Cricket: આ ખેલાડીઓને ટેસ્ટ ક્રિકેટમાં સૌથી વધુ વખત મળ્યો છે પ્લેયર ઓફ ધ મેચનો ખિતાબ

Test Cricket: ટેસ્ટ ક્રિકેટની સત્તાવાર શરુઆત 15 માર્ચ 1877ના રોજ થઈ હતી. ટેસ્ટ ઈતિહાસની પ્રથમ મેચ ઈંગ્લેન્ડ અને ઓસ્ટ્રેલિયા વચ્ચે મેલબોર્ન ક્રિકેટ ગ્રાઉન્ડ પર રમાઈ હતી.

ટેસ્ટ ક્રિકેટ

દક્ષિણ આફ્રિકાના જેક કાલિસ ટેસ્ટ ક્રિકેટમાં સૌથી વધુ વખત પ્લેયર ઓફ ધ મેચનો ખિતાબ જીત્યો છે. તે 23 વખત પ્લેયર ઓફ ધ મેચનો ખિતાબ જીતી ચૂક્યો છે.

મુથૈયા મુરલીધરને શ્રીલંકા તરફથી રમતા 19 વખત પ્લેયર ઓફ ધ મેચનો ખિતાબ જીત્યો છે. આ યાદીમાં તે બીજા સ્થાને છે.

ઓસ્ટ્રેલિયાના શેન વોર્ને ટેસ્ટ ક્રિકેટમાં 17 વખત પ્લેયર ઓફ ધ મેચનો ખિતાબ જીત્યો છે. ઓસ્ટ્રેલિયા માટે વોર્ન શાનદાર સ્પિન બોલર રહ્યો છે. આ યાદીમાં તે ત્રીજા સ્થાને છે.

વસીમ અકરમ પણ આ યાદીનો એક ભાગ છે અને તે પોતાની ટેસ્ટ કારકિર્દીમાં 17 વખત પ્લેયર ઓફ ધ મેચનો ખિતાબ પણ જીતી ચૂક્યો છે. આ યાદીમાં શેન વોર્નની સાથે વસીમ અકરમ ત્રીજા સ્થાને છે.

ભારતના મહાન ક્રિકેટર સચિન તેંડુલકર આ યાદીમાં ચોથા સ્થાને છે. સચિન તેંડુલકરે તેની ટેસ્ટ કારકિર્દીમાં 14 વખત પ્લેયર ઓફ ધ મેચનો ખિતાબ જીત્યો છે.