આ પાકિસ્તાની એન્કરે જીત્યું Miss Pakistan Globalનું ટાઇટલ, જણાવ્યું-કેવા છોકરા સાથે લગ્ન કરશે?

નવી દિલ્હીઃ પાકિસ્તાનમાં એક બ્યૂટી કોમ્પિટિશન ખૂબ ચર્ચામાં છે. આ બ્યૂટી પ્રેઝન્ટમાં મિસ પાકિસ્તાન યુનિવર્સલ 2022, મિસેસ પાકિસ્તાન વર્લ્ડ સિવાય મિસ પાકિસ્તાન ગ્લોબલનું ટાઇટલ જીત્યું હતું. આ બ્યૂટી પ્રેઝન્ટમાં પાકિસ્તાન ગ્લોબલ 2022નું ટાઇટલ પાકિસ્તાનની સના હયાતે પોતાના નામે કર્યું છે.

કેનેડામાં આયોજીત એક વર્ચ્યુઅલ બ્યૂટી પ્રેઝન્ટમાં મિસ પાકિસ્તાન ગ્લોબલનું ટાઇટલ મિસ સના હયાતને આપવામાં આવ્યું છે.

સના હયાત સોશિયલ મીડીયા પર ખૂબ જાણીતું નામ છે. તે હાલમાં પાકિસ્તાની મીડિયામાં જર્નાલિસ્ટનું કામ કરી રહી છે. બાદમાં તેણે મોડલિંગમાં એન્ટ્રી મારી અને તેમાં સફળતા મેળવી હતી.

ઇન્ટરવ્યૂ દરમિયાન સનાએ કહ્યું કે તેની હાઇટ ખૂબ વધારે છે. વધુ હાઇટ હોવાના કારણે તેને અગાઉથી મોડલિંગનો શોખ હતો. સનાએ કહ્યું કે તેણે જર્નાલિઝમનો અભ્યાસ કર્યો. આ કારણે તેણે મોડલિંગના બદલે મીડિયામાં કરિયર બનાવવાનું વિચાર્યું પરંતુ તેને મોડલિંગમાં જવાની ઇચ્છા હતી. પણ જ્યારે તેને તક મળી ત્યારે તેણે તે ઝડપી લીધી.

સનાએ કહ્યું કે તે એવા છોકરા સાથે લગ્ન કરવા માંગે છે જે મહિલાઓનું સન્માન કરતો હોય. કારણ કે મહિલાઓ માટે મોહબ્બતની સાથે સન્માન પણ મહત્વનું છે.