રિઝર્વેશનના ફૉર્મમાં ફક્ત 6 લોકોની જ થઇ શકે છે ટિકીટ, સાત લોકોને જવું છે તો કેવી રીતે થશે બુકિંગ ?

જો તમે ઓનલાઈન ટિકિટ બુક કરાવી રહ્યા છો, તો તમારે બીજા PNR પર સાતમા વ્યક્તિ માટે ટિકિટ બુક કરાવવી પડશે

(તસવીર- એબીપી લાઇવ)

Railway Reservation Rules: ભારતીય રેલવેના નિયમો અનુસાર, રેલ્વે એક ફોર્મ અથવા પીએનઆર પર ફક્ત છ ટિકિટ બુક કરવાની મંજૂરી આપે છે. એક પીએનઆર પર આ સંખ્યાથી વધુ લોકોનું બુકિંગ કરી શકાતું નથી.

ભારતીય રેલ્વેમાં દરરોજ લાખો લોકો મુસાફરી કરે છે. રેલવે તેના મુસાફરોની સરળ અને સલામત મુસાફરી માટે સંપૂર્ણપણે પ્રતિબદ્ધ છે. રેલવેએ મુસાફરોની સુવિધા માટે ઘણા નિયમો પણ બનાવ્યા છે, જેમાં ટિકિટ બુક કરાવવાથી લઈને મુસાફરીના નિયમોનો સમાવેશ થાય છે.

જો તમે ટ્રેનમાં મુસાફરી કરવા માટે રિઝર્વેશન કરાવો છો તો તમારે તેના નિયમોથી વાકેફ હોવું જોઈએ. જો તમને રેલવેના નિયમો ખબર નથી, તો તમારે મુશ્કેલીનો સામનો કરવો પડી શકે છે. ઘણીવખત લોકો ટ્રેનમાં મુસાફરી કરવા માટે ગ્રુપ રિઝર્વેશન કરાવે છે. નિયમો અનુસાર, રેલ્વે એક ફોર્મ અથવા પીએનઆર પર ફક્ત છ ટિકિટ બુક કરવાની મંજૂરી આપે છે.

ધારો કે તમારા ગ્રુપમાં સાત લોકો છે, તો આવી સ્થિતિમાં તમે એક PNR પર સાતમા વ્યક્તિની ટિકિટ બુક કરી શકતા નથી. જોકે, તમારે વધારે ચિંતા કરવાની જરૂર નથી.

જો તમે ઓનલાઈન ટિકિટ બુક કરાવી રહ્યા છો, તો તમારે બીજા PNR પર સાતમા વ્યક્તિ માટે ટિકિટ બુક કરાવવી પડશે. આ રીતે, ઑફલાઇન ટિકિટ બુક કરવા માટે, તમારે રિઝર્વેશન વિંડોમાંથી સાતમા વ્યક્તિ માટે એક અલગ ફોર્મ લેવું પડશે.

જોકે, જો તમારા જૂથમાં વધુ લોકો હોય. ધારો કે તમે એકસાથે 50 લોકો માટે રિઝર્વેશન કરાવવા માંગો છો, તો તમે ઓનલાઈન ટિકિટ બુક કરાવી શકતા નથી.

આ માટે તમારે રિઝર્વેશન કાઉન્ટર પર જવું પડશે. ગ્રુપ રિઝર્વેશન માટે, તમારે ચીફ રિઝર્વેશન સુપરવાઇઝર (CRS) અથવા કોમર્શિયલ મેનેજરને અરજી કરવી પડશે. આમાં, તમારે ગ્રુપ ટ્રાવેલ વિશે માહિતી આપવાની રહેશે.