મહાશિવરાત્રીના પાવન પર્વ નિમિત્તે સોમનાથ મહાદેવના દર્શન માટે મોટી સંખ્યામાં ભક્તો ઉમટ્યા

આજે મહાશિવરાત્રિ છે. રાજ્યભરના મંદિરો 'બમ બમ ભોલે...'ના નાદથી ગૂંજી ઉઠ્યા હતા.

અમદાવાદ, રાજકોટ, સુરત, વડોદરા, જામનગર, ભાવનગર સહિત રાજ્યભરમાં આસ્થા-ઉલ્લાસપૂર્વક મહાશિવરાત્રિના પર્વની ઉજવણી થઈ રહી છે.

જ્યોર્તિલિંગ સોમનાથ મંદિરમાં રવિવારથી જ ભક્તોનું આગમન શરૂ થઇ ગયું છે.

સોમનાથ મહાદેવના દર્શન માટે ભક્તોનો માનવ મહેરામણ ઉમટ્યો હતો. કોરોના મહામારી બાદ સુખાકારી અને આશીર્વાદ પ્રાપ્ત કરવા માટે ભક્તો ઉમટી પડ્યા હતા.

સવારે મહાદેવને પારંપરિક પાઘનો શૃંગાર કરવામાં આવેલ સાથે જ શ્વેતાંબર પીતાંબર અને પુષ્પોથી મહાદેવની ઝાંખી મનમોહક ભાસી રહી છે.

ટ્રસ્ટના સેક્રેટરી શ્રી પ્રવિણભાઇ લહેરીએ વ્યવસ્થા અંગે નિરીક્ષણ કર્યું હતું. ટ્રસ્ટની પારંપરિક ધ્વજાપૂજા અને પાલખીયાત્રા યોજવામાં આવી હતી.