જમ્મુ-કાશ્મીરમાં ચેનાબ નદીનો પુલ કોઈ અજાયબીથી ઓછો નથી, તસવીરોમાં નીચે વાદળો અને ઉપરનો પુલ જોઈને તમે રોમાંચિત થઈ જશો

જમ્મુ-કાશ્મીરમાં ચિનાબ નદી પર બનેલો સૌથી ઉંચો પુલ કોઈ અજાયબીથી ઓછો નથી. અહીંની સુંદરતા દર્શાવતી આ તસવીરો જોઈને તમે પણ ઘરે બેઠા રોમાંચિત થઈ જશો.

ચેનાબ બ્રિજ

Indian Railway: જમ્મુ-કાશ્મીરના રિયાસી જિલ્લાની અંદર ચિનાબ નદી પર બનેલો સૌથી ઉંચો પુલ કોઈ અજાયબીથી ઓછો નથી. 18 વર્ષની મહેનત બાદ આ પ્રોજેક્ટ અંતિમ તબક્કામાં છે. શ્રીનગરને દેશ સાથે જોડતો આ પુલ અનેક રીતે ઘણી વિશેષતા ધરાવે છે. નીચે વાદળો અને ઉપર પુલ જોઈને તમે ઘરે બેસીને રોમાંચિત થઈ જશો.

ચેનાબ નદી પર પુલ બનાવવો રેલ્વે માટે સરળ કામ નહોતું. કારણ કે અહીંનું વાતાવરણ કર્મચારીઓ અને એન્જિનિયરો માટે પડકારજનક રહ્યું છે. અગાઉ અહીં પહોંચવા માટે કોઈ સાધન નહોતું. હેલિકોપ્ટરની મદદથી જ લોકેશન સુધી પહોંચી શકાયું હતું.