કર્ણાટકના શિવમોગામાં બજરંગ દળના કાર્યકરની હત્યા બાદ હિંસા, આગચંપી અને તોડફોડ

કર્ણાટકમાં હિંસા

કર્ણાટકના શિવમોગામાં 23 વર્ષીય બજરંગ દળના કાર્યકરની કથિત રીતે છરીના ઘા મારીને હત્યા કરવામાં આવી હતી. સોમવારે મૃતકના અંતિમ સંસ્કાર દરમિયાન હિંસા ફાટી નીકળી હતી, જેમાં એક ફોટો જર્નાલિસ્ટ અને એક મહિલા પોલીસકર્મી સહિત ત્રણ લોકો ઘાયલ થયા હતા.

આ ઘટના ત્યારે બની જ્યારે કેટલાક બદમાશોએ કડક સુરક્ષા વ્યવસ્થા વચ્ચે અંતિમ સંસ્કાર દરમિયાન પથ્થરમારો કર્યો હતો. કેટલાક વાહનોને સળગાવવા અને નુકસાન કરવા ઉપરાંત કેટલીક દુકાનોમાં તોડફોડની માહિતી પણ સામે આવી છે.