ટૂંક સમયમાં ગરમીમાંથી મળશે રાહત, હવામાન વિભાગે આપ્યા સારા સમાચાર; અહીં સુધી પહોંચી ગુયં ચોમાસું

ભારતના કૃષિ આધારિત અર્થતંત્રની જીવાદોરી સમાન દક્ષિણપશ્ચિમ ચોમાસું રવિવારે દેશના સૌથી દક્ષિણી ક્ષેત્ર નિકોબાર ટાપુઓ પર પહોંચ્યું હતું. ભારતીય હવામાન વિભાગ (IMD) એ રવિવારે આ માહિતી આપી.

Monsoon Update: IMD મુજબ, કેરળમાં ચોમાસા (Monsoon)ની શરૂઆતની તારીખ છેલ્લા 150 વર્ષોમાં વ્યાપકપણે બદલાઈ ગઈ છે, જેમાં સૌથી પહેલી તારીખ 1918માં 11 મે અને છેલ્લી તારીખ 1972માં 18 જૂન હતી. હવામાન વિભાગના જણાવ્યા અનુસાર, દક્ષિણ પશ્ચિમ ચોમાસું (Monsoon) ગયા વર્ષે 8 જૂને દક્ષિણ રાજ્યમાં, 2022માં 29 મે, 2021માં 3 જૂન અને 2020માં 1 જૂને પહોંચ્યું હતું.

હવામાન વિભાગે જણાવ્યું હતું કે, "દક્ષિણ પશ્ચિમ ચોમાસું (Monsoon) રવિવારે માલદીવ અને કોમોરિન વિસ્તાર અને બંગાળની ખાડી, નિકોબાર ટાપુઓ અને દક્ષિણ આંદામાન સમુદ્રના ભાગોમાં આગળ વધ્યું છે." વાર્ષિક વરસાદ (Rain)ની ઘટના કેરળમાં 31 મે સુધીમાં પહોંચવાની ધારણા છે.

ગયા મહિને, IMD એ ભારતમાં સાનુકૂળ લા નીના પરિસ્થિતિઓ, વિષુવવૃત્તીય પેસિફિક મહાસાગરની ઠંડક, ઓગસ્ટ સપ્ટેમ્બર સુધીમાં આવવાની ધારણા સાથે ચોમાસા (Monsoon)ની મોસમમાં સામાન્ય કરતાં વધુ વરસાદ (Rain)ની આગાહી કરી હતી. લા નીનાની સ્થિતિ ભારતમાં સારા ચોમાસા (Monsoon)માં મદદ કરે છે.