શ્રીલંકાના પરેરાએ છ બોલમાં ફટકારી છ સિક્સર, જાણો ક્યા બોલ પર ક્યાં ફટકારી સિક્સર ?

તસવીર સૌજન્યઃ ટ્વીટર

શ્રીલંકાનો ઓલ રાઉન્ડર થિસારા પરેરા (Thisara Perera)અહીં એક સ્થાનિક ટૂર્નામેન્ટ દરમિયાન ક્રિકેટમાં એક જ ઓવરમાં છ સિક્સર ફટકારનારો શ્રીલંકા(Sri Lanka)નો પ્રથમ ખેલાડી બની ગયો છે. પરેરાએ આ ઉપલબ્ધિ રવિવારે અહીં પનાગોડામાં સેન્ય મેદાનમાં ચાલી રહેલી મેજર ક્લબ્સ લિમિટેડ ઓવર લિસ્ટ એ ટૂર્નામેન્ટમાં હાંસલ કરી હતી. તે બ્લૂમફીલ્ડ ક્રિકેટ અને એથલેટિક ક્લબ સામેની મેચમાં શ્રીલંકન આર્મીની કેપ્ટનશીપ કરી રહ્યો હતો. તેણે 13 બોલમાં અણનમ 52 રન બનાવ્યા હતા.

પરેરાએ ઈનિંગમાં આઠ સિક્સ ફટકારી હતી અને આ ઈનિંગ શ્રીલંકાની યાદીમાં બીજી સૌથી ઝડપી અડધી સદી છે. પ્રથમ સિક્સ ફૂલ ટોસ પર ફટકારી હતી.