WhatsApp પર આ રીતે થઇ રહ્યો છે સાયબર ફ્રૉડ, અનેક લોકોએ ગુમાવ્યા લાખો રૂપિયા

Whatsapp Cyber Fraud: આજે વિશ્વભરમાં 3 અબજથી વધુ યુઝર્સ WhatsAppનો ઉપયોગ કરી રહ્યા છે, જેમાંથી લગભગ 50 કરોડ ભારતમાં એક્ટિવ છે.

પ્રતિકાત્મક તસવીર

Whatsapp Cyber Fraud: આજે વિશ્વભરમાં 3 અબજથી વધુ યુઝર્સ WhatsAppનો ઉપયોગ કરી રહ્યા છે, જેમાંથી લગભગ 50 કરોડ ભારતમાં એક્ટિવ છે. આ લોકપ્રિય મેસેજિંગ એપ લોકોને જોડવાનો એક સરળ રસ્તો બની ગઈ છે, પરંતુ હવે તે સાયબર ગુનેગારો માટે છેતરપિંડી કરવાનું એક માધ્યમ પણ બની રહી છે. અત્યાર સુધીમાં તમે સાંભળ્યું હશે કે સ્કેમર્સ વોટ્સએપ કોલ્સ, નકલી લિંક્સ અથવા નકલી મેસેજ દ્વારા લોકોને છેતરે છે. પરંતુ હવે તેઓ ઇમેજ ફાઇલો દ્વારા એક નવી અને ખતરનાક તકનીક અપનાવી રહ્યા છે.

તાજેતરમાં જ મધ્યપ્રદેશના જબલપુરથી એક કિસ્સો પ્રકાશમાં આવ્યો હતો, જેમાં 28 વર્ષીય યુવકે વોટ્સએપ પર મળેલો સામાન્ય દેખાતો ફોટો ડાઉનલોડ કર્યો અને થોડા જ સમયમાં તેના બેન્ક ખાતામાંથી લગભગ 2 લાખ રૂપિયા ગાયબ થઈ ગયા. હવે પ્રશ્ન એ છે કે, ફોટા સાથે આ કેવી રીતે થઈ શકે?