Google Pixel 9થી લઇને iPhone 16 સુધી, Valentine's Day પર ગિફ્ટ માટે છે આ બેસ્ટ Smartphone

વેલેન્ટાઇન ડે નજીક આવી રહ્યો છે. જો તમે આ ખાસ પ્રસંગે તમારા બોયફ્રેન્ડ કે ગર્લફ્રેન્ડને ભેટ આપવા માંગતા હોવ તો સ્માર્ટફોન એક સારો વિકલ્પ બની શકે છે.

પ્રતિકાત્મક તસવીર

વેલેન્ટાઇન ડે નજીક આવી રહ્યો છે. જો તમે આ ખાસ પ્રસંગે તમારા બોયફ્રેન્ડ કે ગર્લફ્રેન્ડને ભેટ આપવા માંગતા હોવ તો સ્માર્ટફોન એક સારો વિકલ્પ બની શકે છે. આજે અમે તમારા માટે કેટલાક પ્રીમિયમ ફોનની યાદી લાવ્યા છીએ, જે તમે આ વેલેન્ટાઇન ડે પર ભેટ આપી શકો છો. આમાં તમને એક શાનદાર કેમેરાથી લઈને શક્તિશાળી બેટરી સુધી બધું જ મળશે. ચાલો આ યાદી પર એક નજર કરીએ.

આ ફોનમાં 6.67-ઇંચ ડિસ્પ્લે છે, જે 4500 nits ની પીક બ્રાઇટનેસ સાથે આવે છે. આ ફોન MediaTek Dimensity 9400 (3nm) ચિપસેટથી સજ્જ છે. Vivo X200 માં 5800mAh બેટરી છે, જે 90W ફાસ્ટ ચાર્જિંગ અને રિવર્સ વાયરલેસ ચાર્જિંગને સપોર્ટ કરે છે. આ ફોનમાં 50MP ટ્રિપલ કેમેરા સેટઅપ છે જેમાં પેરિસ્કોપ લેન્સ, ટેલિફોટો લેન્સ અને અલ્ટ્રાવાઇડ લેન્સનો સમાવેશ થાય છે. તેનું 12GB+256GB વેરિઅન્ટ અમેઝોન પર 65,999 રૂપિયામાં ઉપલબ્ધ છે.

એલ્યુમિનિયમ બિલ્ડ સાથે આવતા ગેલેક્સી S25માં 6.2-ઇંચ ડાયનેમિક LTPO AMOLED 2X ડિસ્પ્લે છે. સ્ક્રીન પ્રોટેક્શન માટે તેમાં ગોરિલા ગ્લાસ વિક્ટસ 2 છે. પ્રોસેસરની વાત કરીએ તો તે Snapdragon 8 Elite (3nm) ચિપસેટ સાથે આવે છે. તેમાં 25W ચાર્જિંગ સપોર્ટ સાથે 4000mAh બેટરી છે. તેમાં 12MP અલ્ટ્રા વાઇડ, 50MP વાઇડ અને 10MP ટેલિફોટો લેન્સ છે. તેનું 12GB+256GB વેરિઅન્ટ એમેઝોન પરથી 80,999 રૂપિયામાં ખરીદી શકાય છે.

આ ઓપ્પો ફોનમાં 6.59 ઇંચની ડિસ્પ્લે છે. કંપનીનો દાવો છે કે આ સેગમેન્ટનો પહેલો ફોન છે જેમાં એરોસ્પેસ ગ્રેડ એલ્યુમિનિયમ ફ્રેમ છે. તેમાં ડાયમેન્સિટી 8350 પ્રોસેસર છે. બેટરી વિશે વાત કરીએ તો તે 5600mAh બેટરી સાથે આવે છે. તેમાં પાછળના ભાગમાં 50MP + 8MP + 2MP ટ્રિપલ કેમેરા સેટઅપ અને આગળના ભાગમાં 50MP કેમેરા છે. તેને અમેઝોન પરથી 33,225 રૂપિયામાં ખરીદી શકાય છે.

Google Pixel 9 પણ ભેટ આપવા માટે એક ઉત્તમ ફોન છે. તે ગૂગલની ઘણી AI સુવિધાઓથી સજ્જ છે. તેમાં 6.3 ઇંચનો ડિસ્પ્લે છે. તેમાં પાછળના ભાગમાં 50MP + 48MP ડ્યુઅલ કેમેરા સેટઅપ અને સેલ્ફી અને વીડિયો કૉલ્સ માટે ફ્રન્ટમાં 10.5MP કેમેરા છે. પાવર માટે 4700mAh બેટરી છે અને તે Google Tensor G4 પ્રોસેસરથી સજ્જ છે. તેને ફ્લિપકાર્ટ પરથી 74,999 રૂપિયામાં ખરીદી શકાય છે.

યુવાનોમાં iPhone હંમેશા ટ્રેન્ડી રહ્યો છે અને તમે વેલેન્ટાઇન ડેને વધુ ખાસ બનાવવા માટે iPhone 16 ભેટમાં આપી શકો છો. તેમાં 6.1 ઇંચનો ડિસ્પ્લે છે. કંપનીનું કહેવું છે કે iPhone 16 સીરિઝ એપલ ઇન્ટેલિજન્સ માટે ડિઝાઇન કરવામાં આવી છે. એપલ ઇન્ટેલિજન્સની બધા ફીચર તેમાં ઉપલબ્ધ છે. તેમાં 48MP મુખ્ય અને 12MP અલ્ટ્રા-વાઇડ કેમેરા છે. આ ફોન એપલના લેટેસ્ટ A18 ચિપસેટથી સજ્જ છે. તે અમેઝોન પર 74,400 રૂપિયામાં વેચાઈ રહ્યું છે.