઢ, ગીર સોમનાથ, અમરેલી, નવસારી, અને વલસાડમાં અતિભારે વરસાદની આગાહી છે. 20 ઓગસ્ટે પણ અમરેલી, ભાવનગર, નવસારી, અને વલસાડમાં ભારેથી અતિભારે વરસાદની શક્યતા છે. અમદાવાદ અને ગાંધીનગર જેવા શહેરોમાં પણ હળવાથી મધ્યમ વરસાદની સંભાવના છે. હવામાન નિષ્ણાતોએ આગામી 5 દિવસ સુધી માછીમારોને દરિયો ન ખેડવાની સલાહ આપી છે.

હવામાન વિભાગના જણાવ્યા અનુસાર, હાલમાં ગુજરાતમાં એક સાથે 4 વરસાદી સિસ્ટમ સક્રિય છે. આ સિસ્ટમ્સમાં બંગાળની ખાડીમાં બનેલું 'વેલ માર્ક લો પ્રેશર' અને 'મોનસૂન ટ્રફ' મુખ્ય છે, જે ગુજરાતમાં ભારે વરસાદ લાવશે.

19 ઓગસ્ટ, 2025: અતિથી અતિભારે વરસાદ: જૂનાગઢ, ગીર સોમનાથ, અમરેલી, નવસારી અને વલસાડ. ભારેથી અતિભારે વરસાદ: દેવભૂમિ દ્વારકા, પોરબંદર, રાજકોટ, ભાવનગર, સુરત, તાપી અને ડાંગ. ભારે વરસાદ: કચ્છ, મોરબી, જામનગર, સુરેન્દ્રનગર, અમદાવાદ, ગાંધીનગર, મહેસાણા, પાટણ, બનાસકાંઠા, સાબરકાંઠા, અરવલ્લી, મહીસાગર, દાહોદ, પંચમહાલ, છોટા ઉદેપુર, વડોદરા, ભરૂચ અને નર્મદા.

20 ઓગસ્ટ, 2025: અતિથી અતિભારે વરસાદ: અમરેલી, ભાવનગર, નવસારી અને વલસાડ. ભારેથી અતિભારે વરસાદ: દેવભૂમિ દ્વારકા, પોરબંદર, જૂનાગઢ, ગીર સોમનાથ, ભરૂચ, સુરત, તાપી, ડાંગ, બનાસકાંઠા અને સાબરકાંઠા. ભારે વરસાદ: કચ્છ, મોરબી, જામનગર, રાજકોટ, બોટાદ, સુરેન્દ્રનગર, અમદાવાદ, ગાંધીનગર, મહેસાણા, પાટણ, આણંદ, ખેડા, અરવલ્લી, મહીસાગર, પંચમહાલ, વડોદરા, દાહોદ, છોટા ઉદેપુર અને નર્મદા.

હવામાન નિષ્ણાત અંબાલાલ પટેલના મતે, 19-20 ઓગસ્ટ દરમિયાન વરસાદનું જોર વધશે અને સૂર્ય કર્ક રાશિમાં આવતા મધ્ય ગુજરાતમાં પણ ભારેથી અતિભારે વરસાદની શક્યતા છે. તેમણે 23 થી 25 ઓગસ્ટ સુધી મધ્ય ગુજરાતની નદીઓમાં પૂરની સ્થિતિ સર્જાઈ શકે તેવી ચેતવણી પણ આપી છે.

પરેશ ગોસ્વામીએ જણાવ્યું કે બંગાળની ખાડીમાં બનેલી સિસ્ટમ મહારાષ્ટ્રના દરિયાકાંઠે પહોંચીને વધુ મજબૂત બનશે અને ગુજરાતમાં ભારે વરસાદ લાવશે. તેમણે આગાહી કરી છે કે દક્ષિણ ગુજરાત અને સૌરાષ્ટ્રમાં 5 થી 10 ઇંચ વરસાદ પડી શકે છે, જ્યારે ઉત્તર અને મધ્ય ગુજરાતમાં 3 થી 6 ઇંચ વરસાદની શક્યતા છે.