Gujarat HeatWave: સૌરાષ્ટ્ર-કચ્છમાં અંગ દઝાડતી ગરમી, રાજકોટમાં ત્રણ દિવસ હીટવેવની આગાહી

Gujarat HeatWave: સૌરાષ્ટ્ર-કચ્છમાં અંગ દઝાડતી ગરમી, રાજકોટમાં ત્રણ દિવસ હીટવેવની આગાહી

પ્રતિકાત્મક તસવીર

રાજકોટ: ગુજરાતમાં કાળઝાળ ગરમીનો પ્રકોપ સતત વધી રહ્યો છે. એપ્રિલ મહિનાની શરુઆતથી જ અંગ દઝાડતી ગરમી પડી રહીછે. અમદાવાદ સહિતના શહેરોમાં આકાશમાંથી અગનવર્ષા વરસવાની આગાહી કરવામાં આવી છે. અમદાવાદમાં ગરમીનો પારો 43 ડિગ્રીને પાર પહોંચશે. હીટવેવને લઈ પણ હવામાન વિભાગે આગાહી કરી છે.

હવામાન વિભાગના જણાવ્યા પ્રમાણે, ગુજરાતમાં હાલ પૂર્વથી ઉત્તર પૂર્વના પવનો ફૂંકાઈ રહ્યા છે. આ સાથે ઉત્તર ભારતમાં વેસ્ટર્ન ડિસ્ટર્બન્સ સર્જાયું છે. આ કારણે ગુજરાતમાં બેથી ત્રણ દિવસ સુધી તાપમાન વધવાની આગાહી કરવામાં આવી છે. આ સાથે જ અનેક જગ્યાએ હીટવેવની આગાહી કરાઈ છે. હવામાન વિભાગ દ્વારા આગામી બે દિવસ દરમિયાન રાજ્યના કેટલાક ભાગોમાં પારો 44 ડિગ્રી સુધી પહોંચવાની આગાહી કરવામાં આવી છે.

રાજકોટમાં આગામી ત્રણ દિવસ સુધી હવામાન વિભાગે હીટવેવની આગાહી કરી છે. ગુજરાત અત્યારે આકરા તાપનો સામનો કરી રહ્યું છે, એપ્રિલની શરૂઆતથી જ કાળઝાળ ગરમી શરૂ થઈ ગઈ છે. હવામાન વિભાગે આગામી ચાર દિવસ સુધી ગુજરાત સહિત અનેક રાજ્યોમાં આકરા તાપની આગાહી કરી છે.

અમદાવાદમાં આજે ગરમીનો પારો 43 ડિગ્રીને પાર જઇ શકે છે. સોમવારે 42.9 ડિગ્રી સાથે અમદાવાદ સૌથી ગરમ શહેર બન્યુ છે, જ્યારે ઉત્તર ગુજરાતના બનાસકાંઠા, સાબરકાંઠામાં યલો એલર્ટ અને કચ્છ અને સૌરાષ્ટ્રમાં અંગ દઝાડતી ગરમીની આગાહી કરવામાં આવી છે.

હવામાન વિભાગ અનુસાર વેસ્ટર્ન ડિસ્ટબન્સના સાયક્લોનિક સરક્યુલેશન અને ટ્રફની સક્રિયતા ઘટતા ગરમીની અસર શરૂ થશે. સૌરાષ્ટ્ર અને કચ્છમાં તાપમાન 44 ડિગ્રીને પાર પહોંચી ગયું છે. હવામાન વિભાગે સૌરાષ્ટ્રમાં હીટવેવનું ઓરેન્જ એલર્ટ આપ્યું છે. ગુજરાત અત્યારે આકરા તાપનો સામનો કરી રહ્યું છે, એપ્રિલની શરૂઆતથી જ કાળઝાળ ગરમી શરૂ થઈ ગઈ છે.

હવામાન વિભાગે આગામી ચાર દિવસ સુધી ગુજરાત સહિત અનેક રાજ્યોમાં આકરા તાપની આગાહી કરી છે. આવનારા દિવસોમાં અનેક શહેરોના તાપમાનમાં પણ વધારો થશે.