Ladakh Tour: જૂન-જુલાઇમાં હરવા-ફરવા માટે બેસ્ટ છે લદ્દાખ, ટૂર કરતાં પહેલા જાણી લો ખર્ચ

પર્યટનને પ્રોત્સાહન આપવા માટે IRCTC દેશના વિવિધ ભાગો માટે ખાસ ટૂર પેકેજ લઈને આવે છે

(તસવીર- એબીપી લાઇવ)

IRCTC Ladakh Tour: લેહ-લદ્દાખ દેશના સૌથી પ્રિય પર્યટન સ્થળોમાંનું એક છે. જો તમે જૂન-જુલાઈમાં અહીં હરવા-ફરવા જવા માંગતા હોય, તો અમે તમને IRCTCના પ્રવાસની વિગતો વિશે જણાવી રહ્યા છીએ. IRCTC જાણીતા પર્યટન સ્થળ લદ્દાખ માટે વિશેષ ટૂર પેકેજ ઓફર કરી રહ્યું છે.

IRCTC લદ્દાખ ટૂર: - પર્યટનને પ્રોત્સાહન આપવા માટે IRCTC દેશના વિવિધ ભાગો માટે ખાસ ટૂર પેકેજ લઈને આવે છે. અમે તમને દિલ્હીથી લદ્દાખના ટૂર પેકેજ વિશે જણાવી રહ્યા છીએ.

આ પેકેજનું નામ છે 'Discover Ladakh with IRCTC'. આના દ્વારા, તમને લેહ લદ્દાખના ઘણા અદભૂત સ્થળો જેવા કે લેહ, શામ વેલી, નુબ્રા, તુર્તુક, થાંગ ઝીરો પોઈન્ટ, નુબ્રા અને પેંગોંગની મુલાકાત લેવાની તક મળશે.

આ એક ફ્લાઈટ પેકેજ છે, જેમાં તમને દિલ્હીથી લેહ જવા અને જવાની સુવિધા મળશે. આ પેકેજમાં તમને 3 સ્ટાર હોટલમાં રહેવાની સુવિધા મળશે.

પેકેજ કુલ 6 દિવસ અને 7 રાત માટે છે. આમાં તમને લેહમાં 3 દિવસ, નુબ્રામાં 2 રાત અને પેંગોંગમાં 1 રાત રહેવાનો મોકો મળશે.

આ પેકેજમાં તમને 6 બ્રેકફાસ્ટ, 6 લંચ અને 6 ડિનરની સુવિધા મળી રહી છે. પેકેજમાં મુસાફરી વીમાની સુવિધા પણ સામેલ છે.

લદ્દાખ ટૂર પેકેજની કિંમત ઓક્યુપન્સી માટે વ્યક્તિ દીઠ 58,400 રૂપિયા હશે. સિંગલ ઓક્યુપન્સી માટે તમારે વ્યક્તિ દીઠ 58,400, ડબલ ઓક્યુપન્સી માટે 53,000 અને ત્રિપલ ઓક્યુપન્સી માટે તમારે વ્યક્તિ દીઠ 50,900 રૂપિયા ચૂકવવા પડશે.