Vapi Rain: વાપીમાં ધોધમાર વરસાદ વરસ્યો, અનેક વિસ્તારો થયા જળમગ્ન

Vapi Rain: વલસાડ જિલ્લામાં વહેલી સવારથી જ ધોધમાર વરસાદ વરસ્યો છે. ભારે વરસાદને પગલે અનેક વિસ્તારો જળમગ્ન થયા છે.

વાપીમાં ભારે વરસાદ

વલસાડ: વાપી જિલ્લામાં સતત ભારે વરસાદ વરસી રહ્યો છે. ધોધમાર વરસાદથી વાપીના અનેક વિસ્તારોમાં રસ્તા પર પાણી ભરાયા છે. વાપીમાં રસ્તાઓ પાણી-પાણી થયા છે. રાહદારીઓ અને વાહન ચાલકો ભારે વરસાદ અને પાણી ભરાવાની સમસ્યાને લઈ પરેશાન થયા છે.

વહેલી સવારથી જ વલસાડ જિલ્લામાં પડી રહેલા ભારે વરસાદને લઈને જનજીવન પર સીધી અસર થઈ છે. વાપી મહાનગરપાલિકા વિસ્તારમાં પણ ભારે વરસાદને લઈને અલગ-અલગ વિસ્તારોમાં પાણી ભરાયા છે. વાપીના નુતન નગર જકાતનાકા પાસે રોડ પર પાણી ભરાયા હતા.

વાપીના ચલા વિસ્તારમાં પણ રોડ પર પાણી ભરાતા લોકોને મુશ્કેલીનો સામનો કરવો પડી રહ્યો છે. મહાનગરપાલિકા દ્વારા પ્રિમોનસૂનની કામગીરીને લઈને પણ ઘણા પ્રશ્નો ઉઠી રહ્યા છે. પાણી નિકાલની વ્યવસ્થા અને જરૂર પડે ત્યાં ગટર સાફ કરવાની વ્યવસ્થાને લઈને પણ પ્રશ્ન ઊભા થયા છે.

વલસાડ જિલ્લામાં હજુ પણ ભારે વરસાદની આગાહી કરવામાં આવી છે. સતત વરસાદથી શહેરી વિસ્તારોમાં જનજીવન પ્રભાવિત થયું છે. હવામાન વિભાગ દ્વારા વલસાડમાં આજે પણ ભારે વરસાદને લઈ એલર્ટ જાહેર કરવામાં આવ્યું છે.

હવામાન વિભાગની આગાહી અનુસાર, આગામી 2 કલાક 6 જિલ્લામાં અતિભારે વરસાદનું રેડ એલર્ટ જાહેર કરવામાં આવ્યું છે. જેમાં નવસારી, વલસાડ, સાબરકાંઠા, અરવલ્લી, અમરેલી, ગીર સોમનાથમાં ગાજવીજ સાથે ભારે વરસાદની આગાહી સાથે પવનની ગતિ 41 થી 61 કિલોમીટર પ્રતિ કલાક રહેશે.