પીએમ આવાસ યોજનાના નવા નિયમો સાંભળીને રાજી થઈ જશો! ત્રણ શરતો કરાઈ દૂર

સરકારે લઘુત્તમ માસિક આવક અને વાહન માલિકી સંબંધિત શરતો હટાવી/સુધારી, સર્વેક્ષણની છેલ્લી તારીખ ૩૦ એપ્રિલથી લંબાવીને ૧૫ મે ૨૦૨૫ કરાઈ, હવે વધુ લોકો ઘરના સપના પૂરા કરી શકશે.

પોતાનું ઘર હોવું એ દરેક વ્યક્તિનું સ્વપ્ન હોય છે અને આ સ્વપ્નને સાકાર કરવામાં ભારત સરકારની પ્રધાનમંત્રી આવાસ યોજના (Pradhan Mantri Awas Yojana - PMAY) ઘણા લોકો માટે આશાનું કિરણ બની છે.

આ યોજના હેઠળ ઘર ખરીદવા માટે સરકાર દ્વારા આર્થિક સહાય આપવામાં આવે છે. જોકે, અત્યાર સુધી આ યોજનાનો લાભ મેળવવા માટે કેટલીક પાત્રતા શરતો હતી. હવે, સરકારે PMAYના નિયમોમાં મહત્વપૂર્ણ બદલાવ કરીને લાભાર્થીઓ માટે રાહત આપી છે.

કેન્દ્ર સરકારે પ્રધાનમંત્રી આવાસ યોજનાનો લાભ મેળવવા માટે અગાઉ નિર્ધારિત ૧૩ શરતોમાંથી ત્રણ શરતોને દૂર કરી દીધી છે (અથવા તેમાં સુધારો કર્યો છે). આના કારણે હવે વધુને વધુ પાત્ર લોકો આ યોજનાનો લાભ મેળવી શકશે અને તેમનું પોતાનું ઘર હોવાનું સ્વપ્ન પૂર્ણ કરી શકશે. ચાલો જોઈએ કે કઈ શરતો દૂર કરવામાં આવી છે (અથવા તેમાં સુધારો કરાયો છે).