Talala Rain: તાલાલામાં ધોધમાર વરસાદ, એક કલાકમાં બે ઈંચ વરસાદથી જળબંબાકાર

Rain Alert: એક કલાકમાં બે ઈંચ વરસાદ પડતા રસ્તાઓ પર ઘૂંટણ સમા પાણી વહી રહ્યા છે.

હવામાન વિભાગે આવતીકાલે પણ રાજ્યમાં અનેક જગ્યાએ ભારે વરસાદની આગાહી કરી છે.

Gujarat Weather: ગીર સોમનાથ જિલ્લાના તાલાલા શહેર અને આસપાસના ગ્રામ્ય વિસ્તારોમાં આજે અચાનક ધોધમાર વરસાદ તૂટી પડ્યો હતો.

માત્ર એક કલાકના ગાળામાં બે ઈંચ જેટલો ભારે વરસાદ નોંધાયો હતો, જેના કારણે સમગ્ર વિસ્તાર જળબંબાકાર થઈ ગયો હતો.

આ અતિભારે વરસાદને કારણે તાલાલા શહેર અને આસપાસના ગામડાઓમાં જનજીવન અસ્તવ્યસ્ત થઈ ગયું હતું.

શહેરના મુખ્ય માર્ગો અને નીચાણવાળા વિસ્તારોમાં પાણી ભરાઈ જવાથી વાહનવ્યવહાર ખોરવાઈ ગયો હતો.

કેટલાક વિસ્તારોમાં તો રસ્તાઓ પર ઘૂંટણ સમા પાણી વહેતા જોવા મળ્યા હતા.